8 ـ كەزەكتى جۇڭگو _ ازيا _ ەۆروپا كورمەسىنىڭ كەلىسىم سوماسى 610 ميلليارد يۋاننان استى

انار بۇلت \ شينجياڭ گازەتىنىڭ ٴتىلشىسى حي حۇڭۋي 7 ـ ايدىڭ 1 ـ كۇنى ۇرىمجىدەن حابارلايدى. جۇڭگو _ ازيا _ ەۆروپا كورمەسىنىڭ حاتشىلار باسقارماسىنان ۇعىسۋىمىزشا، 6 ـ ايدىڭ 30 ـ كۇنى ساۋدا ىستەرى مينيسترلىگى، سىرتقى ىستەر مينيسترلىگى، جۇڭگو حالىقارالىق ساۋدانى جەبەۋ كوميتەتى، اۆتونوميالى رايوندىق حالىق ۇكىمەتى بىرگە ۇيىمداستىرىپ وتكىزگەن ”جىبەك جولىنىڭ جاڭا ورايى، ازيا _ ەۆروپانىڭ جاڭا ومىرشەڭدىگىن“ نەگىزگى تاقىرىپ ەتكەن 8 ـ كەزەكتى جۇڭگو _ ازيا _ ەۆروپا كورمەسى جابىلعان. وسى كەزەكتى كورمەدە جالپى 360تان استام نىسان جونىندە كەلىسىم جاسالىپ، كەلىسىم سوماسى 610 ميلليارد يۋاننان اسقان، ول جاڭا ەنەرگيا، جاڭا ماتەريال، ەلەكتروندى ينفورماتسيا تەحنيكاسى، كومىر حيميا ونەركاسىبى، توقىماشىلىق، كيىم ـ كەشەك، ساۋدا زات اينالىمى سياقتى كوپ سالاعا سايادى ەكەن.

5 كۇن ىشىندە 50 مەملەكەتتەن، رايوننان جانە حالىقارالىق ۇيىمنان، 30 ولكە، اۆتونوميالى رايون، توتە قاراستى قالادان، شينجياڭ ٴوندىرىس ـ قۇرىلىس بيڭتۋانىنان جانە اۆتونوميالى رايونداعى 14 ايماق، وبلىس، قالادان كەلگەن 2100دەن استام كاسىپورىن جانە قۇرىلىم ۇرىمجىدە جينالىپ، سەلبەستىكتى بىرگە جوسپارلاپ، ورايدان بىرگە يگىلىكتەندى.

وسى كەزەكتى كورمە تانىستىرۋدى، كەڭەسۋدى، ٴتۇيىلىستىرۋدى، كەلىسىمگە قول قويۋدى نەگىز ەتكەن سەلبەستىك اۋىس ـ كۇيىس تۇعىرىن ورناتىپ، شينجياڭنىڭ ”سەگىز ٴىرى كاسىپ سالاسى شوعىرى“ قۇرىلىسى مەن شەكارا ٴىشى ـ سىرتىنداعى كورمەگە، ماجىلىسكە قاتىناسقان ساۋداگەرلەردىڭ قامداۋ ـ قاجەتسىنۋ تالابىن مىقتاپ ارقاۋ ەتىپ، دالمە ـ ٴدال ٴتۇيىلىستىرىپ، كەڭەس وتكىزىپ، 50 رەتتەن استام ساۋدانى جەبەۋ قيمىلىن وتكىزدى.

وسى كەزەكتى كورمەنىڭ جالپى اۋماعى 140 مىڭ شارشى مەتر بولىپ، جالپى كورمە سارايىن ەرەكشە اشەكەيلەۋ سالىستىرماسى %77كە جەتتى، تۇڭعىش رەت ورتالىق كاسىپورىندار سارايى، ارنايىلاندىرىلعان، كەمەلدەندىرىلگەن، ەرەكشەلەندىرىلگەن، جاڭاشالاندىرىلعان كاسىپورىندار سارايى، گۋاڭدۇڭ _ شياڭگاڭ _ اۋمىن وڭىرىندەگى كاسىپورىندار سارايى، شينجياڭ ”سەگىز ٴىرى كاسىپ سالاسى شوعىرى“ كاسىپ سالاسى تىزبەگىنىڭ تىزبەك باسىنداعى كاسىپورىندار سارايى سىندى ەرەكشەلىككە يە 4 ۇلكەن ەرەكشە كورمە سارايى ورنالاستىرىلىپ، شينجياڭنىڭ ”سەگىز ٴىرى كاسىپ سالاسى شوعىرىن“ قامتىعان جوعارى دەڭگەيلى، سارا، جاڭا ونىمدەر جانە ەرەكشە باسىمدىققا يە ونىمدەر كورمەلەندى. دۇنيە ٴجۇزىنىڭ جەر ـ جەرىنەن كەلگەن ازىق ـ تۇلىك، قولونەر بۇيىمدارى، جاقۇت، حالىقارادا الدىڭعى قاتارداعى جوعارى دەڭگەيلى، سارا، وزىق تەحنيكالار كورمەدە بوي كورسەتىپ، كوپشىلىكتىڭ كورمەنى تاماشالاۋىنا اسەم سەزىم سيلادى.