بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2024.07.01 14:33 كەلۋ قاينارى : حالىق تورابى
حالىق گازەتىنىڭ ءتىلشىسى لين ليلي 6 – ايدىڭ 30 – كۇنى بەيجيڭنەن حابارلايدى. ءتىلشىنىڭ مەملەكەتتىك بازاردى باقىلاۋ – باسقارۋ باس مەكەمەسىنەن (مەملەكەتتىك ولشەم كوميتەتى) ۇعىسۋىنشا، «مەملەكەت دارەجەلى ەكولوگيالىق – ساياحات رايونىنىڭ تيجاراتىن باسقارۋ ولشەمى» قاتارلى مەملەكەتتىك ولشەمدەر 7 – ايدىڭ 1 – كۇنىنەن باستاپ اتقارىلىپ، باياندى دامۋدى ىلگەرىلەتۋگە تەحنيكالىق تىرەك ازىرلەيدى.
«مەملەكەت دارەجەلى ەكولوگيالىق ساياحات رايونىنىڭ تيجاراتىن باسقارۋ ولشەمىندە» كورىنىس رايوندارىنىڭ ەكولوگيالىق ورتاسىن قورعاۋ، الەۋمەتتىك اۋماقتى قاتىناستىرۋ، ەكولوگيالىق ورتا جونىندەگى ءتالىم – تاربيە جانە تاڭداۋلى ماركالاردى جالپىلاستىرۋ قاتارلى مازمۇندار اناعۇرلىم جۇيەگە تۇسىرىلگەن، بايلىق، قورشاعان ورتا، ساياحاتقا قاتىستى ونىمدەر، قىزمەت وتەۋ، قۇرىلعى، فۋنكتسيا جانە باسقارۋ قاتارلى جاقتاردا ەكولوگيالىق ساياحات رايوندارىنا قويىلاتىن تالاپتار كەمەلدەندىرىلگەن، ەكولوگيالىق ساياحات رايوندارىنىڭ تيجاراتتى باسقارۋدى ولشەمدەندىرۋ ورەسىن جوعارىلاتۋىنا كومەكتەسىپ، ەلىمىزدىڭ ەكولوگيالىق ساياحاتىنىڭ اقاۋسىز، باياندى دامۋىن ىلگەرىلەتەدى.
«كولەمدى قيمىلداردىڭ باياندىلىعىنا باعا بەرۋ باعدارناماسى» ولشەمىندە بەيجيڭ 2022 – جىلعى قىسقى وليمپياداسىن ءساتتى وتكىزۋ بارىسىنداعى باياندىلىققا يە باسقارۋ تاجىريبەلەرى قورىتىندىلانعان، ءتۇرلى كولەمدى قيمىلداردى وتكىزۋدىڭ باياندىلىعىنا باعا بەرەتىن 7 ءىرى تۇردەگى 35 كورسەتكىش بەلگىلەنگەن، كولەمدى قيمىلداردىڭ باياندىلىعىن باسقارۋ ورەسىن جوعارىلاتۋعا، كولەمدى قيمىلداردىڭ باياندىلىعىنا عىلىمي باعا بەرۋگە كومەكشى ماتەريال ازىرلەيدى.
«جاسىل ونىمدەرگە باعا بەرۋ، زات اينالىمىندا پايدالاناتىن ساندىق» ولشەمىندە زات اينالىمىندا پايدالاناتىن ساندىق سىندى جاسىل تيپتى ونىمگە باعا بەرۋ تالاپتارى مەن باعا بەرۋ ادىستەرى بەلگىلەنگەن، زات اينالىمىندا پايدالاناتىن ساندىقتاردى وندىرەتىن كاسىپورىنداردىڭ جاسىل تيپتى ونىمدەردى جوبالاۋ مەن ءوندىرۋدى ىلگەرىلەتۋىنە جەتەكشىلىك ەتۋگە، زات اينالىمى كاسىپورىندارىنىڭ جاسىل تيپتى ونىممەن قامداۋىن ارتتىرۋعا، زات اينالىمى سالاسىنداعى جاسىل تيپتى، تومەن كومىرتەكتى، باياندى دامۋدى ىلگەرىلەتۋگە ءتيىمدى.
«پوچتالىق جولداما، جەدەل جولداما سالاسىندا قايتالاي پايدالاناتىن قوراپتاردى پايدالانۋ باعدارناماسى» ولشەمىندە پوچتالىق جەدەل جولداما سالاسىنداعى پوچتالىق جولداما، جەدەل جولداما قوراپتارىن قايتا جيناپ الۋ جانە قايتالاي پايدالانۋ قىزمەتىندە ءبىرتۇتاس قولدانىلاتىن باعدارلاما ازىرلەنگەن، پوچتالىق جولداما، جەدەل جولداما قوراپتارىن قايتالاي پايدالانۋ ونىمدىلىگىن جوعارىلاتۋعا، پوچتالىق جولداما، جەدەل جولداما قوراپتارىن ولشەمدەندىرۋ، قايتالاي پايدالانۋ، مولشەرىن ازايتۋ، زالالسىزداندىرۋ ورەسىن جوعارىلاتۋعا ءتيىمدى.
كەلۋ قاينارى: حالىق تورابى
