جۇڭگو جاق باتىل تۇردە ۋاقىتشا توقتاتتى! جاۋاپكەرشىلىك بۇكىلدەي ا ق ش جاقتا 

7 – ايدىڭ 17 – كۇنى، سىرتقى ىستەر مينيسترلىگىنىڭ مالىمدەمەشىسى لين جيان كەزەكتى تىلشىلەردى قابىلداۋ ءماجلىسىن باسقاردى.

ءبىر ءتىلشى بىلاي دەپ سۇرادى: 2023 – جىلى 11 – ايدا، جۇڭگو مەن ا ق ش ۋاشينگتوندا اسكەري دايىندىقتى تەجەۋ مەن جويعىش قارۋلاردى كوبەيتپەۋ تۋرالى كەڭەس وتكىزگەن. ءبىر مەزگىلدەن بەرى، ا ق ش – نىڭ ءىشىنارا جوعارى دارەجەلى ءمانساپتىلارى ءتۇرلى ورىنداردا جۇڭگونى ”ا ق ش مەن جاڭا كەزەكتى كەڭەس وتكىزۋدەن باس تارتتى، ا ق ش جاقتىڭ قاتىستى ۇسىنىستارى جونىندە دە ناقتى جاۋاپ قايتارمادى“ دەپ جازعىرعان. جۇڭگو جاق بۇل جونىندە قانداي پىكىر بىلدىرەدى؟

لين جيان: ءبىر مەزگىلدەن بەرى، ا ق ش جاق جۇڭگو جاقتىڭ قاتاڭ قارسىلىق ءبىلدىرۋى مەن قايتا – قايتا سويلەسۋىن كاپەرىنە الماي، تايۋانعا اسكەري قارۋ – جاراق ساتۋدى جالعاستىرىپ، جۇڭگو جاقتىڭ وزەكتى مۇددەسىنە زيان جەتكىزەتىن، ەكى جاقتىڭ ءوزارا سەنىمدىلىگىن بۇلدىرەتىن ءبىرقىدىرۋ كەرەناۋ ارەكەتتەردى ىستەپ، ەكى جاقتىڭ اسكەري دايىندىقتى تەجەۋ جاعىندا كەڭەس وتكىزۋىنىڭ ساياسي اۋقىمىن اۋىر دارەجەدە ءبۇلدىردى. وسىعان بايلانىستى، جۇڭگو جاق ا ق ش جاقپەن اسكەري دايىندىقتى تەجەۋ مەن جويعىش قارۋلاردى كوبەيتپەۋ جاعىنداعى جاڭا كەزەكتى كەڭەستى ۋاقىتشا توقتاتۋدى ۇيعاردى، مۇنداي جاعدايدىڭ تۋىلۋىنىڭ جاۋاپكەرشىلىگى بۇكىلدەي ا ق ش جاقتا.

جۇڭگو جاق ءوزارا قۇرمەتتەۋ، بەيبىت قاتار تۇرۋ، سەلبەسە وتىرىپ يگىلىككە كەنەلەۋ نەگىزىندە، ا ق ش جاقپەن حالىقارالىق اسكەري دايىندىقتى تەجەۋ ماسەلەسى بويىنشا پىكىرلەسىپ وتىرۋدى قالايدى، الايدا، ا ق ش جاق، ءسوزسىز، جۇڭگونىڭ وزەكتى مۇددەسىنە قۇرمەت ەتۋى، ەكى جاقتىڭ ءوزارا پىكىرلەسۋىنە قاجەتتى شارت ازىرلەۋى كەرەك.

كەلۋ قاينارى: حالىق تورابى