بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2024.07.15 15:39 كەلۋ قاينارى : حالىق تورابى
7 – ايدىڭ 14 – كۇنى، ءتىلشىنىڭ 7 ـ ايدىڭ 14 ـ كۇنى سانجى حۇيزۋ اۆتونوميالى وبلىسىنىڭ ساياحاتتى جوعارى ساپالى دامىتۋ جانە جانبۇلاق اۋەجايىندا قاتىناۋ كەلىسىمىنە قول قويۋ جينالىسىنان ۇعىسۋىنشا، سانجى وبلىسىنداعى تۇڭعىش حالىقتىق تاسىمال اۋەجايى جانبۇلاق اۋەجايى بيىل 8 ـ ايدىڭ 8 ـ كۇنى رەسمي ىسكە قوسىلىپ، تۇڭعىش توپتا 6 اۋە لەنياسى اشىلادى.
شينجياڭ اۋەجاي (توبى) شەكتى جاۋاپكەرشىلىك سەرىكتەستىگى پارتكومىنىڭ ورىنباسار شۋجيى، باس ديرەكتورى لۇي حۇيبين بىلاي دەپ تانىستىردى: جانبۇلاق اۋەجايى مەملەكەتتىڭ، اۆتونوميالى رايوننىڭ ”14 – بەسجىلدىق“ جوباسىنداعى ءتۇيىندى نىسان، 4C دارەجەلى ولشەم بويىنشا سالىنعان، شينجياڭداعى جولاۋشى قابىلداۋ ـ جونەلتۋ مولشەرى 500 مىڭ ادامنان تومەن تۇڭعىش تارماق جەلى اۋەجايى. جانبۇلاق اۋەجايىندا ۇشاق قاتىناعاننان كەيىن، تۇڭعىش توپتا ”فۋجوۋ ـ جىڭجوۋ ـ شونجى“، ”چىڭدۋ ـ لانجوۋ ـ شونجى“ سىندى شينجياڭ سىرتىنداعى 2 اۋە لەنياسىن، شونجىدان اقسۋ، كورلا، قاشقار، قۇلجا سىندى شينجياڭنىڭ ىشىندەگى 4 اۋە لەنياسىن اشادى.
جانبۇلاق اۋەجايى شونجى اۋدانىنىڭ شيبەيۋان قالاشىعىندا، شونجى اۋدان قالاشىعىنان 15.7 كيلومەتر قاشىقتىقتا. اۋەجايدىڭ يەلەگەن جەر اۋدانى 2568.9 مۋ، 2022 ـ جىلى 3 ـ ايدا قۇرىلىس باستاعان، 2023 ـ جىلى 12 ـ ايدا سالىنعان ءارى سالىنىپ بىتكەن قۇرىلىستى تەكسەرىپ وتكىزىپ الۋ قىزمەتى ءساتتى ورىندالعان، 2024 ـ جىلى 5 ـ ايدا كاسىپ سالاسىن تەكسەرىپ وتكىزىپ الۋ قىزمەتى ورىندالعان. قازىر اۋەجايدا 2 تىك بايلانىس سىرعىما جولى جانە C تۇردەگى 7 ۇشاق ورنى بار.
كەلۋ قاينارى: حالىق تورابى
