شينجياڭ شايار اۋداندىق قوعام حاۋىپسىزدىگى مەكەمەسى ادامدار شوعىرلى اۋماقتان قاسقىر ۇستادى    

7 – ايدىڭ 6 – كۇنى ساعات 23 تە، گەزقۇم اۋىلدىق حالىق ۇكىمەتىنىڭ قىزمەتكەرى شايار اۋداندىق قوعام حاۋىپسىزدىگى مەكەمەسىنەن كومەك سۇراپ، ادامدار شوعىرلى اۋماقتا قاسقىر بايقالعانىن ايتادى. باقىلاۋعا قاراعاندا، قاسقىردىڭ سالماعى 30 كيلوگرام شاماسىندا، سۇرعىلت ءتۇستى، وتە جىرتقىش ەكەن. بۇل مالىمەتتى تاپسىرىپ العان سوڭ، شايار اۋداندىق قوعام حاۋىپسىزدىگى مەكەمەسى دەرەۋ گەزقۇم ساقشى بولىمشەسىنىڭ ساقشىلارىن قاسقىردى ۇستاۋعا ورنالاستىرادى. تەكسەرۋ ارقىلى حالىق ساقشىلارى قاسقىر ازىق ىزدەپ جۇرگەندە ادامدار شوعىرلى اۋماققا جاڭساق كەلىپ قالعانىن تۇجىرىمدايدى.

ولار تەكسەرۋ ارقىلى بۇل تۇردەگى قاسقىر ەلىمىز بويىنشا 2 – دارەجەلى قورعالاتىن حايۋانات سانالاتىنىن تۇراقتاندىرادى. قاسقىردىڭ دەنساۋلىق جاعدايىن ونان ارى تەكسەرۋ ءۇشىن، ولار بۇل قاسقىردى شايار اۋداندىق ورمان شارۋاشىلىعى جانە جايىلىم مەكەمەسىنە جوتكەپ بەرگەن، سوڭىنان قاسقىردى تابيعاتقا قويا بەرەتىن بولعان. ساقشى جاق بارشا جۇرتشىلىققا مىنانى ەسكەرتەدى: وسى تەكتەس جاعداي تۋىلسا، باس اماندىعىن قورعاۋمەن بىرگە، دەر كەزىندە قوعام حاۋىپسىزدىك ورگاندارىنا مالىمدەپ، كومەك سۇراعان ءجون.

(باقىلاۋشى: جاڭ لي، ۋاڭ شينيۇي، باس رەداكتور: سۋ مىڭ، رەداكتور: ليۋ يشۋان؛ سەلبەسكەن اقپارات قۇرالى: اقسۋ ايماقتى توعىسپالى مەديا ورتالىعى، سەلبەسكەن ورىن: شايار اۋداندىق قوعام حاۋىپسىزدىگى مەكەمەسى)

كەلۋ قاينارى: حالىق تورابى