ساۋدا مينيسترلىگى: ا ق ش – تىڭ جۇڭگوعا قارجى قوسۋدى شەكتەۋ جونىندەگى كەڭەس ەرەجەسىن جاريالاۋىنا قاتاڭ نازار اۋدارىپ، باتىل قارسى تۇرامىز

شينحۋا اگەنتتىگىنىڭ 6 – ايدىڭ 24 – كۇنى بەيجيڭنەن بەرگەن حابارى. ا ق ش قازىنا مينيسترلىگىنىڭ 6 - ايدىڭ 21 - كۇنى جۇڭگوعا قارجى قوسۋدى شەكتەۋ جونىندەگى كەڭەس ەرەجەسىن جاريالاۋىنا قاراتا ساۋدا مينيسترلىگىنىڭ اقپارات مالىمدەمەشىسى 6 - ايدىڭ 24 - كۇنى جاۋاپ قايتارىپ بىلاي دەدى: جۇڭگو ا ق ش – تىڭ قاتىستى قۇجاتتاردى جاريالاۋىنا نازار اۋداردى. جۇڭگو بۇعان قاتاڭ نازار اۋدارىپ، باتىل قارسى تۇرىپ، سايكەستى شارا قولدانۋ ۇقىعىن ساقتاپ قالادى.

بۇل مالىمدەمەشى بىلاي دەدى؛ ا ق ش جاق جۇڭگودان ”قول ءوزۋ“ ويى جوق، جۇڭگو ەكونوميكاسىنىڭ دامۋىنا كەدەرگىلىك جاساۋ ويى جوق دەگەندى قايتا - قايتا باسا دارىپتەگەنىمەن، ءبىراق كەڭەس ەرەجەسىن قاسارىسا جاريالاپ، ا ق ش كاسىپورىندارىنىڭ جۇڭگوعا قارجى قوسۋىن شەكتەپ، جۇڭگو كاسىپ سالاسىنىڭ قالىپتى دامۋىنا قىسىم ءتۇسىردى. بۇل مەملەكەت حاۋىپسىزدىگىن جالپىلاستىرۋدىڭ تيپتىك ءادىسى، ەكى ەل باسشىلارىنىڭ سان - فرانسيسكوداعى كەزدەسۋىندەگى ورتاق تانىمىنا قايشى كەلىپ، جۇڭگو - ا ق ش كاسىپورىندارىنىڭ قالىپتى ەكونوميكا - ساۋدا سەلبەستىگىنە ىقپال جاساپ، حالىقارالىق ەكونوميكا – ساۋدا ءتارتىبىن ءبۇلدىرىپ، الەمدىك كاسىپ تىزبەگى مەن قامداۋ تىزبەگىنىڭ حاۋىپسىزدىگىن، ورنىقتىلىعىن بىلىقتىردى. ا ق ش بازار شارۋاشىلىعىنىڭ زاڭدىلىعى مەن ءادىل باسەكە پرينسيبىنە قۇرمەت ەتىپ، ەكونوميكا - ساۋدا ماسەلەسىن ساياسيلاندىرۋدى، قارۋلاندىرۋدى توقتاتىپ، جۇڭگوعا قارجى قوسۋ شەكتەمەسىن كۇشىنەن قالدىرىپ، جۇڭگو مەن ا ق ش - تىڭ ەكونوميكا - ساۋدا سەلبەستىگىنە تاماشا ورتا جاراتۋى كەرەك.

كەلۋ قاينارى: حالىق تورابى