بۇگىن قويىلادى، شينجياڭداعى موڭعۇلكۇرەدەن كورىنىس الىپ تۇسىرىلگەن «اڭىز» اتتى فيلمنىڭ اسىلگى جوسپاردان بۇرىن قويىلاتىنى رەسمي جاريالاندى 

7 – ايدىڭ 9 – كۇنى، «اڭىز» اتتى فيلمنىڭ اسىلگى جوسپاردان بۇرىن (اسىلگى جوسپار بويىنشا 7 – ايدىڭ 12 – كۇنى قويىلماقشى بولاتىن) 7 – ايدىڭ 10 – كۇنى قويىلاتىنى بەلگىلەندى ءارى جارنامالار جاريالاندى، چىڭلۇڭ ايتقان كينونىڭ ارقاۋ ءانى «ءبىزدىڭ اڭىز» ءانىنىڭ MV نۇسقاسى دا بىرگە جاريالاندى، چىڭلۇڭ ورىنداعان، چاڭ شىلەي مۋزيكاسىن جازعان، ۋاڭ پيڭجيۋ مەن چاڭ شىلەي ءسوزىن جازعان بۇل ءان كوپشىلىكتىڭ بۇگىن رەسمي قويىلاتىن وسى كينوعا بولعان قىزعىندىلىعىن ونان ارى ارتتىرا ءتۇستى.

بۇل فيلم چىڭلۇڭنىڭ بۇرىن تۇسىرگەن «اڭىز» فيلمىنىڭ جالعاسى، 7 – ايدىڭ 5 – كۇنىنەن 8 – كۇنىنە دەيىن ەلىمىز بويىنشا بەلگىلەنگەن كينوحانالاردا الدىن الا كورسەتىلدى، قازىر بۇل فيلمنىڭ مەجەدەگى ساتىلىمى جانە بەلگىلەنگەن ورىنداعى كورسەتىلىم سوماسى 33 ميلليون يۋاننان استى.

كينونىڭ جاريالانعان ارقاۋ ءانىنىڭ MV نۇسقاسىندا اپپاق قار، قارلى تاۋ، جايلاۋ، نۋ ورمان قاتارلى كەڭ – بايتاق ساحاراداعى كورىكتى تابيعات كورىنىستەرى كوزدى جاۋلايدى، «اڭىز» فيلمىن ءتۇسىرۋ گرۋپپاسى وسى جولى ەڭ جاقسى كورىنىستەردى ءتۇسىرۋ ءۇشىن كينو تۇسىرەتىن جەردى تاڭداعان كەزدە، شينجياڭنىڭ موڭعۇلكۇرە اۋدانىن ناقتى كورىنىس الاتىن ورىن ەتىپ بەلگىلەگەن، كينودا سول جەردىڭ كورىنىستەرىن ەكرانعا تولىق ءتۇسىرۋ كوزدەلگەن.

«اڭىز» اتتى فيلمنىڭ سەناريىن جازۋشى ءارى رەجيسسورلىق ەتۋشى تاڭ جيلي، چىڭلۇڭ، جاڭ يشيڭ، گۇلناز، لي جىتيڭ قاتارلىلار جەتەكشى رولعا شىققان، لي چىن ارنايى باستى رولعا شىققان، پىڭ شياۋران ەرەكشە ۇسىنىسپەن رولعا شىققان، دوۋ شياۋ دوستىق تۇرعىدان رولعا شىققان، جىڭ يەچىڭ ارنايى رولعا شىققان.

كەلۋ قاينارى: حالىق تورابى