بيڭتۋان زەينەتكەرلەردىڭ نەگىزگى زەينەتاقىسىن رەتتەدى

بيڭتۋاننان زەينەتكە شىققانداردىڭ زەينەتاقى دەڭگەيىن، دەمالىسقا، زەينەتكە شىققان قالىڭ جۇمىسشى - قىزمەتكەرلەردىڭ تابىس سەزىمى مەن باقىت سەزىمىن جوعارىلاتۋ ءۇشىن، تاياۋدا بيڭتۋان ادام كۇشى بايلىعى جانە قوعامدىق قامتاماسىزداندىرۋ مەكەمەسى، بيڭتۋان قازىنا مەكەمەسى ادام كۇشى بايلىعى جانە قوعامدىق قامتاماسىزداندىرۋ مينيسترلىگىنىڭ، قازىنا مينيسترلىگىنىڭ بەكىتپە جاۋابىنا ساي، «2024 ـ جىلى زەينەتكەرلەردىڭ نەگىزگى زەينەتاقىسىن رەتتەۋ جونىندەگى حابارلاندىرۋدى» باسىپ تاراتتى. 2024 - جىلى 1 - ايدىڭ 1 - كۇنىنەن باستاپ 2023 - جىلى 12 - ايدىڭ 31 - كۇنىنەن بۇرىن بەلگىلەمە بويىنشا زەينەتكە شىعۋ، قىزمەتتەن بوساۋ راسمياتىن وتەگەن ءارى جۇمىسشى - قىزمەتكەرلەردىڭ نەگىزگى زەينەتاقىسىن اي سايىن الاتىن كاسىپورىندار مەن ورگان، ءىسورىندارىنان زەينەتكە شىققانداردىڭ، قىزمەتتەن شەگىنگەندەردىڭ نەگىزگى زەينەتاقى دەڭگەيىن رەتتەۋدى ۇيعاردى.

وسى رەتكى نەگىزگى زەينەتاقىنى رەتتەۋ، كاسىپورىندار مەن ورگانداردان، ءىسورىنداردان زەينەتكە شىققانداردى رەتتەۋ ءادىسى بىرلىككە كەلتىرىلىپ، جاپپاي رەتتەۋ، ەكىنى بايلانىستىرۋ، ۇشكە بەيىمدەلۋ ءوزارا ۇشتاستىرىلعان رەتتەۋ ءادىسى جالعاستى قولدانىلدى. تەڭشەپ رەتتەۋدە ”ۇزاق ۋاقىت تاپسىرعاندار كوپ الۋ“، ”كوپ تاپسىرعاندار كوپ الۋ“ سىندى شابىتتاندىرۋ مەحانيزمى كورنەكتىلەنىپ، قىزمەتتەگى كەزىندە ۇزاق ۋاقىت اقى تاپسىرعان، كوپ تاپسىرعان ادامداردىڭ زەينەتاقىنى كوپ الۋىنا مۇمكىندىك جاسالدى؛ بەيىمدەپ رەتتەۋدە ءتۇيىندى قامقورلىق ايگىلەندى، باستىسى جاسى ۇلعايعان زەينەتكەرلەر مەن جاپالى، شەت - شالعاي وڭىرلەردەگى زەينەتكەرلەر سياقتى قاۋىمعا ءتۇيىندى قامقورلىق جاسالدى.

تالاپ بويىنشا 2024 – جىلى 7 – ايدىڭ سوڭىنان بۇرىن رەتتەلىپ ارتقان زەينەتاقى تولىق تاراتىلادى.

قوسىمشا قۇجات: 2024 – جىلى مامىلەنى رەتتەۋدى ءتۇسىندىرۋ كارتوچكاسى

كەلۋ قاينارى: حالىق تورابى