شينجياڭنىڭ التاي ايماعى 6 تيپتىك دەلو جونىندە حابارلاندىرۋ شىعاردى 

2024 – جىلدىڭ باسىنان بەرى، التاي ايماقتىق ينتەرنەت ينفورماتسياسى كەڭسەسى مەن التاي ايماقتىق قوعام حاۋىپسىزدىگى مەكەمەسى «جۇڭحۋا حالىق رەسپۋبليكاسىنىڭ ينتەرنەت حاۋىپسىزدىگى زاڭى»، «جۇڭحۋا حالىق رەسپۋبليكاسىنىڭ اماندىق باسقارۋعا ساياتىن جازالاۋ زاڭى»، «ينتەرنەتتەگى ينفورماتسيالاردىڭ مازمۇندىق ەكولوگياسىن جونگە سالۋ جونىندەگى بەلگىلەمە» قاتارلى زاڭ – تۇزىمدەرگە ساي، ينتەرنەتتەگى زاڭعا قايشى ءبىر توپ ارەكەتتەردى قاتاڭ تەكسەرىپ ءبىرجاقتى ەتكەن، ءىشىنارا تيپتىك دەلولار جونىندەگى حابارلاندىرۋ مازمۇنى مىناداي:

ءبىرىنشى دەلو: بۋىرشىن اۋدانىنداعى گۋ X ەسىمدى توراپتاس جانكۇيەر توپتاۋ، كورىلىم جيناۋ ءۇشىن دۇنيە جۇزىندەگى باسقا جەرلەردەگى قار كوشكىنىنىڭ كەسكىندەرىن جيناپ، التاي ايماعىندا قار كوشكىنى تۋىلدى دەگەن جالعان اقپاراتتى قۇراستىرعان. تەكسەرۋ ارقىلى قوعام حاۋىپسىزدىگى ورگاندارى «جۇڭحۋا حالىق رەسپۋبليكاسىنىڭ اماندىق باسقارۋعا ساياتىن جازالاۋ زاڭىنا» ساي، گۋ X كە اكىمشىلىك جاقتان اقشالاي 500 يۋان ايىپ سالعان.

ەكىنشى دەلو: بۋىرشىن اۋدانى مەن جەمەنەي اۋدانىنداعى توراپتاستار ۋاڭ X پەن فىڭ X ينتەرنەت تەكشەسى ارقىلى ”بۋىرشىن اۋدانىندا جىلدام پويەزدىڭ بەكەتى اشىلدى“، ”جەمەنەي اۋدانىندا جىلدام پويەزدىڭ بەكەتى اشىلدى“ دەگەن جالعان اقپاراتتى جاساعان ءارى تاراتقان. تەكسەرۋ ارقىلى قوعام حاۋىپسىزدىگى ورگاندارى «جۇڭحۋا حالىق رەسپۋبليكاسىنىڭ اماندىق قورعاۋعا ساياتىن جازالاۋ زاڭىنا» ساي، ۋاڭ X پەن فىڭ X كە سىن ايتىپ، ءتالىم – تاربيە بەرىپ، ولاردى قاتىستى مازمۇنداردى وشىرۋگە بۇيىرعان.

ءۇشىنشى دەلو: حىبەيلىك توراپتاس لي X كورىلىم جيناۋ، الارمان شاقىرۋ ءۇشىن، ينتەرنەت ارقىلى ”التاي ايماعى ءۇيدى زورلىقپەن شاقتى ءارى كوشىردى“ دەگەن جالعان اقپاراتتى جاساعان ءارى تاراتقان، توراپتاستاردىڭ قىزۋ تالقىلاۋىنا مۇرىندىق بولىپ، ناشار ىقپال تۋدىرعان. تەكسەرۋ ارقىلى قوعام حاۋىپسىزدىگى ورگاندارى «جۇڭحۋا حالىق رەسپۋبليكاسىنىڭ اماندىق قورعاۋعا ساياتىن جازالاۋ زاڭىنا» ساي، لي X تى اكىمشىلىك جاقتان 4 كۇن قاماۋعا العان.

