شينجياڭدا ەلەكترلى ۆەلوسيپەت حاۋىپسىزدىگى جاعىنداعى كومەسكى قاتەرلەردى بۇكىل تىزبەك بويىنشا جونگە سالۋ ارەكەتى باستالدى 

انار بۇلت \ شينجياڭ گازەتىنىڭ ءتىلشىسى سو رۇڭجى حابارلايدى. 7 – ايدىڭ 16 – كۇنى، شينجياڭ ۇيعۇر اۆتونوميالى رايوندىق بازاردى باقىلاۋ – باسقارۋ باس مەكەمەسى اۆتونوميالى رايوندىق قوعام حاۋىپسىزدىگى مەڭگەرمەسى، ساۋدا مەڭگەرمەسى، قاتىناس – تاسىمال مەڭگەرمەسى، پوچتانى باسقارۋ مەڭگەرمەسى قاتارلى تاراۋلارمەن بىرگە، ەلەكترلى ۆەلوسيپەت حاۋىپسىزدىگى جاعىنداعى حاۋىپ – قاتەردى بۇكىل تىزبەك بويىنشا جونگە سالۋ ارەكەتىن بىرگە ىلگەرىلەتىپ، ەلەكترلى ۆەلوسيپەت حاۋىپسىزدىگىنە قويىلاتىن تالاپتى ارتتىرۋدى ايقىن تالاپ ەتتى.

بيىل 5 – ايدىڭ سوڭىنان باستاپ جىل سوڭىنا دەيىن، اۆتونوميالى رايوندىق بازاردى باقىلاۋ – باسقارۋ باس مەكەمەسى كوپتەگەن تاراۋلارمەن بىرگە بۇكىل شينجياڭ كولەمىندە ەلەكترلى ۆەلوسيپەتتى ءوندىرۋ، ساۋدالاۋ، كۇتىمدەۋ – جوندەۋ، توقتاتا تۇرۋ، زاريادتاۋ قاتارلى ءتۇرلى باسقىشتاردى قامتىعان بۇكىل تىزبەك بويىنشا جونگە سالۋ ارەكەتىن ورىستەتىپ، حاۋىپسىزدىك جاعىنداعى حاۋىپ – قاتەرلەردى الاستاپ، جۇرتشىلىقتىڭ ءومىرىنىڭ حاۋىپسىزدىگى مەن قوعامنىڭ ورنىقتىلىعىن قورعايدى.

ساندى مالىمەتكە قاراعاندا، قازىرگە دەيىن، بۇكىل شينجياڭداعى ەلەكترلى ۆەلوسيپەتتىڭ سانى 5 ميلليونعا جۋىقتايدى. بۇكىل شينجياڭدا ەلەكترلى ۆەلوسيپەت وندىرەتىن ءبىر كاسىپورىن، ەلەكترلى ۆەلوسيپەتتى ساۋدالايتىن 2268 كاسىپورىن بار. قازىرگى تاڭدا، ەلەكترلى ۆەلوسيپەت پەن اككۋمۋلياتور قاتارلى قاتىستى ونىمدەر ءار كۇنى ءتۇرلى ەلەكتروندىق ساۋدا تەكشەلەرىندە ساتىلادى، تۇتىنۋشىلاردى، جەتكىزۋشىلەر مەن ساۋدا دۇكەندەرىن بايلانىستىراتىن ءتۇيىن رەتىندە، ءارقايسى تەكشەلىك كاسىپورىندار ەلەكترلى ۆەلوسيپەت حاۋىپسىزدىگى جاعىنداعى حاۋىپ – قاتەردى بۇكىل تىزبەك بويىنشا جونگە سالۋ بارىسىندا ماڭىزدى رول اتقارادى.

كەلۋ قاينارى: حالىق تورابى