شينجياڭ تەكەس اۋدانى ساياحاتشىلاردى الدامكوستىكپەن تۇتىنۋعا شىرعالاۋ دەلوسىن جاريالادى 

انار بۇلت \ شينجياڭ گازەتى حابارلايدى. 7 – ايدىڭ 9 – كۇنى، شينجياڭ تەكەس اۋداندىق بازاردى باقىلاۋ – باسقارۋ باس مەكەمەسى ساياحاتشىلاردى الدامكوستىكپەن تۇتىنۋعا شىرعالاۋ دەلوسىن جاريالاعان.

اشكەرەلەۋ دەرەكتەرىنە قاراعاندا، 2024 – جىلى 5 – ايدىڭ 24 – كۇنى، تەكەس اۋداندىق بازاردى باقىلاۋ – باسقارۋ مەكەمەسى تەكەس اۋدانىنداعى سەكسەن يرەكتىڭ قاباعى كورىنىس تەكشەسىنە تەكسەرۋ جۇرگىزگەن كەزدە، جاڭ XX نىڭ كورىنىس تەكشەسىندە قىزىل كەندىر، جەرشاشاق، تيانشان شىقىلداعى قاتارلى جەرگىلىكتى ونىمدەردى، اۋىل شارۋاشىلىعى قوسىمشا ونىمدەرىن ساتقان كەزدە ياڭ XX تى جالعا الىپ، الارمان رەتىندە ونىمدەردىڭ جاعدايىن سۇراۋعا، ونىمدىلىگى جاقسى ەكەن دەپ ماقتاۋعا، ءونىم ساتىپ الۋعا، وتىرىكتەن اقشا تولەۋگە ورنالاستىرىپ، ساياحاتشىلاردى ءونىم ساتىپ الۋعا الدامكوستىكپەن شىرعالاعان. «تۇتىنۋشىلاردىڭ ۇقىق – مۇددەسىنە سۇعاناقتىق جاساۋ ارەكەتىن جازالاۋ ءادىسىنىڭ» 6 – تارماعىنىڭ 4 – تارماقشاسىنداعى بەلگىلەمەگە ساي، ىسكە قاتىستى ادامنىڭ بۇل ارەكەتتەرى تۇتىنۋشىلاردىڭ الدامكوستىكپەن تۇتىنۋعا شىرعالاۋدى قالىپتاستىرعان.

2024 – جىلى 6 – ايدىڭ 5 – كۇنى، تەكەس اۋداندىق بازاردى باقىلاۋ – باسقارۋ مەكەمەسى ىسكە قاتىستى ادامدى وسىنداي زاڭعا قايشى ارەكەتتەرىن تۇزەتۋگە زاڭ بويىنشا بۇيىرعان ءارى وعان زاڭسىز قولعا كەلتىرگەن اقشاسىنىڭ بەس ەسەسى بويىنشا اكىمشىلىك جاقتان اقشالاي 14250 يۋان ايىپ سالعان.

كەلۋ قاينارى: حالىق تورابى