25 جىلدان كەيىن قايتادان ۇشاق قاتىنايتىن بولدى!

7 – ايدىڭ 12 – كۇنى، ءتىلشىنىڭ 2 ـ كەزەكتى ءۇرىمجى حالىقارالىق اۆياتسيا تورابى قۇرىلىسى تالقى مىنبەرىنەن ۇعىسۋىنشا، بەلورۋسسيا اۆياتسياسى 10 - ايدىڭ 27 - كۇنى مينسكى – ءۇرىمجى مەرزىمدى جولاۋشى تاسىمال اۋە لەنياسىن اشادى، سونىمەن 25 جىلدان كەيىن بەلورۋسسيا مەن جۇڭگو اۋە لەنياسىن قايتا قالپىنا كەلتىردى.

بەلورۋسسيا اۆياتسيا سەرىكتەستىگى بازار جانە حالىقارالىق ىستەردىڭ ورىنباسار باس جوراسى، باس ساۋدا ءمانساپتىسى ۋلاچيمير باركۇن ۋاكىلدەر ۇيىرمەسىن باستاپ 2 ـ كەزەكتى ءۇرىمجى حالىقارالىق اۆياتسيا تورابى قۇرىلىسى تالقى مىنبەرىنە قاتىناستى. ماجىلىسكە قاتىناسقان كەزدە بەلورۋسسيا اۆياتسيا سەرىكتەستىگىنىڭ ۋاكىلدەر ۇيىرمەسى جۇڭگو مەن بەلورۋسسيا اراسىنداعى تىكە ۇشاتىن جولاۋشى تاسىمال لەنياسىن اشۋ جونىندە شينجياڭنىڭ قاتىستى تاراۋلارىمەن اڭگىمەلەستى.

بەلورۋسسيا اۆياتسيا سەرىكتىگى 1996 - جىلى قۇرىلعان، باس شتابى بەلورۋسسيانىڭ استاناسى مينسكىگە ورنالاسقان، بەلورۋسسيانىڭ مەملەكەتتىك اۆياتسيا سەرىكتىگى.1997 - جىلى بەلورۋسسيا اۆياتسيا سەرىكتىگى حالىقارالىق اۋە تاسىمال قوعامىنا كىرىپ، كوپ جىلدان بەرى تاماشا حاۋىپسىزدىك رەكوردى مەن جوعارى ساپالى اينالىم دەڭگەيىن ساقتادى. قازىر بەلورۋسسيا اۆياتسيا سەرىكتەستىگىنىڭ اۋە جولى تورابى ورتا ازيا، رەسەي، كاۆكاز، ورتا شىعىس سياقتى وڭىرلەردى قامتيدى، شىعىس ەۆروپا وڭىرىندەگى الدىڭعى قاتارداعى اۆياتسيا جولاۋشى، جۇك تاسىمالداۋشىسى. حالىقارالىق اۆياتسيا بازارىنىڭ ونان ارى قالپىنا كەلۋىنە بايلانىستى، بەلورۋسسيا اۆياتسياسى جاڭا اۋە لەنياسىن اشۋ نازارىن جۇڭگوعا اۋدارىپ، مينسكى - ءۇرىمجى مەرزىمدى جولاۋشى تاسىمال لەنياسىن اشۋدى جوسپارلادى.

كەلۋ قاينارى: حالىق تورابى