شينجياڭدا اۆتوكولىكتەردى كونەسىن جاڭاسىنا اۋىستىرۋعا قالاي ءوتىنىش بەرۋگە بولاتىندىعىن كورىڭىزدەر

7 - ايدىڭ 3 - كۇنى تۇستەن بۇرىن، شينجياڭ ۇيعۇر اۆتونوميالى رايوندىق حالىق ۇكىمەتىنىڭ اقپارات كەڭسەسى شينجياڭ ۇيعۇر اۆتونوميالى رايونىنىڭ ٴىرى جابدىقتاردى جاڭالاۋ جانە تۇتىنۋ بۇيىمدارىن جاڭاعا اۋىستىرۋ جونىندەگى اقپار جاريالاۋ ءماجىلىسىن وتكىزدى.

اقپار جاريالاۋ ماجىلىسىندە شينجياڭ ۇيعۇر اۆتونوميالى رايوندىق ساۋدا مەڭگەرمەسىنىڭ 2 - دارەجەلى شارلاۋشىسى جي شينشيا تىلشىلەردىڭ سۇراۋىنا جاۋاپ بەرگەندە بىلاي دەدى: بيىل 4 - ايدىڭ 24 - كۇنىنەن باستاپ، جەكە تۇتىنۋشىلار مەملەكەتتىك 3 - دارەجەلى جانە ودان تومەن ولشەمدى جانار ماي شىعاراتىن ءمىنىس اۆتوكولىگىن نەمەسە 2018 - جىلى 4 - ايدىڭ 30 - كۇنىنەن بۇرىن تىزىمگە الدىرعان جاڭا ەنەرگيالى ءمىنىس اۆتوكولىگىن كەرەكتەن شىعارسا، شينجياڭداعى اۆتوكولىك ساتاتىن كاسىپورىنداردىڭ ساتىپ الۋى شارتقا ۇيلەسەتىن (ونەركاسىپ جانە ينفورماتسيالاندىرۋ مينيسترلىگىنىڭ ”اۆتوكولىك ساتىپ الۋ سالىعىن كەمەيتەتىن، كەشىرىم ەتەتىن جاڭا ەنەرگيالى اۆتوكولىك تۇرپاتى تىزىمدىگىنە“ ەنگىزىلگەن) جاڭا ەنەرگيالى اۆتوكولىكتەرىن ساتىپ السا، ون مىڭ يۋان قوسىمشا قاراجات بەرىلەدى، 2.0 ليتر جانە ودان تومەن ىعىستىرۋ مولشەرىندەگى جانار مايمەن جۇرەتىن اۆتوكولىكتى ساتىپ السا، 7000 يۋان قوسىمشا قاراجات بەرىلەدى. قوسىمشا قاراجات الۋدى ءوتىنىش ەتكەن تۇتىنۋشىلاردىڭ بۇكىل ەلدەگى اۆتوكولىك اينالىم ينفورماتسياسىن باسقارۋ جۇيەسىنىڭ توراپ بەكەتىنە نەمەسە ”كونەسىن جاڭاسىنا اۋىستىرۋ“ شاعىن تارتىبىنە شىعىپ، تىزىمدەلۋ ماتەريالدارىن تاپسىرۋىنا بولادى.

كەلۋ قاينارى: حالىق تورابى