ساۋدا مينيسترلىگى ەۆروپا جاقتىڭ جۇڭگونىڭ ەلەكترلى اۆتوموبيلگە ساياتىن قوسىمشا قاراجات بەرۋىنە قارسى تەكسەرۋ جۇرگىزۋ تۋرالى جالعان سوزدەرىنە قارسى جاۋاپ قايتاردى 

شينحۋا اگەنتتىگىنىڭ 7 – ايدىڭ 8 – كۇنى بەيجيڭنەن بەرگەن حابارى. حابارعا قاراعاندا، ەۆروپا وداعىنىڭ جۇڭگودا تۇراتىن باس ەلشىسى تو ياحۇي جۋىردا: ”ەۆروپا وداعى بىرنەشە ايدان بەرى جۇڭگونىڭ ەلەكترلى اۆتوموبيلدەرىنە قاتىستى ۇستەمە كەدەن باجىسىن الۋ ءىسى تۋرالى جۇڭگومەن بايلانىس جاساماقشى بولسا دا، جۇڭگو جۋىردا عانا كەڭەس وتكىزۋگە تالپىندى“ دەگەن. ساۋدا مينيسترلىگىنىڭ مالىمدەمەشىسى 7 – ايدىڭ 8 – كۇنى وسى جونىندە جاۋاپ قايتارىپ: ”جۇڭگو جاق قاتىستى حابارعا نازار اۋداردى. مۇنداي ءسوز امالياتقا مۇلدە ساي كەلمەيدى“ دەگەن.

بۇل مالىمدەمەشى مىنانى بىلدىرگەن: 2023 – جىلى 10 – ايدا ەۆروپا وداعى جۇڭگونىڭ ەلەكترلى اۆتوموبيلدەرىنە ساياتىن قوسىمشا قاراجات بەرۋىنە قارسى تەكسەرۋ جۇرگىزگەننەن بەرى، جۇڭگو جاق كوپ جاقتى ورىنداردا قاتاڭ قارسىلىق بىلدىرگەن ءارى باستان – اياق جۇڭگو مەن ەۆروپا وداعىنىڭ جان – جاقتى ستراتەگيالىق سەرىكتەستىك قارىم – قاتىناسىن قورعاۋ سىندى زور اۋقىمدى شىعار ءتۇيىن ەتىپ، ەۆروپا جاقتى ەكونوميكالىق جاقتاعى قاقتىعىستاردى كەڭەسۋ ارقىلى ۇيلەسىمدى ءبىرجاقتى ەتۋگە قۋزاعان.

جۇڭگو جاق باستان – اياق بىلاي دەپ قارادى: ساۋدالىق قورعانىمپازدىق شارالارى دۇنيە ءجۇزىنىڭ جاسىل تيپتى كاسىپ سالاسىن دامىتۋىنا ءتيىمسىز، اۆتوموبيل كاسىپ سالاسىنداعى سەلبەستىكتەرگە ءتيىمسىز، ءارقايسى ەلدەر كەڭەسۋ مەن سەلبەسۋگە تاباندى بولۋى، ەكونوميكانىڭ جاسىل تيپكە بۇرىلىس جاساۋىن بىرگە ىلگەرىلەتۋى كەرەك، كورشىسىنە زيان جەتكىزبەۋى، دۇنيە جۇزىلىك كاسىپ سالاسى تىزبەگى مەن قامداۋ تىزبەگىن ادەيى بۇلدىرمەۋى كەرەك. ەكونوميكا – ساۋدا جاعىنداعى ءارقانداي ماسەلەلەردى ساياسيلاندىرعان، قارۋعا اينالدىرعان سىڭار جاقتىلىق پەن قورعانىمپازدىق تاسىلدەرگە جۇڭگو جاق تۇگەلدەي باتىل قارسى تۇرادى، ەرەجەلەردى الباتى پايدالانىپ، جۇڭگوعا قىسىم جاساعان ءارقانداي سوراقى ارەكەتتەرگە جۇڭگو جاق، ءسوزسىز، ءارقانداي قاجەتتى شارالاردى قولدانىپ، ءوزىنىڭ ۇقىق – مۇددەسىن قورعايدى.

كەلۋ قاينارى: حالىق تورابى