شينجياڭ ۇيعۇر اۆتونوميالى رايونى ىستىقتان ساقتانۋدىڭ قىزىل ءتۇستى ساقتىق دابىلىن جاريالادى 

شينجياڭ ۇيعۇر اۆتونوميالى رايوندىق اۋا رايى ستانسياسى 2024 – جىلى 6 – ايدىڭ 26 – كۇنى ساعات 16 دان 17 مينۋت وتكەندە ىستىقتان ساقتانۋدىڭ قىزىل ءتۇستى ساقتىق دابىلىن جاريالادى: مەجەمەن 6 – ايدىڭ 27 – كۇنى كۇندىزدەن 6 – ايدىڭ 30 – كۇنى كۇندىزگە دەيىن، بۇراتالا وبلىسىنىڭ شىعىس بولىگى، تارباعاتاي ايماعىنىڭ وڭتۇستىك بولىگى، قارامايلى قالاسى، شىحىزى قالاسى، ءۇرىمجى قالاسىنىڭ سولتۇستىك بولىگى، سانجى وبلىسى، قاشقار ايماعىنىڭ سولتۇستىك بولىگى، اقسۋ ايماعىنىڭ شىعىس بولىگى، حوتان ايماعىنىڭ شىعىس بولىگى، بايىنعولىن وبلىسىنىڭ وڭتۇستىك بولىگى، تۇرپان قالاسى، قۇمىل قالاسى قاتارلى جەرلەردىڭ ءىشىنارا ورىندارىندا ەڭ جوعارى اۋا تەمپەراتۋراسى 40 گرادۋستان اسادى، تۇرپان قالاسىندا، قۇمىل قالاسىنىڭ وڭتۇستىك بولىگىندەگى ءىشىنارا جەرلەردە 45 گرادۋستان اسادى. ىستىقتان ساقتانىپ، سالقىنداتۋعا جانە وتتان پايدالانۋ حاۋىپسىزدىگىنە كوڭىل ءبولۋ، سونىمەن بىرگە، تاۋلى وڭىرلەردە قاردىڭ ەرۋىنەن تۋىلاتىن تاسقىن اپاتىنان ساقتانۋعا كوڭىل ءبولۋ كەرەك. (ساقتىق دابىلىنىڭ كەلۋ قاينارى: مەملەكەتتىك ساقتىق دابىلى ينفورماتسيالارىن جاريالاۋ ورتالىعى)

كەلۋ قاينارى: حالىق تورابى