حۋايروۋ تاجىريبەحاناسى شينجياڭ بازاسىن بىرگە قۇرۋ جۇلگەلىك كەلىسىمىنە قول قويدى

انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 7 ـ ايدىڭ 1 ـ كۇنى ۇرىمجىدەن حابارلايدى. 7 ـ ايدىڭ 1 ـ كۇنى حۋايروۋ تاجىريبەحاناسى، اۆتونوميالى رايوندىق حالىق ۇكىمەتى، جۇڭگو مۇناي حيميا ونەركاسىپ توبى شەكتى سەرىكتەستىگى ۇرىمجىدە حۋايروۋ تاجىريبەحاناسى شينجياڭ بازاسىن بىرگە قۇرۋ جۇلگەلىك كەلىسىمىنە قول قويدى.

اۆتونوميالى رايوندىق پارتكومنىڭ شۋجيى ما شيڭرۇي، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز، اۆتونوميالى رايوندىق پارتكومنىڭ ورىنباسار شۋجيى، ٴۇرىمجى قالالىق پارتكومنىڭ شۋجيى حى جۇڭيوۋ، حۋايروۋ تاجىريبەحاناسىنىڭ مەڭگەرۋشىسى تاڭ گۋاڭفۋ، جۇڭگو مۇناي حيميا ونەركاسىپ توبى شەكتى سەرىكتەستىگىنىڭ القا باستىعى ما يۇڭشىڭ قول قويۋ سالتىنا قاتىناستى.

حۋايروۋ تاجىريبەحاناسى شينجياڭ بازاسىن قۇرۋ _ مۇناي، گاز سالاسىنىڭ مەملەكەتتىڭ ستراتەگيالىق عىلىم ـ تەحنيكا كۇشىن تۇلعالاۋداعى كەلەلى شاراسى. كەلىسىم بويىنشا، ٴۇش جاق ”بىرگە اقىلداسۋ، بىرگە قۇرۋ، تەڭ ٴبولىسۋ، تەڭ يگىلىككە كەنەلۋ“ پرينسيبى بويىنشا جان ـ جاقتى سەلبەستىك ورىستەتىپ، ٴتۇزىلىس ـ مەحانيزم، ساياسات، دارىندى، عىلمي زەرتتەۋ سياقتى جاقتاردا شينجياڭ بازاسىنىڭ قۇرىلىسىن، اينالىمىن بار كۇشپەن قولداپ، ٴتۇيىن مەن كولەمدى ۇشتاستىرعان بىرلەسىپ جاڭالىق اشۋ ۇلگىسىن قالىپتاستىرىپ، ستراتەگيالىق سيپاتتى، كورەگەندىك سيپاتتى، نەگىزدىك سيپاتتى عىلىم ـ تەحنيكادا جاڭالىق اشۋدى بەلسەندىلىكپەن ورىستەتىپ، شەشۋشى، وزەكتى تەحنيكادان بىرگە قامال الىپ، مەملەكەتتىڭ ەنەرگيا حاۋىپسىزدىگىنە اناعۇرلىم ويداعىداي كەپىلدىك ەتەدى.

چىن ۋيجۇن، شۋە بين، قايسار ابدۇكەرىم، جين جىجىن، اۆتونوميالى رايوننىڭ جانە بيڭتۋاننىڭ قاتىستى ورىندارىنىڭ، حۋايروۋ تاجىريبەحاناسى جانە شينجياڭ بازاسىنىڭ، جۇڭگو مۇناي حيميا ونەركاسىپ توبى شەكتى سەرىكتەستىگىنىڭ قاتىستى جاۋاپتى جولداستارى قول قويۋ سالتىنا قاتىناستى.