شينجياڭ ۇيعۇر اۆتونوميالى رايونىنىڭ 2024 ـ جىلعى قارا كۇشتەردى الاستاۋ، سۇرقيا كۇشتەردى جويۋ كۇرەسىنە باسشىلىق ەتۋ گرۋپپاسىنىڭ ءماجىلىسى اشىلدى

شينجياڭ گازەتىنىڭ 7 – ايدىڭ 15 – كۇنى ۇرىمجىدەن بەرگەن حابارى (ءتىلشى ۋاڭ نا). 7 ـ ايدىڭ 15 ـ كۇنى شينجياڭ ۇيعۇر اۆتونوميالى رايونىنىڭ 2024 ـ جىلعى قارا كۇشتەردى الاستاۋ، سۇرقيا كۇشتەردى جويۋ كۇرەسىنە باسشىلىق ەتۋ گرۋپپاسىنىڭ ءماجىلىسى ءۇرىمجى قالاسىندا اشىلدى، مەملەكەتتىك قارا كۇشتەردى الاستاۋ، سۇرقيا كۇشتەردى جويۋ كۇرەسىنە باسشىلىق ەتۋ گرۋپپاسى ءماجىلىسىنىڭ رۋحىن جەتكىزدى، دايەكتىلەندىردى، شينجياڭ ۇيعۇر اۆتونوميالى رايوندىق پارتكومىنىڭ ورنالاستىرۋلارىن، تالاپتارىن تياناقتاندىردى. كەلەر ساتىداعى ءتۇيىندى مىندەتتەر زەرتتەپ ورنالاستىرىلدى. شينجياڭ ۇيعۇر اۆتونوميالى رايوندىق پارتكومنىڭ تۇراقتى مۇشەسى، ساياسي ـ زاڭ كوميتەتىنىڭ شۋجيى چىن ميڭگو ماجىلىسكە قاتىناستى ءارى ءسوز سويلەدى.

ءماجىلىس مىنالاردى باسا دارىپتەدى: قارا كۇشتەردى الاستاۋ، سۇرقيا كۇشتەردى جويۋ كۇرەسىن ۇدايىلاندىرىپ ورىستەتۋ شي جينپيڭ جولداستى ۇيىتقى ەتكەن پارتيا ورتالىق كوميتەتى جاساعان كەلەلى شەشىم، ورنالاستىرۋ، ءار دارەجەلى، ءارقايسى ورىندار يدەيالىق تانىمدى تەرەڭدەتىپ، جاۋاپكەرشىلىك سەزىم مەن كوكەي كەستىلىك سەزىمدى شىنايى كۇشەيتىپ، وسكەلەڭ ساياسي سانالىلىقپەن قارا كۇشتەردى الاستاۋ، سۇرقيا كۇشتەردى جويۋ كۇرەسى قىزمەتىن مىقتى، ناقتى، ويداعىداي يگەرۋ كەرەك. زاڭمەن جونگە سالۋ وي جەلىسىن بەرىك ورناتىپ، قارا، سۇرقيا كۇشتەردىڭ زاڭعا قايشى قىلمىستىق ارەكەتتەرىنە زاڭ بويىنشا قاتاڭ سوققى بەرۋدىڭ تەگەۋرىندى كۇيىن ساقتاپ، دەلو دەرەكتەرىن تەكسەرىپ ءبىر جاقتى ەتۋدى قاداعالاپ، ءتۇيىندى دەلولاردىڭ اتقارىلۋىن باقىلاۋدى كۇشەيتىپ، زاڭ بويىنشا دەلو ءبىتىرۋدىڭ ساپاسىن، ونىمدىلىگىن جوعارىلاتىپ، ”باسقالقاعا سوققى بەرۋ، توردى تالقانداۋدى“ ىشكەرىلەي ىلگەرىلەتۋ كەرەك.

ءماجىلىس مىنالاردى تالاپ ەتتى: تۋ باستان جونگە سالۋعا تاباندى بولىپ، ءتۇيىندى سالالارداعى قارا، سۇرقيا كۇشتەرگە ساياتىن ماسەلەلەردەن ساقتانۋدى، جونگە سالۋدى تەرەڭدەتۋ كەرەك. ينتەرنەتكە ساياتىن جاڭاشا قارا، سۇرقيا كۇشتەر قىلمىسى ماسەلەسىن، ازامات جاسىنا تولماعانداردىڭ قارا، سۇرقيا كۇشتەرگە ساياتىن ماسەلەلەرىن، اۋىل ـ قىستاقتارداعى اۋلەتتىك قارا، سۇرقيا كۇشتەر ماسەلەسىن، ءتۇيىندى سالالارداعى قارا، سۇرقيا كۇشتەر ماسەلەسىنەن ساقتانۋدى، جونگە سالۋدى ويداعىداي يگەرۋ كەرەك. نازاردى جاۋاپكەرشىلىكتى تياناقتاندىرۋعا شوعىرلاندىرىپ، ۇيىمداسقان قىلمىسقا قارسى تۇرۋدىڭ جاۋاپكەرشىلىك جۇيەسىن ورناتۋ جانە كەمەلدەندىرۋ كەرەك. جەرگىلىكتى ورىننىڭ باسشىلىق جاۋاپكەرشىلىگىن شىنايى يگەرىپ، دەلو ءبىتىرۋدىڭ تۇلعالىق جاۋاپكەرشىلىگىن ويداعىداي يگەرىپ، كاسىپ سالاسىن باقىلاۋ ـ باسقارۋ جاۋاپكەرشىلىگىن ناقتىلاندىرىپ، قىزمەتىن اتقارماعانداردى، جاۋاپكەرسىزدىك ىستەگەندەردى تەكسەرۋدى كۇشەيتۋ كەرەك. قۋزاۋ ـ جەتەكشىلىك ەتۋدى، ونىمدىلىگىن قۋزاستىرۋدى كۇشەيتىپ، قىزمەت زاڭدىلىعىن يگەرىپ، تاجىريبە، ءادىس ـ امال قاراستىرۋ كەرەك. ۇگىت ـ تاربيەنى ويداعىداي يگەرىپ، قارا كۇشتەردى الاستاۋ، سۇرقيا كۇشتەردى جويۋ كۇرەسىن ۇدايىلاندىرۋدىڭ تاماشا رايىن قالىپتاستىرىپ، قارا، سۇرقيا كۇشتەرمەن سوڭىنا دەيىن تاباندىلىقپەن كۇرەس جۇرگىزىپ، ورنىقتى، جاراسىمدى قوعامدىق ورتا جاراتىپ، شينجياڭنىڭ ساياسي ـ زاڭ قىزمەتىنىڭ وسىزاماندانۋىنا اقىل ـ پاراسات جانە كۇش ـ قۋات قوسۋ كەرەك.

كەلۋ قاينارى: حالىق تورابى