حۋنان ولكەلىك حالىق قۇرىلتايى تۇراقتى كوميتەتى پارتگرۋپپاسىنىڭ بۇرىنعى مۇشەسى، ورىنباسار مەڭگەرۋشىسى پىڭ گوفۋ تارتىپكە، زاڭعا اۋىر قايشىلىق جاساعاندىقتان پارتيادان ايدالدى، ۇكىمەت قىزمەتىنەن قالدىرىلدى

ورتالىق ءتارتىپ تەكسەرۋ كوميتەتى، مەملەكەتتىك باقىلاۋ ـ تەكسەرۋ كوميتەتى تورابىنىڭ حابارى. ج ك پ ورتالىق كوميتەتىنىڭ بەكىتۋىمەن، ورتالىق ءتارتىپ تەكسەرۋ كوميتەتى، مەملەكەتتىك باقىلاۋ ـ تەكسەرۋ كوميتەتى حۋنان ولكەلىك حالىق قۇرىلتايى تۇراقتى كوميتەتى پارتگرۋپپاسىنىڭ بۇرىنعى مۇشەسى، ورىنباسار مەڭگەرۋشىسى پىڭ گوفۋدىڭ تارتىپكە، زاڭعا اۋىر قايشىلىق جاساۋ ماسەلەسىنە دەلو تۇرعىزىپ، تەكسەرۋ جۇرگىزدى.

تەكسەرۋ ارقىلى مىنانى انىقتادى: پىڭ گوفۋ مۇرات - سەنىمنەن ايرىلىپ، اۋەلگى ماقساتتان، بورىشتان بەزىپ، جەكە باسىنىڭ ”ساياسي ناتيجەسىن“ ۇگىتتەگەن، ساياسي كاپيتالدى قولعا تۇسىرگەن، ساياسي ناتيجە كوزقاراسى بۇرمالانعان، بەلگىلەمەگە قايشىلىق جاساپ قارىز العان، قارىزدى سىڭىرگەن، ساناقتا جالعاندىق ىستەپ، ساندى مالىمەتتەردى جالعاننان جاساعان، ساياسي الدامشىلىقپەن اينالىسقان، باسشى كادرلاردىڭ قىزمەت ۇقىعى مەن ىقپال كۇشىنەن پايدالانىپ، تۋىس ـ تۋعان، دوس ـ جاراندارىن ارناۋلى جونگە سالۋ بارىسىندا جالعان رەتتەۋ ـ تۇزەتۋ جۇرگىزىپ، جەرگىلىكتى ورىننىڭ ساياسي ەكولوگياسىن اۋىر دارەجەدە بۇلدىرگەن؛ ورتالىقتىڭ ”8 ءتۇرلى بەلگىلەمەسىنىڭ“ رۋحىمەن ساناسپاي، فورماشىلدىققا، راقاتقۇمارلىققا سالىنىپ، ۇيىمدىق پرينسيپكە قايشىلىق جاساپ، كادرلاردى تاڭداپ ءوسىرۋ، مىندەتكە تاعايىنداۋ قىزمەتىندە باسقالارعا پايدا جەتكىزگەن ءارى مال – مۇلكىن العان؛ ٴمورالدىق جاقتان ازعىنداپ، ۇقىق – ءناپسى، اقشا – ٴناپسى ساۋداسىن جاساعان؛ وتباسىنداعىلاردى باسقارماعان، تاربيەلەمەگەن، ”اۋلەت فورماسىنداعى“ ءىرىپ - شىرۋمەن بارىنشا شۇعىلدانعان؛ قىزمەت قولايلىلىعىنان پايدالانىپ باسقالارعا نىساندى كوتەرىپ الۋ، كاسىپورىن تيجاراتى سياقتى جاقتاردان پايدا جەتكىزگەن ءارى قىرۋار زاڭسىز مال – مۇلىك العان.

پىڭ گوفۋ پارتيانىڭ ساياسي تارتىبىنە، ۇيىمدىق تارتىبىنە، پاكتىك تارتىبىنە جانە تۇرمىس تارتىبىنە اۋىر قايشىلىق جاساپ، مىندەتىندە زاڭعا اۋىر قايشىلىق جاساعان ءارى پارا الۋ قىلمىسىنا شاتىلعان، ونىڭ ۇستىنە پارتيا 18 ـ قۇرىلتايىنان كەيىن دە تيىلماعان، تىزگىنىن تارتپاعان، سيپاتى اۋىر، ىقپالى ناشار، قاتاڭ ءبىر جاقتى ەتۋ كەرەك. «جۇڭگو كوممۋنيستىك پارتياسىنىڭ ءتارتىپ جازاسى ەرەجەسى»، «جۇڭحۋا حالىق رەسپۋبليكاسىنىڭ باقىلاۋ - تەكسەرۋ زاڭى»، «جۇڭحۋا حالىق رەسپۋبليكاسىنىڭ ۇكىمەت قىزمەتكەرلەرىنىڭ اكىمشىلىك ىستەرىن ءبىر جاقتى ەتۋ زاڭى» قاتارلى قاتىستى بەلگىلەمەلەرگە ساي، ورتالىق ءتارتىپ تەكسەرۋ كوميتەتى تۇراقتى كوميتەتىنىڭ ماجىلىسىندە اقىلداسۋ ءارى ج ك پ ورتالىق كوميتەتىنىڭ بەكىتۋى ارقىلى پىڭ گوفۋعا پارتيادان شىعارۋ جازاسىن بەرۋدى ۇيعاردى؛ مەملەكەتتىك باقىلاۋ - تەكسەرۋ كوميتەتى وعان ۇكىمەت قىزمەتىنەن قالدىرۋ جازاسىن بەردى؛ حۋنان ولكەلىك 12 - كەزەكتى پارتيا قۇرىلتايىنىڭ ۋاكىلدىك تولىمدىلىعىن كۇشىنەن قالدىرادى؛ تارتىپكە، زاڭعا قايشىلىق جاساپ تاپقان تابىسىن تاركىلەدى؛ ونىڭ قىلمىسقا ساياتىن ماسەلەلەرىن پروكۋراتۋرا ورگاندارىنىڭ زاڭ بويىنشا تەكسەرىپ ايىپتاۋىنا وتكىزىپ بەردى، وعان ساياتىن مال - مۇلىكتى بىرگە وتكىزىپ بەردى.

كەلۋ قاينارى: حالىق تورابى