مەملەكەتتىك كوشى – قوندى باسقارۋ مەكەمەسىنىڭ اقپارات مالىمدەمەشىسى شەكارادان ۇيىمدى تۇردە جاسىرىن ءوتۋ ارەكەتىنە سوققى بەرۋ جونىندە ءسوز جاريالادى

ءبىر مەزگىلدەن بەرى، شەكارا سىرتىنداعى شەكارادان جاسىرىن وتكىزۋشىلەر مەن ۇيىمداستىرۋشىلاردىڭ شىرعالاۋىندا، قابىلداۋىندا، زاڭسىز كوشى – قون قيمىلىندا جاڭا نىساي بايقالدى. مەملەكەتتىك كوشى – قوندى باسقارۋ مەكەمەسى مەن كوشى – قونعا قاتىستى مەملەكەتتىك زاڭ اتقارۋ تاراۋلارى قاشىپ جۇرگەن قىلمىسكەرلەردى قۋعىنداۋ، شەكارادان جاسىرىن ءوتۋ دەلوسىنا قاتىستى ادامداردى قايتارىپ اكەلۋ قاتارلى حالىقارالىق زاڭ اتقارۋ جاعىنداعى سەلبەستىكتەردى ورىستەتىپ، شەكارادان جاسىرىن ءوتۋ ارەكەتىن جوسپارلاۋشىلاردى، ۇيىمداستىرۋشىلاردى جانە شەكارادان زاڭسىز كىرىپ – شىعۋشىلاردى بۇرىنعى تۇرعان جەرلەرىنە قايتارعان ءارى زاڭ بويىنشا زاڭدىق جاۋاپكەرشىلىكتەرىن قۋزاستىرعان.

جۇڭگو ۇكىمەتىنىڭ شەتەلگە ەسىك اشۋ باعدارى وزگەرمەيدى، جۇڭگولىقتار مەن شەتەلدىكتەردىڭ قالىپتى بارىس – كەلىسىن زاڭ بويىنشا قامتاماسىزداندىرادى ءارى ىلگەرىلەتەدى، شەكارادان كىرىپ – شىعۋشىلاردىڭ زاڭدى ۇقىق – مۇددەسىن قورعايدى، شەكارادان جاسىرىن ءوتۋ ارەكەتىنە باتىل قارسى تۇرادى، شەكارادان جاسىرىن ءوتۋ سىندى زاڭعا قايشى قىلمىستىق ارەكەتتەردى ۇيىمداستىرۋشىلارعا زاڭ بويىنشا سوققى بەرىپ، دۇنيە جۇزىندەگى زاڭسىز كوشى – قوندى جونگە سالۋعا بەلسەندى اتسالىسادى. مەملەكەتتىك كوشى – قوندى باسقارۋ مەكەمەسى تەڭدىك ءارى ءوزارا قۇرمەت ەتۋ نەگىزىندە قاتىستى مەملەكەتتەردىڭ نەگىزگى باسقارۋشى قۇرىلىمدارىمەن زاڭ اتقارۋ جاعىندا شىنايى سەلبەستىك ورىستەتىپ، حالىقاراداعى ادامداردىڭ بارىس – كەلىسىنىڭ قالىپتى ءتارتىبىن بىرگە قورعاپ، بارىس – كەلىستى ىلگەرىلەتەدى.

قاتىستى زاڭ – تۇزىمدەرگە نەگىزدەلگەندە، باسقالاردى مەملەكەت شەكاراسىنان زاڭسىز وتۋگە ۇيىمداستىرۋ، ولارعا سايكەسۋ، ولاردى تاسىمالداۋ ارەكەتتەرى زاڭعا قايشى قىلمىستىق ارەكەت سانالادى. مەملەكەتتىك كوشى – قوندى باسقارۋ قۇرىلىمدارى شەكارا ءىشى – سىرتىنداعى زاڭسىز ەلەمەنتتەرگە مەملەكەت شەكاراسىنان جاسىرىن ءوتۋ سىندى زاڭعا قايشى قىلمىستىق ارەكەتتەردى ۇيىمداستىرۋدى، اتقارۋدى دەرەۋ توقتاتۋدى قاتاڭ ەسكەرتەدى، بۇعان قايشىلىق جاساعانداردى زاڭ بويىنشا تەكسەرىپ ءبىرجاقتى ەتەدى، جوسپارلاۋشىلار مەن ۇيىمداستىرۋشىلاردىڭ قىلمىستىق ىستەر جاۋاپكەرشىلىگىنە دەيىن قۋزاستىرادى. سونىمەن بىرگە، شەكارادان كىرىپ – شىعاتىن بارشا ادامدارعا شەكارادان جاسىرىن وتۋگە ۇيىمداستىرۋشىلاردىڭ جەلىكتىرۋىنە سەنبەۋدى، رەسمي، زاڭدى ارنالار ارقىلى شەكارادان كىرىپ – شىعۋدى، مال – مۇلكىنىڭ زيانعا ۇشىراۋىنان ساقتانۋدى، باس اماندىعىنا كەپىلدىك ەتۋدى ەسكەرتەدى.

كەلۋ قاينارى: حالىق تورابى