2000 – جىلداردان كەيىن تۋعان شينجياڭدىق كومەكشى ساقشىسى الىم راحمان سۋعا كەتكەن بۇقارانى ەرلىكپەن قۇتقارىپ، باقىتقا قارسى قۇربان بولدى

2024 ـ جىلى 7 ـ ايدىڭ 5 ـ كۇنى ساعات 0 مولشەرىندە، شينجياڭ كۇشار قالاسى چىمان قالاشىعى وگەن قىستاعىنداعى 3 بۇقارا ابايسىزدا 10 نەشە مەتر كەڭدىكتەگى، 3 مەتر تەرەڭدىكتەگى سۋ سىڭبەيتىن توعانعا ءتۇسىپ كەتەدى. ساقشىعا مالىمدەۋ، كومەك سۇراۋ ءوتىنىشىن تاپسىرىپ العاننان كەيىن، جاقىن ماڭدا شارلاۋ جۇرگىزىپ جۇرگەن چىمان ساقشى بولىمشەسىنىڭ كومەكشى ساقشىسى الىم راحمان مەن قىزمەتتەستەرى دەرەۋ قۇتقارۋ جۇمىسىن ۇيىمداستىرادى. قىسىلتاياڭ ساتتە، الىم راحمان ءوز باسىنا تونگەن حاۋىپكە قاراماي سۋعا سەكىرىپ ءتۇسىپ، سۋعا ءتۇسىپ كەتكەن 3 ادامدى ىلگەرىندى – كەيىندى قۇتقارىپ شىعاردى، اقىرى ءال – دارمەنى جەتپەي، باقىتقا قارسى 20 جاسىندا قۇربان بولادى.

الىم راحمان، ەر، ۇيعۇر، 2004 - جىلى 3 - ايدا تۋعان، 2023 - جىلى 10 - ايدا قوعام حاۋىپسىزدىگى قىزمەتىنە قاتىناسقان، كۇشار قالالىق قوعام حاۋىپسىزدىگى مەكەمەسى چىمان ساقشى بولىمشەسىنىڭ كومەكشى ساقشىسى، حالىق بۇقاراسىنىڭ ءومىرى مەن مال - مۇلىك حاۋىپسىزدىگىنە قاتەر تونگەن كەزدە، ولىمنەن قورىقپاي، كەۋدە كەرىپ العا شىعىپ، قاراپايىم قىزمەت ورنىندا كەرەمەت ءومىر داستانىن جازدى.

كەلۋ قاينارى: حالىق تورابى