ءتورتىنشى دەلو: التاي قالاسىنداعى توراپتاس قا X ينتەرنەت تەكشەسىندە ”جاپونيانى قيسىنسىز جاقتاعان“ كەرى، زياندى ءسوز جاريالاعان. تەكسەرۋ ارقىلى قوعام حاۋىپسىزدىگى ورگاندارى «جۇڭحۋا حالىق رەسپۋبليكاسىنىڭ اماندىق قورعاۋعا ساياتىن جازالاۋ زاڭىنا» ساي، قا X تى اكىمشىلىك جاقتان 14 كۇن قاماۋعا العان.

بەسىنشى دەلو: كوكتوعاي اۋدانىنداعى توراپتاس حۋ X ينتەرنەت ارقىلى ”ەمحانادا تەكسەرۋ جۇرگىزگەن كەزدە تەكسەرۋ قۇرالدارىن ديزەنفەكسيالامايدى“ دەگەن سياقتى جالعان سوزدەردى جاريالاعان. تەكسەرۋ ارقىلى قوعام حاۋىپسىزدىگى ورگاندارى «جۇڭحۋا حالىق رەسپۋبليكاسىنىڭ اماندىق قورعاۋعا ساياتىن جازالاۋ زاڭىنا» ساي، حۋ X كە اكىمشىلىك جاقتان اقشالاي 300 يۋان ايىپ سالعان.

التىنشى دەلو: شىڭگىل اۋدانىنداعى توراپتاس ۋ X ينتەرنەت تەكشەسىندە ”بۋىرشىن اۋدانىنىڭ تۇرعىنى وتباسىنداعىلارمەن اسحانادا تاماق ىشكەن سوڭ ازىقتىقتان ۋلانىپ قازا بولدى، تاعى ەكى وتباسىنداعى تۇرعىندار ازىقتىقتان ۋلانعاندىقتان ەمحاناعا جاتىپ ەمدەلدى“ دەگەن وسەك – اياڭدى جاريالاعان. تەكسەرۋ ارقىلى قوعام حاۋىپسىزدىگى ورگاندارى «جۇڭحۋا حالىق رەسپۋبليكاسىنىڭ اماندىق قورعاۋعا ساياتىن جازالاۋ زاڭىنا» ساي، ۋ X كە اكىمشىلىك جاقتان 200 يۋان اقشالاي ايىپ سالعان.

ينتەرنەت ينفورماتسياسى تاراۋلارى مەن قوعام حاۋىپسىزدىگى ورگاندارى مىنانى ەسكەرتەدى: ينتەرنەت كەڭىستىگى — زاڭنان سىرت ورىن ەمەس، بارشا توراپتاستار ينتەرنەتتى زاڭمەن جونگە سالۋ تانىمىن ورناتۋى، زاڭدى قۇرمەتتەۋدى، زاڭدى ۇيرەنۋدى، زاڭعا بويسۇنۋدى، زاڭدى قولدانۋدى ورىنداۋى، ينتەرنەتتەگى زاڭ – تۇزىمگە قايشى ينفورماتسيالارعا باتىل قارسى تۇرۋى كەرەك. سونىمەن بىرگە، بارشا توراپتاستاردىڭ ينتەرنەتتەگى زاڭ – تۇزىمگە قايشى ينفورماتسيالاردى بەلسەندىلىكپەن اشكەرەلەۋىن قارسى الامىز، بارىمىز بىرگە پاك ينتەرنەت كەڭىستىگىن قۇرايىق. (التاي ايماقتىق توعىسپالى مەديا ورتالىعى)

التاي ايماقتىق ينتەرنەت ينفورماتسياسى كەڭسەسى

التاي ايماقتىق قوعام حاۋىپسىزدىگى مەكەمەسى

2024 – جىلى 7 – ايدىڭ 9 – كۇنى