شينجياڭدا جايىلىمداعى زالالدى جاندىكتەردەن جان – جاقتى ساقتانۋ – تەجەۋ سىناق رايونىنىڭ قۇرىلىسى باستالدى 

شينجياڭ گازەتىنىڭ 7 – ايدىڭ 17 – كۇنى ۇرىمجىدەن بەرگەن حابارى. انار بۇلت \ شينجياڭ گازەتىنىڭ ءتىلشىسى ساۋ حۋانىڭ شينجياڭ ۇيعۇر اۆتونوميالى رايوندىق ورمان شارۋاشىلىعى جانە جايىلىم مەكەمەسىنەن ۇعىسۋىنشا، جۋىردا شينجياڭ جايىلىمداعى زالالدى جاندىكتەردەن جان – جاقتى ساقتانۋ – تەجەۋ سىناق رايونىنىڭ قۇرىلىسىن ەلىمىز بويىنشا ەڭ الدىمەن باستاپ، شينجياڭداعى جايىلىمدارداعى زالالدى جاندىكتەردى جونگە سالۋدا جاڭا باستاماعا قادام تاستاعان.

ۇعىسۋعا قاراعاندا، شينجياڭداعى جايىلىمنىڭ جەر اۋدانى 780 ميلليون مۋ بولىپ، ەلىمىز بويىنشا ءۇشىنشى ورىندا تۇرادى. جايىلىمداعى زالالدى جاندىكتەردەن ساقتانۋ – تىزگىندەۋ جاعىندا جاڭا جول، جاڭا فورما جونىندە ىزدەنىس جاساۋ ءۇشىن، بيىل 5 – ايدان باستاپ، مەملەكەتتىك ورمان شارۋاشىلىعى جانە جايىلىم مەكەمەسى جايىلىمداعى زالالدى جاندىكتەردەن جان - جاقتى ساقتانۋ – تىزگىندەۋ سىناق رايونى قۇرىلىسىنىڭ قىزمەتىن باستاعان. ەلىمىز بويىنشا الدىڭعى مەرزىمدە 20 جەردە جايىلىمداعى زالالدى جاندىكتەردەن جان – جاقتى ساقتانۋ – تىزگىندەۋ سىناق رايونىن قۇرۋدى جوسپارلاعان، شينجياڭنان العاشقى توپتا 2 ورىن سىناق رايونى قاتارىنا تاڭدالعان، ولار جەكە – جەكە، تارباعاتاي ايماعى مەن قۇمىل قالاسى.

كەلۋ قاينارى: حالىق تورابى