ساۋدا مينيسترلىگى جاۋاپ قايتاردى: قاتاڭ نارازىلىق بىلدىرەمىز، باتىل قارسى تۇرامىز! 

ساۋدا مينيسترلىگىنىڭ اقپارات مالىمدەمەشىسى ەۆروپا وداعىنىڭ رەسەيگە باعىتتالعان 14 – كەزەكتى جازالاۋ شارالارىن اتقارۋ تىزىمدىگىنە جۇڭگونىڭ كاسىپورىندارىن قوسقانى جونىندە تىلشىلەردىڭ سۇراۋىنا جاۋاپ قايتاردى.

سۇراۋ: 6 – ايدىڭ 24 – كۇنى، ەۆروپا وداعى رەسەيگە باعىتتالعان 14 – كەزەكتى جازالاۋ شارالارىن اتقارۋ تىزىمدىگىنە تاعى دا جۇڭگونىڭ كاسىپورىندارىن قوساتىنىن جاريالاعان، سىزدەن سۇرايتىنىم، جۇڭگو جاق بۇعان قانداي پىكىر بىلدىرەدى؟

جاۋاپ: ەۆروپا وداعى جۇڭگو جاقتىڭ كوپ رەت قاتاڭ سويلەسۋىنە جانە توقتاۋ سالۋىنا قاراماي، ءوز بىلگەنىنشە ىستەپ، رەسەيگە باعىتتالعان 14 – كەزەكتى جازالاۋ شارالارىن اتقارۋ تىزىمدىگىنە جۇڭگونىڭ كاسىپورىندارىن قوسقان، بۇل حالىقارالىق زاڭدا نەگىزى جوق جانە بىرلەسكەن مەملەكەتتەر ۇيىمى ۇقىق بەرمەگەن سىڭار جاقتىلى جازالاۋ شاراسى ءارى ”الىستان باسقارۋ“ سانالادى. جۇڭگو جاق بۇعان قاتاڭ نارازىلىق بىلدىرەدى، باتىل قارسى تۇرادى. بۇلاي ىستەۋ جۇڭگو مەن ەۆروپا وداعىنىڭ باسشىلارىنىڭ ورتاق تانىمىنىڭ رۋحىنا قايشىلىق جاساعاندىق، جۇڭگو – ەۆروپا ەكونوميكا – ساۋدا قارىم – قاتىناسىنا كەرى ىقپال جاسايدى. جۇڭگو جاق ەۆروپا جاقتى جۇڭگو – ەۆروپا جالپى بەتتىك ستراتەگيالىق سەرىكتەستىك قارىم – قاتىناسى سىندى زور اۋقىمدى شىعار ءتۇيىن ەتىپ، جۇڭگو كاسىپورىندارىن تىزىمدىككە قوسۋدى شارتسىز توقتاتۋعا قۋزايدى. جۇڭگو جاق جۇڭگو كاسىپورىندارىنىڭ زاڭدى ۇقىق – مۇددەسىن باتىل قورعايدى.

كەلۋ قاينارى: حالىق تورابى