ەلىمىزدە اۋىل – قىستاقتاعى كوللەكتيۆتىك ەكونوميكانىڭ ۇيىمدىق زاڭى جاسالدى 

14 – كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 10 – رەتكى ءماجىلىسى 6 – ايدىڭ 28 – كۇنى «جۇڭحۋا حالىق رەسپۋبليكاسىنىڭ اۋىل – قىستاقتاعى كوللەكتيۆتىك ەكونوميكانىڭ ۇيىمدىق زاڭىن» داۋىس بەرىپ ماقۇلدادى، 2025 – جىلى 5 – ايدىڭ 1 – كۇنىنەن باستاپ اتقارىلادى.

بۇل زاڭدا اتالعان اۋىل – قىستاقتاعى كوللەكتيۆتىك ەكونوميكالىق ۇيىم دەگەنىمىز جەردى كوللەكتيۆ مەنشىكتەنۋدى نەگىز ەتىپ، زاڭ بويىنشا مۇشەلەردىڭ اتىنان مەنشىك ۇقىعىن كوللەكتيۆ اتقاراتىن، وتباسىلار كوتەرۋگە الىپ تيجارات ەتۋدى نەگىز ەتەتىن، بىرىكتىرۋ مەن ءبولۋ ۇشتاستىرىلعان ەكى ساتىلى تيجارات ءتۇزىمىن اتقاراتىن وڭىرلىك ەكونوميكالىق ۇيىمدى كورسەتەدى، مۇندا اۋىل – قالاشىق دارەجەلى اۋىل – قىستاقتاعى كوللەكتيۆتىك ەكونوميكالىق ۇيىم، قىستاق دارەجەلى اۋىل – قىستاقتاعى كوللەكتيۆتىك ەكونوميكالىق ۇيىم، اۋىل – قىستاقتاعى گرۋپپا دارەجەلى كوللەكتيۆتىك ەكونوميكالىق ۇيىم قامتىلادى.

اۋىل – قىستاقتاعى كوللەكتيۆتىك ەكونوميكانىڭ ۇيىمدىق زاڭىندا مىنالار ايقىن بەلگىلەنگەن: مەملەكەت اۋىل – قىستاقتاعى كوللەكتيۆتىك ەكونوميكالىق ۇيىمدار مەن ونىڭ مۇشەلەرىنىڭ زاڭدى ۇقىق – مۇددەسىن قورعايدى، ءارقانداي ۇيىم مەن جەكەنىڭ وعان سۇعاناقتىق جاساۋىنا بولمايدى. مەملەكەت قازىنالىق جاقتان، باجى الۋ، فينانس، جەر، دارىندىلار، سونداي – اق، كاسىپ سالاسىندىق ساياسات قاتارلى جاقتاردان سۇيەمەلدەۋ شارالارىن قولدانىپ، اۋىل – قىستاقتاعى كوللەكتيۆتىك ەكونوميكالىق ۇيىمداردىڭ دامۋىن ىلگەرىلەتىپ، جاڭا تيپتى اۋىل – قىستاق كوللەكتيۆتىك ەكونوميكالىق ۇيىمدارىن ۇلعايتادى.

كەلۋ قاينارى: حالىق تورابى