ۆيەتنام جاق تەلەكوم مەن ينتەرنەتتەن پايدالانىپ الدامكوستىك ىستەگەن قىلمىس كۇماندىلارىنان جۇڭگولىق 19 ادامدى ەلىمىز جاققا وتكىزىپ بەردى 

جۋىردا شەكارا اتتاپ تەلەكوم مەن ينتەرنەتتەن پايدالانىپ الدامكوستىك ىستەۋ قىلمىسىنا زاڭ بويىنشا قاتاڭ سوققى بەرۋ ءۇشىن، قوعام حاۋىپسىزدىگى مينيسترلىگى لياۋنيڭ قاتارلى جەرلەردەگى قوعام حاۋىپسىزدىگى ورگاندارىنىڭ قىزمەتكەرلەرىن ۆيەتنامعا بارىپ حالىقارالىق ساقشى ىستەرى جانە زاڭ اتقارۋ سالاسى بويىنشا سەلبەستىك ورىستەتۋگە جىبەرىپ، شەكارا اتتاپ تەلەكوم مەن ينتەرنەتتەن پايدالانىپ الدامكوستىك ىستەگەن جۇڭگولىق قىلمىس كۇماندىلارىنان 19 ادامدى ءساتتى قولعا تۇسىرگەن. قازىر 19 قىلمىس كۇماندىسى مەن دەلوعا قاتىستى زاتتار گۋاڭشي دۇڭشيڭ وتكەلى ارقىلى ەلىمىز جاققا تاپسىرىلعان.

جۋىرداعى جىلداردان بەرى، شەكارا اتتاپ تەلەكوم مەن ينتەرنەتتەن پايدالانىپ الدامكوستىك ىستەۋ قىلمىسى ءجيى تۋىلعان جاعدايعا باعىتتاي وتىرىپ، قوعام حاۋىپسىزدىگى مينيسترلىگى قىزمەت گرۋپپالارىن قاتىستى مەملەكەتتەرگە حالىقارالىق زاڭ اتقارۋ جاعىندا سەلبەستىك ورىستەتۋگە ۇزدىكسىز جىبەرىپ، الدامكوستىك اپاندارىن الاستاۋدى جەدەلدەتىپ، الدامكوستىك ىستەيتىن قىلمىس كۇماندىلارىن تۇتقىندادى ءارى جوتكەدى، ءبىرقىدىرۋ كەلەلى جەتىستىكتەرگە قول جەتكىزدى، كۇشتى سەسكەندىرۋ رولىن قالىپتاستىردى. وتە – موتە، جۇڭگو مەن ۆيەتنامنىڭ قوعام حاۋىپسىزدىگى مينيسترلىكتەرىنىڭ سەلبەسە وتىرىپ قىلمىسكەرلەرگە سوققى بەرۋ جاعىنداعى 8 – كەزەكتى مينيسترلەر دارەجەلى ءماجىلىسى اشىلعاننان بەرى، ەكى جاق ساقشى ىستەرى جاعىنداعى سەلبەستىك تەبىنىن ىشكەرىلەي ارتتىرىپ، شەكارا اتتاپ تەلەكوم مەن ينتەرنەتتەن پايدالانىپ الدامكوستىك ىستەۋ قىلمىسىنا سوققى بەرۋ قىزمەتىن ىشكەرىلەي تەرەڭدەتتى.

جۋىردا، ەلىمىزدىڭ قوعام حاۋىپسىزدىگى ورگاندارى قىزمەت بارىسىندا زەرتتەپ تۇجىرىم جاساۋ ارقىلى، ۆيەتنامعا جاسىرىنىپ ەلىمىز ازاماتتارىنا شەكارا اتتاپ تەلەكوم مەن ينتەرنەتتەن پايدالانىپ الدامكوستىك ىستەيتىن قىلمىسكەرلەردىڭ اپانىن بايقايدى. ۆيەتنام ساقشى جاعى ەلىمىز بەرگەن دەرەكتەرگە ساي، ساقشى كۇشىن ۇيىمداستىرىپ، حوچيمين قالاسىنا جاسىرىنىپ تەلەكوم مەن ينتەرنەت ارقىلى الدامكوستىك ىستەيتىن قىلمىس اپانىنان 5 ورىندى بىردەن تالقانداپ، تەلەكوم مەن ينتەرنەت ارقىلى الدامكوستىك ىستەيتىن جۇڭگولىق قىلمىس كۇماندىلارىنان 19 ادامدى تۇتقىندايدى، سول جەردەن دەلوعا قاتىستى كومپيۋتەر، قولفون قاتارلى ءبىر توپ جابدىقتاردى انىقتاپ قولعا تۇسىرەدى. قازىر ۆيەتنام ساقشى جاعى گۋاڭشيدىڭ دۇڭشيڭ وتكەلى ارقىلى 19 قىلمىس كۇماندىسى مەن دەلوعا قاتىستى زاتتاردى ەلىمىزگە وتكىزىپ بەردى، قوعام حاۋىپسىزدىگى مينيسترلىگى لياۋنيڭ قوعام حاۋىپسىزدىگى ورگاندارىنىڭ قىلمىس كۇماندىلارىن ەلىمىزگە الىپ قايتۋى، دەلونى ءبىتىرۋ قىزمەتىن كۇش سالا ورىستەتۋى جونىندە ورنالاستىرۋ جاسادى.

قوعام حاۋىپسىزدىگى مينيسترلىگىنىڭ جاۋاپتىسى مىنانى ءبىلدىردى: قازىرگى تەلەكوم مەن ينتەرنەتتەن پايدالانعان الدامكوستىك قىلمىسىن وتكىزەتىن اپانداردىڭ شەكارا سىرتىنا ورنالاسقان جاعدايىنا باعىتتاي وتىرىپ، قوعام حاۋىپسىزدىگى ورگاندارى باستان – اياق جوعارى قىسىمدى كۇيدى ساقتاپ، حالىقارالىق زاڭ اتقارۋ جاعىنداعى سەلبەستىكتى ىشكەرىلەي كۇشەيتىپ، حالىق جۇرتشىلىعىنىڭ مال – مۇلكىنىڭ حاۋىپسىزدىگى مەن زاڭدى ۇقىق – مۇددەسىن شىنايى قورعايدى. (باس ستانسيا ورتالىق تەلەۆيزيا ستانسياسى چىن يۇي)

كەلۋ قاينارى: حالىق تورابى