حالىق گازەتى مەكەمەسى مەن قازاقستان زۇڭتۇڭى راديو – تەلەۆيزيا باس مەكەمەسى ەكى جاقتى سەلبەستىك جونىندەگى تۇسىنىستىك ەسكەرتپەسىنە قول قويدى 

حالىق گازەتىنىڭ 7 – ايدىڭ 3 – كۇنى استانادان بەرگەن حابارى (شيە شياڭ، سۇن ايني) جەرگىلىكتى ۋاقىت بويىنشا 7 – ايدىڭ 3 – كۇنى، حالىق گازەتى مەكەمەسى مەن قازاقستان زۇڭتۇڭى راديو – تەلەۆيزيا باس مەكەمەسى استانادا «جۇڭحۋا حالىق رەسپۋبليكاسى حالىق گازەتى مەكەمەسى مەن قازاقستان رەسپۋبليكاسى زۇڭتۇڭى راديو – تەلەۆيزيا باس مەكەمەسى اراسىنداعى ەكى جاقتى سەلبەستىك جونىندەگى تۇسىنىستىك ەسكەرتپەسىنە» قول قويدى.

قازاقستان پرەزيدەنتى راديو – تەلەۆيزيا باس مەكەمەسى — حالىق گازەتى مەكەمەسى باستاماشىلدىقپەن قۇرعان ءارى القالار باستىعى مىندەتىن اتقارعان ”ءبىر بەلدەۋ، ءبىر جول“ اقپارات سەلبەستىگى بىرلەستىگىنە مۇشە ورىن. كوپ جىلداردان بەرى، قازاقستان زۇڭتۇڭى راديو – تەلەۆيزيا باس مەكەمەسى بىرلەستىكتىڭ ءتۇرلى قيمىلدارىنا بەلسەندى اتسالىسىپ كەلدى. حالىق گازەتى مەكەمەسى مەن قازاقستان زۇڭتۇڭى راديو – تەلەۆيزيا باس مەكەمەسى دوستىق بارىس – كەلىستى ساقتاپ، ونىمدىلىگى جوعارى اۋىس – كۇيىس پەن سەلبەستىكتى ورىستەتتى. ەكى جاقتى سەلبەستىكتى اناعۇرلىم ىشكەرىلەي ورىستەتۋ ءۇشىن، حالىق گازەتى مەكەمەسى قازاقستان زۇڭتۇڭى راديو – تەلەۆيزيا باس مەكەمەسىمەن كەڭەسۋ ارقىلى ۇدايىلانعان سەلبەستىك مەحانيزمىن قۇرىپ، اقپاراتتىق ينفورماتسيالاردى الماستىرۋ، بىرلەسىپ قيمىل وتكىزۋ، ادامداردىڭ بارىس – كەلىس ءورىسىن كەڭەيتۋ قاتارلى جاقتاردا ناقتى سەلبەستىكتەردى ورىستەتتى.

قازاقستان زۇڭتۇڭى راديو – تەلەۆيزيا باس مەكەمەسى 1996 – جىلى قۇرىلعان، قازاقستانداعى ەڭ ءىرى اقپارات قۇرىلىمدارىنىڭ ءبىرى، قازاقستان حالىقارالىق اقپارات اگەنتتىگى قاتارلى كوپتەگەن نەگىزگى اقپارات تەكشەسىن باسقارادى.

كەلۋ قاينارى: حالىق تورابى