شينجياڭدا تۋما جۇرەك اۋرۋىنا شالدىققان 40 نەشە بالا تەگىن ەمدەلدى 

انار بۇلت \ شينجياڭ گازەتىنىڭ ءتىلشىسى يان شياۋتيان حابارلايدى. 7 – ايدىڭ 16 – كۇنى ساعات 17 دە، اۆتونوميالى رايوندىق حالىق ەمحاناسىندا 8 جاستاعى ناۋقاس بالا تولانبەك مۋساعا وپەراتسيا جاساۋدىڭ الدىندا تەكسەرۋ جۇرگىزىلدى، ونىڭ ءتۇرلى دەنساۋلىق كورسەتكىشتەرى ەڭ جاقسى كۇيگە جەتكەن سوڭ، تۋما جۇرەك اۋرۋىنا وپەراتسيا جاساۋدى قابىلدايدى. اتالعان ەمحانانىڭ جۇرەك جانە جالپى قان تامىرلارى مەديتسينالىق ەمدەۋ ورتالىعىنىڭ ورىنباسار مەڭگەرۋشى شيپاگەرى گۇزەل مەن ونىڭ ۇيىمى دايىندىق قىزمەتتەرىن ورىنداپ بولعان.

تولانبەك قىزىلسۋ قىرعىز اۆتونوميالى وبلىسىنىڭ اقشي اۋدانىنان كەلگەن، باقىتقا قارسى تۋما جۇرەك اۋرۋىنا شالدىققان. 2 – ايدىڭ سوڭىندا، اۋداندىق ەمحانا وعان ۇرىمجىگە بارىپ ەمدەلەتىنىن، وپەراتسيا تەگىن جاسالاتىنىن ۇقتىرعان، بۇل ولاردىڭ وتباسىنىڭ قيىنشىلىعىن بارىنشا جەڭىلدەتكەن. بۇل وراي اۆتونوميالى رايوندىق پارتكومنىڭ بىرلىكساپ ءبولىمى باستاعان ”مەيىرىممەن قورعاۋ — گۋاڭساي . حالىق تۇرمىسى بانكەسىنىڭ تۋما جۇرەك اۋرۋى بارلاردى ەمدەۋ نىسانى“ بويىنشا ىسكە اسىرىلعان.

تانىستىرۋعا قاراعاندا، بۇل نىسانعا شينجياڭ گۋاڭساي قور قوعامى باستاماشىلدىق ەتكەن، اۆتونوميالى پارتكومنىڭ بىرلىكساپ ءبولىمى ۇيىمداستىرعان، بۇكىل شينجياڭداعى بالالارداعى تۋما جۇرەك اۋرۋىن ەمدەيتىن ماماندار شوعىرلاندىرىلعان، وسى اۋرۋعا شالدىققان بالالاردى تەگىن ەمدەيدى، نىساننىڭ جالپى قاراجات سوماسى 2 ميلليون 400 مىڭ يۋان. قازىر 2024 – جىلعى ەمدەۋ قىزمەتى ءساتتى ورىستەتىلۋدە، تولانبەكتى قامتىعان 40 نەشە بالا ىلگەرىندى – كەيىندى اۆتونوميالى رايوندىق حالىق ەمحاناسى مەن شينجياڭ مەديتسينا داشۋەسىنىڭ قاراماعىنداعى 1 – ەمحانادا ەمدەلەدى.

كەلۋ قاينارى: حالىق تورابى