شينجياڭ عىلىم – تەحنيكا سالاسىنان زەينەتكە شىققان ۇزدىك دارىندىلارعا تاماشا وراي ازىرلەدى 

انار بۇلت \ شينجياڭ گازەتىنىڭ ءتىلشىسى شيە حۇيبيان حابارلايدى. جۋىردا، شينجياڭ ”سەگىز ءىرى كاسىپ سالاسى شوعىرى“ قۇرىلىسى مەن جاڭا ساپالى وندىرگىش كۇشتى دامىتۋ تالابىنا نازاردى شوعىرلاندىرىپ، شينجياڭنىڭ ءىشى – سىرتىنداعى 70 جاستان اسقان زەينەتكەرلەر اراسىنداعى عىلىم - تەحنيكا سالاسىنداعى دارىندىلارعا (شينجياڭ كولەمىندەگى دارىندىلاردىڭ سانى %30 تەن اسپاۋى كەرەك) باعىتتاي وتىرىپ، تاماشا وراي ازىرلەپ، عىلىم – تەحنيكا سالاسىنداعى ۇزدىك دارىندىلاردىڭ قاتارعا قوسىلىپ، بۇكىل شينجياڭداعى جوعارى – جاڭا عىلىم – تەحنيكالى كاسىپورىنداردىڭ، عىلىم – تەحنيكالىق تيپتەگى ورتاشا، شاعىن كاسىپورىنداردىڭ عىلىمي زەرتتەۋ ۇيىمدارىن قۇرۋىنا، تەحنيكالىق جاقتا قامال الۋىنا بىرگە دەم بەرۋىن، كاسىپ سالاسىنىڭ ءبىرىنشى شەبىندەگى جوعارى دارەجەلى عىلىم – تەحنيكا دارىندىلارىنىڭ جەتكىلىكتى بولماۋى سىندى ماسەلەنى كۇش سالا باسەڭدەتۋىن، كاسىپورىنداردىڭ جاڭالىق اشۋ قۋاتىن ۇزدىكسىز جوعارىلاتۋىن ءۇمىت ەتەدى.

سارالانعاندارعا شينجياڭ دارىندىلاردى دامىتۋ قورىنان قاراجات بولىنەدى، قاراجات سوماسى باعالاۋ بارىسىندا العان نومىرىنە جانە دەڭگەيىنە، دارەجەسىنە، كاسىپ تۇرىنە قاراي تۇراقتاندىرىلادى، ءار رەتكى قولداۋ كورسەتۋ كەزەڭى ءبىر جىل (ەڭ كوپ بولعاندا جالعاستى 2 رەت تاڭدالۋىنا بولادى)، سارالانعان ءاربىر ادامعا جىلىنا ەڭ كوپ بولعاندا 300 مىڭ يۋان قاراجات بەرىپ قولداۋ كورسەتىلەدى. ادام ىستەتۋشى ورىندار (دارىندى قابىلداۋشى ورىندار) ءاربىر ادامعا سايكەستى قاراجات بولەدى، سايكەستى قاراجات، باستىسى، عىلىمي زەرتتەۋ قيمىلىن ورىستەتۋگە قولدانىلادى. سونىمەن بىرگە، ادام ىستەتۋشى ورىن (دارىندى قابىلداۋشى ورىن) ىشەر اس پەن جاتىن ورىندى قامتاماسىزداندىرۋ، جەتىستىكتەردىڭ تابىسىن ءبولۋ، جارناعا ەسەپتەپ ناقتىلاندىرۋ، تۇرمىستىق قوسىمشا قاراجات بەرۋ، قامسىزداندىرۋ ساتىپ الۋ قاتارلى جاقتاردا قولداۋ كورسەتەدى.

ءوتىنىش بەرۋگە قويىلاتىن تالاپتارعا ساي، شينجياڭنان سىرت جەردەگى قىزمەتكەرلەردىڭ (اسىلگى قىزمەت ورنىنىڭ تۇرعان جەرى نەگىز ەتىلەدى) ءار جىلى شينجياڭدا قىزمەت ىستەيتىن ۋاقىتى جيىنى 120 كۇننەن از بولماۋى كەرەك، شينجياڭ كولەمىندەگى قىزمەتكەرلەردىڭ ءار جىلى شينجياڭدا قىزمەت ىستەيتىن ۋاقىتى 180 كۇننەن كەم بولماۋى كەرەك. ادام ىستەتۋشى ورىندار (دارىندى قابىلداۋشى ورىندار) جىلدىق باعالاۋ ءتۇزىمىن اتقارادى، باعالاۋدا تولىمدى بولماعانداردىڭ قاتىستى قولداۋ قاراجاتىنان اقشا تارتىلادى.

كەلۋ قاينارى: حالىق تورابى