وقۋعا ءتۇسۋ الدىنداعى بالا زالالعا ۇشىراۋ قاتارلى جاعدايلار بايقالسا، بالالار باقشاسى دەرەۋ قورعاۋ شاراسىن اتقارۋى كەرەك 

وقۋعا ءتۇسۋ الدىنداعى ءتالىم – تاربيە زاڭى 6 – ايدىڭ 25 – كۇنى مەملەكەتتىك حالىق قۇرىلتايى تۇراقتى كوميتەتى ءماجىلىسىنىڭ ەكىنشى رەت قاراۋىنا ۇسىنىلدى.

جوبانىڭ ەكىنشى رەت قارالاتىن نۇسقاسىندا ”وقۋعا ءتۇسۋ الدىنداعى بالالار جونىندە“ دەگەن تارماق قوسىلىپ، جوبادا وقۋعا ءتۇسۋ الدىنداعى بالالاردىڭ ۇقىق – مۇددەسىن قامتاماسىزداندىرۋ جاعىنداعى مازمۇندار جيناقتالعان، سونىمەن بىرگە، قاتىستى بەلگىلەمەلەر ارتتىرىلعان جانە كەمەلدەندىرىلگەن.

جوبانىڭ ەكىنشى رەت قارالاتىن نۇسقاسىندا مىنالار بەلگىلەنگەن: جالپىعا ءتيىمدى سيپاتتاعى بالالار باقشالارى بالالار باقشاسىنداعى تۇرمىسقا ۇيلەسە الاتىن مۇگەدەك بالالاردى بالالار باقشاسىنا قابىلداۋى ءارى ولارعا كومەك بەرۋى جانە قولايلىلىق جاراتۋى كەرەك. مۇگەدەك بالانىڭ اتا – اناسى نەمەسە قامقورشىسى مۇگەدەك بالانى بالالار باقشاسىنا كىرگىزۋ تۋرالى بالالار باقشاسىنداعىلارمەن داۋلاسىپ قالسا، اۋدان دارەجەلى حالىق ۇكىمەتىنىڭ وقۋ – اعارتۋدى اكىمشىلىك جاقتان باسقارۋ تاراۋلارى دەنساۋلىق ساقتاۋ – سالاماتتىق ىستەرىن اكىمشىلىك جاقتان باسقارۋ تاراۋلارىمەن بىرگە مۇگەدەك بالانىڭ دەنساۋلىق جاعدايى، ءتالىم – تاربيە الۋ جانە بالالار باقشاسىندا تۇرمىس كەشىرۋ قابىلەتى قاتارلىلارعا جان – جاقتى ساراپتاۋ جۇرگىزۋى ءارى ۇيلەسىمدى ءبىرجايلى ەتۋى كەرەك.

بالالار باقشاسىنىڭ مەكتەپ اۋلاسى مەن ونىڭ ماڭايىنىڭ حاۋىپسىزدىگىن ساقتاۋ شارالارىن اناعۇرلىم كۇشەيتۋ ءۇشىن، جوبانىڭ ەكىنشى رەت قارالاتىن نۇسقاسىندا مىناداي بەلگىلەمە ارتتىرىلعان: بالالار باقشاسى وقۋعا ءتۇسۋ الدىنداعى بالانىڭ زالالعا ۇشىراعانىن بايقاسا، زالالعا ۇشىراعان بولۋى نەمەسە باسقا دا حاۋىپتى جاعدايلارعا ۇشىراعان بولۋى مۇمكىن دەپ كۇماندانسا، دەرەۋ قورعاۋ شارالارىن اتقارۋى كەرەك.

كەلۋ قاينارى: حالىق تورابى