قاتاڭ ءبىرجاقتى ەتەدى! مەملەكەتتىك ءدارى – دارمەكتى باقىلاۋ – باسقارۋ مەڭگەرمەسى ەڭ جاڭا حابارلاندىرۋ جاريالادى 

مەملەكەتتىك ءدارى – دارمەكتى باقىلاۋ – باسقارۋ مەڭگەرمەسى تورابىنىڭ 7 – ايدىڭ 9 – كۇنى جاريالاعان حابارلاندىرۋىنا قاراعاندا، 2023 – جىلى مەملەكەت بويىنشا بەزەنۋ بۇيىمدارىنان ۇلگى الىپ تەكسەرۋ قىزمەتى بارىسىندا، ىشكى موڭعۇل اۆتونوميالى رايوندىق ءدارى – دارمەكتى تەكسەرۋ – زەرتتەۋ مەكەمەسى قاتارلى ورىندار تەكسەرۋ ارقىلى ءونىم بەلگىسىنە ”گۋاڭجوۋ حۇڭشيڭلۇڭ بەزەنۋ بۇيىمدارى شەكتى سەرىكتەستىگى ءوندىردى“ دەپ جازىلعان حۇڭشيڭلۇڭ شاش بوياۋ مايى (قىزىل ءتۇستى) قاتارلى 37 توپتاعى بەزەنۋ بۇيىمدارىنىڭ بەلگىلەمەگە ۇيلەسپەيتىنىن بايقاعان. مۇندا، گۋاڭجوۋ حۇڭشيڭلۇڭ بەزەنۋ بۇيىمدارى شەكتى سەرىكتەستىگى ۇلگى الىپ تەكسەرگەن بۇيىمداردىڭ شىن – جالعاندىعى جونىندە كۇمان ءبىلدىرىپ ءوتىنىش بەرگەن، گۋاڭدۇڭ ولكەلىك ءدارى – دارمەكتى باقىلاۋ – باسقارۋ مەكەمەسى تەكسەرۋ ارقىلى ۇلگى الىپ تەكسەرۋ بارىسىندا بەلگىلەمەگە ۇيلەسپەگەن ونىمدەردى شىنىمەن دە اتالعان ءوندىرىس كاسىپورنى تىركەۋگە الدىرعانىن ءارى وندىرگەنىن تۇراقتاندىرعان. اتالعان كاسىپورىننىڭ جالعان ينفورماتسيا بەرىپ، شىنايى جاعدايدى جاسىرعان ارەكەتى «بەزەنۋ بۇيىمدارىن باقىلاۋ – باسقارۋ ەرەجەسىندە» بەلگىلەنگەن سيپاتى اۋىر جاعدايعا جاتادى، تەكسەرىپ تۇراقتاندىرىلعان سوڭ زاڭ بويىنشا قاتاڭ جازالانادى.

«بەزەنۋ بۇيىمدارىن باقىلاۋ - باسقارۋ ەرەجەسى»، «بەزەنۋ بۇيىمدارىن ءوندىرۋ - ساۋدالاۋدى باقىلاۋ - باسقارۋ ءادىسى»، «بەزەنۋ بۇيىمدارىنان ۇلگى الىپ تەكسەرۋدى باسقارۋ ءادىسى» قاتارلىلارعا نەگىزدەلىپ، مەملەكەتتىك ءدارى - دارمەكتەردى باقىلاۋ - باسقارۋ مەكەمەسى گۋاڭدۇڭ ولكەلىك ءدارى - دارمەكتى باقىلاۋ - باسقارۋ تاراۋلارىنان جوعارىدا اتالعان بەلگىلەمەگە ۇيلەسپەيتىن بەزەنۋ بۇيىمدارىنا قاتىستى تىركەتۋشى ادام، ەستەلىككە الدىرۋشى ادام، امانات بويىنشا ءوندىرۋشى كاسىپورىن قاتارلىلارعا زاڭ بويىنشا دەلو تۇرعىزىپ تەكسەرۋ جۇرگىزۋدى تالاپ ەتكەن، قاتىستى كاسىپورىنداردى دەرەۋ زاڭ بويىنشا حاۋىپ - قاتەردى تەجەۋ شارالارىن اتقارۋعا ءارى ءوزىن - ءوزى تەكسەرىپ، جونگە سالۋدى ورىستەتۋگە بۇيىرعان. ءارقايسى ولكەلەردەگى (اۆتونوميالى رايون، توتە قاراستى قالا) ءدارى - دارمەكتى باقىلاۋ - باسقارۋ تاراۋلارى قاتىستى بەزەنۋ بۇيىمدارىن ساۋدالاۋشىلاردى جوعارىداعى بەزەنۋ بۇيىمدارىن ساۋدالاۋدى دەرەۋ توقتاتۋعا بۇيىرعان، ولاردىڭ زات كىرگىزۋ ەستەلىگى قاتارلى جاعدايلارىن زاڭ بويىنشا تەكسەرىپ، زاڭسىز ونىمدەردىڭ تەگىن تەكتەۋدى ورىستەتەدى؛ بەلگىلەمەگە قايشى ارەكەتتەر بايقالسا، زاڭ بويىنشا قاتاڭ ءبىرجاقتى ەتەدى؛ قىلمىس كۇمانىن تۋدىرعانداردى زاڭ بويىنشا قوعام حاۋىپسىزدىگى ورگاندارىنا جوتكەپ بەرەدى.

كەلۋ قاينارى: حالىق تورابى