سىرتقى ىستەر مينيسترلىگى: جۇڭگو كورەيادان حۋاچىڭ باتەريا زاۆودىندا تۋىلعان ءورت اپاتىنىڭ سەبەبىن تەز ارادا انىقتاپ، جارالىلاردى بار كۇشپەن ەمدەۋدى تالاپ ەتتى

شينحۋا اگەنتتىگىنىڭ 6 – ايدىڭ 25 – كۇنى بەيجيڭنەن بەرگەن حابارى. سىرتقى ىستەر مينيسترلىگىنىڭ مالىمدەمەشىسى ماۋ نيڭ 6 – ايدىڭ 25 – كۇنى بىلاي دەدى: جۇڭگو كورەيادان حۋاچىڭ باتەريا زاۆودىندا تۋىلعان ءورت اپاتىنىڭ سەبەبىن تەز ارادا انىقتاپ، جارالانعانداردى بار كۇشپەن قۇتقارىپ – ەمدەپ، سوڭعى جۇمىستاردى ويداعىداي ءبىرجاقتى ەتۋدى، سونداي – اق قازا بولعانداردىڭ وتباسىنداعىلارعا كومەكتەسۋدى تالاپ ەتتى.

ماۋ نيڭ سول كۇنگى كەزەكتى تىلشىلەر جينالىسىندا بىلاي دەدى: كورەيانىڭ حابارىنا قاراعاندا، 6 – ايدىڭ 24 – كۇنى كورەيانىڭ حۋاچىڭ قالاسىنداعى ءبىر باتەريا جاساۋ زاۆودىندا اۋىر ءورت اپاتى تۋىلىپ، 22 ادام قازا بولعان. قازا بولعانداردىڭ ىشىندە جۇڭگو ازاماتتارىنان 17 ادام بار دەگەن العاشقى تۇجىرىم جاسالىپ، ناقتى ينفورماتسيالاردى ءالى دە ىشكەرىلەي تۇراقتاندىلۋدا. اپاتتا 8 ادام جارالانعان، مۇنىڭ ىشىندە ءبىر جۇڭگو ازاماتى جەڭىل جارالانعان، دەر كەزىندە ەمدەلۋگە الىندى. ءورت اپاتىنىڭ ناقتى سەبەبى جانە ءولىم – ءجىتىم، جارالانۋ احۋالىن كوريا جاق ىشكەرىلەي تەكسەرىپ، تۇراقتاندىرۋ ۇستىندە. ”شىرعالاڭدا باقىتقا قارسى قازا بولعاندارعا قايعىلى ازا بىلدىرەمىز، جارالانعاندار مەن قازا بولعانداردىڭ وتباسىنداعىلاردان شىنايى حال سۇرايمىز“.

ماۋ نيڭ بىلاي دەدى: جۇڭگو ۇكىمەتى ءورت اپاتىندا جۇڭگولىق قىزمەتكەرلەردىڭ اۋىر دارەجەدە جارالانۋىنا، قازا بولۋىنا ايرىقشا ءمان بەرەدى، سىرتقى ىستەر مينيسترلىگى مەن جۇڭگونىڭ كورەيادا تۇراتىن باس ەلشىحاناسى دەرەۋ كونسۋلدىق قورعاۋ مەحانيزمىن شۇعىل ىسكە قوسىپ، شىرعالاڭعا شۇعىل توتەپ بەرۋ جانە سوڭعى جۇمىستاردى ءبىرجاقتى ەتۋ قىزمەتىن بار كۇشپەن ورىستەتتى. جۇڭگونىڭ كورەيادا تۇراتىن باس ەلشىسى شيڭ حايميڭ دەركەزىندە تۇندەلەتىپ ءورت اپاتى تۋىلعان ناق مايدانعا بارىپ، شىرعالاڭ جاعدايىن، ىزدەۋ ـ قۇتقارۋ جاعدايىن جانە سوڭعى جۇمىستاردى ورنالاستىرۋ جاعدايىن ۇعىستى ءارى كورەيانىڭ باسقارۋشى تاراۋلارىنىڭ تانىستىرۋىن تىڭدادى. جۇڭگو جاق كورەيادان شىرعالاڭنىڭ سەبەبىن تەز ارادا انىقتاپ، جارالانعانداردى بار كۇشپەن قۇتقارىپ ـ ەمدەپ، سوڭعى جۇمىستارىن ويداعىداي ءبىرجاقتى ەتۋدى، سونداي ـ اق جۇڭگولىق قازا بولعانداردىڭ وتباسىنداعىلارعا كومەكتەسۋدى تالاپ ەتتى. ءبىز سوڭعى قىزمەتتەردى جالعاستى تۇردە كۇش سالا ويداعىداي ىستەيمىز.

كەلۋ قاينارى: حالىق تورابى