شينجياڭ دەنساۋلىق ساقتاۋ جاعىندا شۇعىل جاعدايعا توتەپ بەرۋدىڭ ستەرەولدى تورىن قۇردى

7 - ايدىڭ 2 – كۇنى، شينجياڭ ۇيعۇر اۆتونوميالى رايوندىق دەنساۋلىق ساقتاۋ جانە سالاماتتىق كوميتەتىنىڭ ماڭدايشالىق بەرۋىمەن شينجياڭ ۇيعۇر اۆتونوميالى رايوندىق شۇعىل جاعدايدا مەديتسينالىق قۇتقارۋ - كومەكتەسۋ ماماندار گرۋپپاسى كەڭسەسى جانە شينجياڭ ۇيعۇر اۆتونوميالى رايونىنىڭ ءتۇيىندى جۇقپالى اۋرۋلاردان ساقتانۋ جانە ونى ەمدەۋ، توسىن تۋىلعان الەۋمەتتىك دەنساۋلىق ساقتاۋ وقيعالارىنا توتەپ بەرۋ ماماندار گرۋپپاسى كەڭسەسى (تومەندە قىسقارتىلىپ ”ەكى ءىس كەڭسەسى“ دەلىنەدى) قۇرىلدى. سونداي ـ اق شينجياڭ ۇيعۇر اۆتونوميالى رايوندىق شۇعىل جاعدايدا مەديتسينالىق قۇتقارۋ ـ كومەكتەسۋدە ٴتۇرت بولىمشە ورتالىعىن، شينجياڭ ۇيعۇر اۆتونوميالى رايونىنىڭ شۇعىل جاعدايدا مەديتسينالىق قۇتقارۋ ـ كومەكتەسۋ ماماندار قامباسىن قۇرىپ، شينجياڭنىڭ ءىس جۇزىندىك جاعدايىنا ۇيلەسەتىن ستەرەولدى دەنساۋلىق ساقتاۋ، شۇعىل جاعدايعا توتەپ بەرۋ تورىن قۇرىپ، شينجياڭنىڭ دەنساۋلىق ساقتاۋ، شۇعىل جاعدايعا توتەپ بەرۋدەگى قابىلەتتىك دەڭگەيىن جەدەل جوعارىلاتتى.

2023 ـ جىلدان بەرى، مەملەكەت دارەجەلى ەمدەۋ، شۇعىل جاعدايعا توتەپ بەرۋ، قۇتقارۋ ـ كومەكتەسۋدەگى ٴۇش اترەت نەگىزىندە، شينجياڭ ۇيعۇر اۆتونوميالى رايوندىق دەنساۋلىق ساقتاۋ جانە سالاماتتىق كوميتەتى بۇكىل شينجياڭنىڭ ەمدەۋ بايلىعىن ءبىر تۇتاس جوسپارلاپ، اۆتونوميالى رايون، ايماق، اۋدان سىندى 3 دارەجەلى شۇعىل مەديتسينالىق قۇتقارۋ ـ كومەكتەسۋ اترەتىنەن (جول قاپشىق بولىمشە اترەتىن قامتيدى) 131 ىن، توسىن تۋىلعان شۇعىل جۇقپالى اۋرۋدان ساقتانۋ ـ تىزگىندەۋ اترەتىنەن 110 ىن قۇردى؛ تەڭىز دەڭگەيىنەن جوعارى وڭىرلەردىڭ ەمدەۋ، قىزمەت وتەۋ قابىلەتى قۇرىلىسىن ىلگەرىلەتىپ، قاشقار، حوتان سياقتى 5 ايماق، وبلىس، قالادا، سونداي ـ اق تاشقورعان تاجىك اۆتونوميالى اۋدانى، ۇلۇقشات اۋدانى سياقتى 11 اۋداندا ۇستىرتتەگى مەديتسينالىق شۇعىل جاعدايعا توتەپ بەرۋ اترەتىنەن 16 اترەت قۇردى. سونىمەن شينجياڭدا شۇعىل جاعدايدا مەديتسينالىق قۇتقارۋ ـ كومەكتەسۋ، يادرولىق رادياتسيا، جۇقپالى اۋرۋلاردان ساقتانۋ جانە ونى ەمدەۋ، ۋلانعانداردى قۇتقارۋ ـ ەمدەۋ سىندى 4 ءتۇردى قامتىعان كاسىپتىك قۇتقارۋ ـ ەمدەۋ اترەتى قۇرىلدى.

كەلۋ قاينارى: حالىق تورابى