كاسىپورىنداردىڭ ۇقىعىنا قول سۇعۋعا ساياتىن ينفورماتسيالاردى جاريالاۋ سىندى بىلىققان جاعدايدى جونگە سالادى

حالىق گازەتىنىڭ ءتىلشىسى جين شين 7 – ايدىڭ 4 – كۇنى بەيجيڭنەن حابارلايدى. ءتىلشىنىڭ مەملەكەتتىك ينتەرنەت ينفورماتسياسى كەڭسەسىنەن ۇعىسۋىنشا، جۋىردان بەرى، مەملەكەتتىك ينتەرنەت ينفورماتسياسى كەڭسەسى تيجاراتتىق ينتەرنەت ورتاسىن ءبۇلدىرۋ جاعىنداعى كورنەكتى ماسەلەلەرگە نازاردى شوعىرلاندىرىپ، ”پاكتەندىرۋ . تيجاراتتىق ينتەرنەت ورتاسىن جاقسارتۋعا بايلانىستى كاسىپورىنداردىڭ ۇقىعىنا قول سۇعۋعا ساياتىن ينفورماتسيالاردى جاريالاۋ سىندى بلىققان جاعدايدى جونگە سالۋ“ ارناۋلى ارەكەتىن ورىستەتىپ، كاسىپورىندارعا قاتىستى جالعان اقپارات تاراتقان، زاڭسىز مۇددەگە كەنەلگەن زاڭ – تۇزىمگە قايشى ءبىر توپ تىركەلگىلەردى زاڭ – تۇزىمگە ساي انىقتاپ ءبىرجاقتى ەتكەن. جۋىردا، مەملەكەتتىك ينتەرنەت ينفورماتسياسى كەڭەسى ءبىر توپ تيپتىك دەلولار جايلى جالپىعا حابارلاندىرۋ شىعارعان. 7 – ايدىڭ 2 – كۇنى، مەملەكەتتىك ينتەرنەت ينفورماتسياسى كەڭسەسى ارناۋلى ارەكەت بارىسىندا بايقالعان ەكىنشى توپتاعى تيپتىك دەلولار جونىندە جالپىعا حابارلاندىرۋ جاريالاعان.

بۇل توپتاعى تيپتىك دەلولار مىنالاردى قامتيدى: ”ۋاڭ ۋكۇڭنىڭ اۆتوموبيل تانىستىرۋى“ قاتارلى تىركەلگىلەر جالعان اقپارات جاريالاپ، كاسىپورىنداردىڭ وبىرازى مەن بەدەلىن قارالاعان؛ ”لي – ىرموسى“ اتتى تىركەلگىلەر زياندى اقپارات تاراتامىز دەپ قورقىتىپ، كاسىپورىنداردى وزىمەن ساۋدالىق سەلبەستىك ورىستەتۋگە ماجبۇرلەگەن؛ ”جينشاڭ كلۋبى“ قاتارلى تىركەلگىلەر ”تاقىرىبىمەن مازمۇنى سايكەسپەيتىن“ ماقالالاردى جولداپ، كاسىپورىنداردى قاساقانا قارالاعان؛ ”حالىقارالىق ەنەرگيا تورى“ اتتى تىركەلگىلەر جالعان اقپارات تاراتىپ، كاسىپورىنداردىڭ قالىپتى تيجاراتىنا كەدەرگىلىك جاساعان؛ ”رۇنتان رۇنيۇي“ قاتارلى تىركەلگىلەر وسەك – اياڭ تاراتىپ، كاسىپورىنداردى قارالاپ، كاسىپورىنداردىڭ وبىرازىنا جالا جاباتىن مازمۇنداردى جولداعان.

كەلۋ قاينارى: حالىق تورابى