مەملەكەتتىك گۇلدەندىرۋ بانكەسىنىڭ بۇرىنعى ورىنباسار بانكە باستىعى ۋاڭ يۇڭشىڭنىڭ پارا الۋ دەلوسىنا ءبىرىنشى سوت اشىلدى

2024 – جىلى 7 – ايدىڭ 18 – كۇنى، جيلين ولكەسى جيلين قالالىق ورتا دارەجەلى حالىق سوت مەكەمەسى مەملەكەتتىك گۇلدەندىرۋ بانكەسى پارتكومىنىڭ بۇرىنعى مۇشەسى، ورىنباسار بانكە باستىعى ۋاڭ يۇڭشىڭنىڭ پارا الۋ دەلوسىن ءبىرىنشى سوتتا اشىق قارادى.

جيلين قالالىق حالىق پروكۋراتۋراسى ارىز - شاعىم بەرىپ بىلاي دەپ ايىپتادى: 2010 - جىلدان 2019 - جىلعا دەيىن ايىپكەر ۋاڭ يۇڭشىڭ مەملەكەتتىك گۇلدەندىرۋ بانكەسى لياۋنيڭ ولكەلىك بولىمشە بانكەسى پارتكومىنىڭ شۋجيى، بانكە باستىعى، مەملەكەتتىك گۇلدەندىرۋ بانكەسى پارتكومىنىڭ مۇشەسى، ورىنباسار بانكە باستىعى قاتارلى قىزمەتتەردى وتەگەن كەزىندە قىزمەت قولايلىلىعىنان، سونداي - اق قىزمەت ۇقىعى نەمەسە ورنى قالىپتاستىرعان قولايلى شارت - جاعدايدان پايدالانىپ، قاتىستى ورىندار مەن جەكەلەردىڭ قارىز اقشا ارقىلى قارجى قۇراۋ، زايوم ساتىپ الۋ، كادرلاردى ورنالاستىرۋ قاتارلى ىستەرىنە كومەك كورسەتكەن، جوعارىدا ايتىلعان ورىندار مەن جەكەلەردىڭ بەرگەن 23 ميلليون 510 مىڭ يۋاننان استام زاڭسىز مال – مۇلكىن قابىلداعان. پروكۋراتۋرا ورگانى پارا الۋ قىلمىسى بويىنشا ۋاڭ يۇڭشىڭنىڭ قىلمىستىق ىستەر جاۋاپكەرشىلىگىن قۋزاستىرۋدى ۇسىنىس ەتتى.

سوتتا، پروكۋراتۋرا ورگانى قاتىستى دالەل - سىپاتتاردى كورسەتتى، ايىپكەر ۋاڭ يۇڭشىڭ مەن ونىڭ اقتاۋشىسى دالەل - سىپات كورسەتتى، شاعىم ايتۋشى مەن اقتاۋشى ەكى جاق سوتتىڭ باسقارۋىندا تولىق پىكىر ايتتى، ۋاڭ يۇڭشىڭ سوڭعى ءسوزىن سويلەپ، سوت ۇستىندە قىلمىسىن تانىپ، وكىنەتىندىگىن ءبىلدىردى.

سوڭىندا سوت سوتتىڭ ءۇزىلىس جاساعانىن، ۇكىمدى كەيىن شىعاراتىندىعىن جاريالادى.

ۋاڭ يۇڭشىڭنىڭ تۋىس - تۋعاندارىنان، حالىق قۇرىلتايى ۋاكىلدەرىنەن، ساياسي كەڭەس مۇشەلەرىنەن جانە ءار سالا بۇقاراسىنان 30 نەشە ادام سوت تەرگەۋىن سىرتتاي تىڭدادى.

كەلۋ قاينارى: حالىق تورابى