اقالتەكە مەملەكەتتىك ۇلتتىق سپورت جارىسىندا بوي كورسەتتى

7 – ايدىڭ 8 – كۇنى، شينجياڭ بايىرعى ەكولوگيالىق باعى اقالتەكە بازاسىنىڭ 10 اقالتە جىلقىسى ۇزاق جولداردى باسىپ وتىرىپ، ۇرىمجىدەن ”تۇلپار مەكەنى“ شينجياڭ ىلە موڭعۇلكۇرە اۋدانىنا جەتىپ، از ۇلتتاردىڭ 12 - كەزەكتى مەملەكەتتىك ءداستۇرلى سپورت جارىسىنىڭ ات ءۇستى نىساندارىنىڭ تارماق جارىس الاڭىنان بوي كورسەتتى.

بۇل 10 اقالتەكە جارىسقا قاتىناسپايدى، نەگىزىنەن اشىلۋ سالتىندا ات ونەرىن كورسەتەدى. دەنە ءبىتىمى سۇلۋ تۇلپار شاباندوزداردىڭ مەڭگەرۋىندە ءتۇرلى ونەر كورسەتىپ، قالىڭ جۇرتتى وزىنە باۋرادى.

شينجياڭ كەرقۇلان مادەنيەتىن دامىتۋ شەكتى سەرىكتەستىگىنىڭ ورىنباسار باس ديرەكتورى چيۋ لياڭ بىلاي دەدى: وسى رەت جارىس الاڭىنا شىعارىلعان اقالتەكەلەردىڭ بارلىعى سارالانىپ تاڭدالعان، 7 ـ ايدىڭ 6 ـ كۇنى ”ارناۋلى اۆتوكولىكپەن“ موڭعۇلكۇرە اۋدانىنە جەتكىزىلدى، جانە شاباندوزدار، باقتاشىلار، مال شيپاگەرى قاتارلى ادامدار ۇيىرمەمەن بىرگە كەلدى.

ءۇرىمجى قالاسىنىڭ تۇرعىنى جاپار ءدىلمۇرات تىكە تاراتۋ ارقىلى ونەر كورسەتۋ مەن جارىستى تاماشالادى. ول بىلاي دەدى: از ۇلتتاردىڭ وسى كەزەكتى مەملەكەتتىك ءداستۇرلى سپورت جارىسىنىڭ ات ءۇستى تۇرلەرىنىڭ شينجياڭدا وتكىزىلگەنىن ماقتانىش سەزىنەمىن. ول ءوزى جىلقىنى وتە جاقسى كورەدى ەكەن، اقالتەكەنىڭ بوي كورسەتۋى وعان ءۇرىمجىنىڭ جىلقى مادەنيەتىنىڭ بارعان سايىن تانىمالى بولىپ بارا جاتقاندىعىن سەزىندىرگەن.

بيىل جىل باسىنان بەرى، ”ءۇرىمجى . ات ءۇستى ساياحاتى“ ەرەكشە مادەنيەت ـ ساياحات ماركاسى قيمىلىنىڭ جارىققا شىعۋىنا ىلەسە، اقالتەكە دە جۇرتقا بارعان سايىن تانىس بولىپ بارادى.

ۇعىسۋعا قاراعاندا، شينجياڭ بايىرعى ەكولوگيالىق باعى اقالتەكە بازاسى اسىل تۇقىم جەتىلدىرۋ، ساياحات، ءمىنىس سياقتىلار ءبىر تۇلعالانعان جىلقى مادەنيەتى كاسىپ سالاسى تىزبەگىن قالىپتاستىرىپ، ءار جىلى ءبىر ميلليونعا جۋىق ساياحاتشىنى باۋرادى.

كەلۋ قاينارى: حالىق تورابى