شامسيا الەۋمەتتىك يگىلىك قورىنىڭ ستۋدەنتتەرگە قارجىلاي كومەك بەرۋ جوسپارى باستالدى 

قيىنشىلىعى بار وتباسىلاردىڭ ەكونوميكالىق جاقتاعى اۋىرتپالىعىن جەڭىلدەتۋگە كومەكتەسۋ ءۇشىن، 7 – ايدىڭ 18 – كۇنى شينجياڭ قىزىلتاس مەيىر – شاپاعات قورى شامسيا الەۋمەتتىك يگىلىك قورىنىڭ ستۋدەنتتەرگە قارجىلاي كومەكتەسۋ جوسپارى باستالدى. سول كۇننەن باستاپ، 8 – ايدىڭ 5 – كۇنىنە دەيىن، قارجىلاي كومەك بەرۋ شارتىنا تولاتىن شينجياڭدىق ستۋدەنتتەردىڭ بارلىعىنىڭ قارجىلاي كومەككە يە بولۋعا ءوتىنىش بەرۋىنە بولادى.

وسى رەتكى قارجىلاي كومەك بەرۋگە قويىلاتىن شارت: شينجياڭ كولەمىندە 2024 – جىلى جوعارى مەكتەپ ەمتيحانىنا قاتىناسقان، بيىل ورتا مەكتەپتەن وقۋ بىتىرگەن، جوعارى مەكتەپ ەمتيحانىنىڭ ناتيجەسى ءبىرىنشى قاراردىڭ، ەكىنشى قاراردىڭ ءنومىر شەگىنەن اسقان، وتباسىندا قيىنشىلىعى بار وقۋشىلار؛ بيىل ورتا مەكتەپتەن وقۋ بىتىرگەن مۇگەدەك وقۋشىلار، مۇندا تولىق كۋرس نەمەسە ارناۋلى كۋرس مەكتەپتەرىنە قابىلدانعان مۇگەدەك وقۋشىلار قامتىلادى. قارجىلاي كومەك بەرۋ جوسپارى بويىنشا 30 وقۋشىعا كومەك بەرۋ جوسپارلانعان، ءاربىر وقۋشىعا ۇيرەنۋ جانە تۇرمىس قاراجاتى رەتىندە 3000 يۋان قارجىلاي كومەك بەرىلەدى، سونىمەن بىرگە، قاجەتتى تۇرمىستىق بۇيىمدار بەرىلەدى.

بۇكىل شينجياڭنىڭ جەر – جەرىندەگى قارجىلاي كومەك بەرۋ شارتىنا تولاتىن وقۋشىلاردىڭ بارلىعىنىڭ ينتەرنەت ارقىلى تىزىمدەلۋ تور بەتىنە كىرىپ، ءوتىنىش تاپسىرۋىنا بولادى. تىزىمدەلۋ ماتەريالدارى جوعارى مەكتەپ ەمتيحانىنىڭ ناتيجەسى، وتباسىنىڭ قيىنشىلىق جاعدايى جونىندەگى تۇسىندىرمە، مۇگەدەكتىك ىسپاتى قاتارلىلاردى قامتيدى. شينجياڭ قىزىلتاس مەيىر - شاپاعات قور قوعامى كاسىپتىك ۇيىم قۇرىپ، ءوتىنىش بەرۋشىلەردىڭ تولىمدىلىعىن تەكسەرەدى. ەڭ سوڭىندا تۇراقتاندىرىلعان قارجىلاي كومەككە يە بولاتىنداردىڭ تىزىمدىگى اتالعان قوردىڭ تور بەتىندە اشىق جاريالانىپ، قوعامداعىلاردىڭ باقىلاۋىن قابىلدايدى. ناقتى جاعدايدى ۇعىسپاقشى بولعان اتا – انالار مەن وقۋشىلاردىڭ شينجياڭ قىزىلتاس قايىر – ساحابات قور قوعامىنا تەلەفون جالعاۋىنا بولادى، تەلەفون ءنومىرى: 8860072 – 0991.

كەلۋ قاينارى: حالىق تورابى