شينجياڭنىڭ 2024 ـ جىلعى ادەتتەگى جوعارى مەكتەپتەرگە وقۋشى قابىلداۋ قىزمەتى 7 – ايدىڭ 10 – كۇنى باستالادى

شينجياڭ ۇيعۇر اۆتونوميالى رايونىنىڭ 2024 ـ جىلعى ادەتتەگى جوعارى مەكتەپتەرگە وقۋشى قابىلداۋ قىزمەتى 7 – ايدىڭ 10 - كۇنى رەسمي باستالادى، مەجەمەن 8 – ايدىڭ 28 - كۇنى اياقتايدى، ناقتى مازمۇنىن «شينجياڭ ۇيعۇر اۆتونوميالى رايونىنىڭ 2024 ـ جىلعى ادەتتەگى جوعارى مەكتەپتەرگە وقۋشى قابىلداۋ قىزمەتىنىڭ ۋاقىت ورنالاستىرۋى كەستەسىنەن» كورۋگە بولادى. قابىلداۋ تولىق كۋرس بويىنشا الدىن الا قابىلداۋ، مەملەكەت جانە جەرگىلىكتى ارناۋلى ءتۇر، وڭتۇستىك شينجياڭعا بولەك ارناۋلى قابىلداۋ، شينجياڭعا باعىتتامالى كومەكتەسۋ جوسپارىنداعى تولىق كۋرس بويىنشا 1 ـ توپتا قابىلداۋ، جوعارى مەكتەپتەردىڭ ارناۋلى جوسپار توبى، جوعارى دەڭگەيلى دەنە تاربيە كوماندالارىنىڭ تولىق كۋرس بويىنشا 1 ـ توپتا قابىلداۋى، تولىق كۋرس بويىنشا 1 ـ توپتا قابىلداۋ، مەملەكەت جانە جەرگىلىكتى ارناۋلى ءتۇر، وڭتۇستىك شينجياڭعا بولەك ارناۋلى قابىلداۋ، شينجياڭعا باعىتتامالى كومەكتەسۋ جوسپارىنداعى تولىق كۋرس بويىنشا 2 ـ توپتا قابىلداۋ، جوعارى دەڭگەيلى سپورت كوماندالارىنىڭ تولىق كۋرس بويىنشا 2 - توپتا قابىلداۋى، تولىق كۋرس بويىنشا 2 - توپتا قابىلداۋ، جوعارى دارەجەلى كاسىپتىك (ارناۋلى كۋرس) بويىنشا الدىن الا قابىلداۋ، جوعارى دارەجەلى كاسىپتىك (ارناۋلى كۋرس) رەتى بويىنشا قابىلداۋ قاتارلى جيىنى 10 توپ بويىنشا قابىلداۋ قىزمەتى جۇرگىزىلەدى. ”ءۇش تۇردەگى مەكتەپ وقۋشىلارىنىڭ جوعارىلاپ وقۋىنا“ توپ بويىنشا قابىلداۋ قىزمەتى 8 – ايدىڭ 5 – كۇنى باستالىپ، 8 – ايدىڭ 13 – كۇنى اياقتايدى.

ەرەكشە ەسكەرتۋ: بيىل ادەتتەگى جوعارى مەكتەپ ەمتيحانىنا قابىلداۋ قىزمەتىندە باسقا جەردە الىس ارالىقتى توراپتا قابىلداۋ جالعاستى قولدانىلادى، باسقالاي قابىلداۋ فورماسى بولمايدى. ەمتيحان بەرۋشىلەردىڭ جانە اتا – انالاردىڭ وسەك – اياڭعا سەنبەي، ساقتىق تانىمىن جوعارىلاتىپ، وزدەرىنىڭ ينفورماتسيالارىن جاقسى ساقتاپ، الدانىپ قالۋدان اباي بولۋىن ءۇمىت ەتەمىز. قابىلداۋ كەزىندە، شينجياڭ ۇيعۇر اۆتونوميالى رايوندىق وقۋ - اعارتۋ ەمتيحان مەكەمەسى قابىلداۋ قىزمەتىنىڭ اياق الىسىنا ساي، قابىلداۋ ساندى مالىمەتىن دەر كەزىندە جاڭالايدى، ەمتيحان تاپسىرعان وقۋشىلار شينجياڭ وقۋ - اعارتۋ ەمتيحان مەكەمەسىنىڭ رەسمي تورابىنا (www.xjzk.gov.cn) شىعىپ، ”الەۋمەتتىك قىزمەت وتەۋ زالى“ دەگەن باعدارلامادان ”قابىلداۋدى تەكسەرىپ كورۋ “ جۇيەسىن باسىپ كىرۋ ارقىلى كورۋىنە بولادى. تالاپ تولتىرعان كەزدەگى ءوزىنىڭ وزگەرگەننەن كەيىنگى قۇپيا سيفرىنان پايدالانىپ قابىلداۋ ناتيجەسىن تەكسەرۋ كەرەك.

كەلۋ قاينارى: حالىق تورابى