بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى

وسى اپتادا وڭتۇستىك شينجياڭنىڭ، شىعىس شينجياڭنىڭ ءىشىنارا جەرلەرىندە 40 گرادۋستان اساتىن جوعارى تەمپەرتۋرالى اۋا رايى جارىققا شىعادى

قاتتى ىستىقتىڭ كەسىرىنەن ماقتا ءونىمىنىڭ كەمەيۋىنەن ساقتانۋ كەرەك

2024.07.08 16:41     كەلۋ قاينارى : حالىق تورابى

ءتىلشىنىڭ شينجياڭ اۋىل شارۋاشىلىق اۋا رايى ستانسياسىنان ۇعىسۋىنشا، مەجەمەن 7 – ايدىڭ 8 – كۇنىنەن 11 – كۇنىنە دەيىن وڭتۇستىك شينجياڭ ويپاتىندا، شىعىس شينجياڭنىڭ باسىم كوپ جەرىندە 35 سەلتسي گرادۋستان اساتىن جوعارى تەمپەراتۋرالى اۋا رايى جارىققا شىعادى، ءىشىنارا وڭىرلەردە ەڭ جوعارى اۋا تەمپەراتۋراسى 37 سەلتسي گرادۋستان اسادى، تۇرپان قالاسىندا، قۇمىل قالاسىنىڭ ءىشىنارا جەرلەرىندە 40 سەلتسي گرادۋستان اسادى. شينجياڭ اۋىل شارۋاشىلىق اۋا رايى ستانسياسى جوعارى تەمپەراتۋرانىڭ ۇزدىكسىز جوعارىلاۋى شىعىس شينجياڭداعى، وڭتۇستىك شينجياڭداعى ماقتا قاۋاشاعىنىڭ وسۋىنە، شىلاننىڭ گۇل اشىپ، جەمىس بەرۋىنە، سونداي ـ اق جەمىس – جيدەكتەردىڭ وسۋىنە ءتيىمسىز بولادى، قاتتى ىستىقتىڭ كەسىرىنەن ماقتا ءونىمىنىڭ كەمەيۋىنەن ساقتانۋ كەرەك دەپ ەسكەرتتى.

جوعارى تەمپەراتۋرالى قاتتى ىستىقتىڭ زيانداۋى — جوعارى تەمپەراتۋرانىڭ وسىمدىكتەردىڭ ءوسىپ - جەتىلۋى مەن ءونىم مولشەرىنىڭ قالىپتاسۋىنا زيان جەتكىزەتىن ءبىر ءتۇرلى اۋىل شارۋاشىلىق اۋا رايى اپاتى سانالادى، ادەتتە جوعارى تەمپەراتۋرا وسىمدىكتىڭ (ورگانيزم) ءوسىپ – جەتىلۋىن تەجەيدى، ول جوعارى تەمپەراتۋرانىڭ زورلاپ پىسىرۋى مەن جەمىس اعاشتارىنىڭ كۇنگە كۇيۋى، سونداي - اق مالدىڭ، قۇستىڭ، بالىق تەكتەس سۋ ونىمدەرىنىڭ ىستىق اپاتىنا ۇشىراۋىن قامتيدى.

الداعى بىرنەشە كۇندەگى اۋا رايىنان بەرىلگەن مالىمەتكە نەگىزدەلىپ، تۇرلىشە داقىلداردىڭ كەزەكتەگى ءوسىپ - جەتىلۋ مەزگىلىندەگى جوعارى تەمپەراتۋرا كورسەتكىشىمەن جانە ەگىلۋ، تارالۋ جاعدايىنا ۇشتاستىرىپ مەجەلەۋگە قاراعاندا، 7 - ايدىڭ 9 - كۇنىنەن 10 - كۇنىنە دەيىن، شىعىس شينجياڭنىڭ باسىم كوپ ساندى ءوڭىرى، بايىنعولين موڭعۇل اۆتونوميالى وبلىسىنىڭ وڭتۇستىك بولىگىندەگى ءبىر ءبولىم ماقتا رايونى قاۋاشاق كەزىندەگى جوعارى تەمپەراتۋرانىڭ زيانىنا ۇشىرايتىن قاتەرلى رايون، بايىنعولين وبلىسىنىڭ سولتۇستىك بولىگى، قاشقار ايماعىنىڭ شىعىس بولىگىندەگى ءبىر ءبولىم ماقتا ءوڭىرى حاۋىپ - قاتەرى تومەن ءوڭىر؛ 7 - ايدىڭ 11 - كۇنى شىعىس شينجياڭ، بايىنعولين وبلىسىنىڭ وڭتۇستىگىندەگى ءبىر ءبولىم ماقتا ءوڭىرى حاۋىپ - قاتەرى جوعارى ءوڭىر سانالادى، بايىنعولين وبلىسىنىڭ سولتۇستىگىندەگى ءبىر ءبولىم ماقتا ءوڭىرى حاۋىپ – قاتەر دارەجەسى ورتاشا ٴوڭىر، اقسۋ ايماعىنىڭ باتىس بولىگى، قاشقار ايماعىنىڭ شىعىسىنداعى ءبىر ءبولىم ماقتا ءوڭىرى حاۋىپ - قاتەرى تومەن ءوڭىر سانالادى.

شينجياڭ اۋىل شارۋاشىلىق اۋا رايى ستانسياسى مىنانى ەسكەرتتى: قازىر ماقتانىڭ ءوسۋ اياق الىسى جىلداعىدان ەرتە، جوعارى تەمپەراتۋرالى قاتەرلى ماقتا رايوندارىنىڭ ماقتا اتىزدارىنىڭ ءوسۋ جاعدايىنا نازار اۋدارىپ، سۋ مەن تىڭايتقىشتى باسقارۋدى كۇشەيتىپ، ماقتا اتىزدارىنىڭ قۋاڭشىلىقتان ساقتانىپ، جوعارى تەمپەراتۋرالى ىستىق اۋا رايىنىڭ زيانداۋىنان ساقتانۋىن ەسكەرتەمىز.

كەلۋ قاينارى: حالىق تورابى

جاۋاپتى رەداكتورى : مانەپ ەربول ۇلى