شيزاڭ اۆتونوميالى رايوندىق ساياسي كەڭەستىڭ بۇرىنعى ورىنباسار ءتوراعاسى جياڭ جيەنىڭ پارا الۋ دەلوسىنا ءبىرىنشى سوت اشىلدى

2024 – جىلى 7 – ايدىڭ 17 – كۇنى، تيانجين قالالىق 1 - ورتا دارەجەلى حالىق سوت مەكەمەسى شيزاڭ اۆتونوميالى رايوندىق ساياسي كەڭەس پارتگرۋپپاسىنىڭ بۇرىنعى مۇشەسى، ورىنباسار ءتوراعاسى جياڭ جيەنىڭ پارا الۋ دەلوسىن ءبىرىنشى سوتتا اشىق قارادى.

تيانجين قالالىق حالىق پروكۋراتۋراسىنىڭ 1 – بولىمشە پروكۋراتۋراسى بىلاي دەپ ايىپتادى: 2000 – جىلدان 2023 – جىلعا دەيىن ايىپكەر جياڭ جيە شاندۇڭ ولكەسى چيڭداۋ قالاسى حۋاڭداۋ رايوندىق پارتكومنىڭ ورىنباسار شۋجيى، رايون باستىعى، حۋاڭداۋ رايوندىق پارتكومنىڭ شۋجيى قوسىمشا چيڭداۋ ەكونوميكالىق - تەحنيكالىق اشۋ رايونى پارتيا قىزمەتى كوميتەتىنىڭ شۋجيى، باسقارۋ كوميتەتىنىڭ مەڭگەرۋشىسى، شاندۇڭ ولكەسى دۇڭيىڭ قالالىق پارتكومنىڭ ورىنباسار شۋجيى، قالا باستىعى، دۇڭيىڭ قالالىق پارتكومنىڭ شۋجيى، شيزاڭ اۆتونوميالى رايوندىق ۇكىمەت پارتگرۋپپاسىنىڭ مۇشەسى، ورىنباسار ءتوراعاسى قوسىمشا قاتىناس - تاسىمال مەڭگەرمەسىنىڭ مەڭگەرمە باستىعى، شيزاڭ اۆتونوميالى رايوندىق پارتكومنىڭ تۇراقتى مۇشەسى، ۇنەمىلىك ىستەرگە جاۋاپتى ورىنباسار ءتوراعاسى قاتارلى قىزمەتتەردى وتەگەن كەزىندە قىزمەت قولايلىلىعىنان پايدالانىپ، قاتىستى ورىندار مەن جەكەلەرگە اكىمشىلىك تەكسەرىپ بەكىتۋ، قۇرىلىستى كوتەرەگە الۋ، جەردى وتكەرمەلەۋ جانە مىندەت دارەجەسىن جوعارىلاتۋ قاتارلى ىستەردە كومەك كورسەتىپ، زاڭسىز قابىلداعان مال - مۇلىك جالپى سوماسى حالىق اقشاسىنا سىندىرعاندا 225 ميلليون يۋاننان اسقان. پروكۋراتۋرا ورگانى پارا الۋ قىلمىسى بويىنشا جياڭ جيەنىڭ قىلمىستىق ىستەر جاۋاپكەرشىلىگىن قۋزاستىرۋدى ۇسىنىس ەتتى.

سوتتا پروكۋراتۋرا ورگاندارى قاتىستى دالەل - سىپاتتاردى كورسەتتى، ايىپكەر جياڭ جيە جانە ونىڭ اقتاۋشىسى فاكت كورسەتتى، شاعىم ايتۋشى مەن اقتاۋشى جاق سوتتىڭ باسقارۋىندا تولىق پىكىر ايتتى، جياڭ جيە سوڭعى ٴسوزىن سويلەدى ءارى سوت ۇستىندە قىلمىسىن تانىپ، وكىنەتىندىگىن ءبىلدىردى.

ەڭ سوڭىندا سوتتىڭ ءوزىلىس جاساعاندىعىن، سوت ۇكىمىن ارتىنان جاريالايتىندىعىن ايتتى.

حالىق قۇرىلتايى ۋاكىلدەرىنەن، ساياسي كەڭەس مۇشەلەرىنەن، اقپارات تىلشىلەرىنەن جانە ءار سالاداعى بۇقارادان 20 نەشە ادام سوت تەرگەۋىن سىرتتاي تىڭدادى.

كەلۋ قاينارى: حالىق تورابى