جەمەنەي شەكارا وتكەلىندە ءبىر جىلدا 72 مىڭ ادام ـ رەت كەدەننەن ءوتتى

شينجياڭ گازەتىنىڭ حابارى (ءتىلشسى چىن چياڭۋەي). ءتىلشىنىڭ جەمەنەي كەدەنىنەن ۇعىسۋىنشا، 2023 - جىلى 7 - ايدىڭ 17 - كۇنى جەمەنەي شەكارا وتكەلىندەگى ساياحاتشىلاردى تەكسەرۋ ارناسى كەدەننەن ءوتۋ جۇمىسىن قالپىنا كەلتىرگەن. بيىل 7 ـ ايدىڭ 17 ـ كۇنىنە دەيىن ءبىر جىل ىشىندە جەمەنەي كەدەنىندەگى شەكارادان كىرىپ ـ شىققان جولاۋشى سانى 72 مىڭ ادام ـ رەتتەن استى.

جەمەنەي وتكەلى التاي ايماعىنىڭ جەمەنەي اۋدانىنا ورنالاسقان، جۇڭگو مەن قازاقستاندى تۇتاستىراتىن تاس جول وتكەلى. 2023 ـ جىلى 11 ـ ايدىڭ 10 ـ كۇنى، جۇڭگو مەن قازاقستاننىڭ ءوزارا ۆيزاسىز قاتىناۋ ساياساتى رەسمي كۇشكە يە بولىپ، جەمەنەي شەكارا وتكەلى ءتىپتى دە كوپ حالىقارالىق جولاۋشىلاردى قارسى الدى.

جۇڭگو مەن قازاقستاننىڭ ءوزارا ۆيزاسىز قاتىناۋ ساياساتىنىڭ اتقارىلۋىنا ىلەسىپ، 2024 ـ جىلى جۇڭگونىڭ ”قازاقستان ساياحات جىلى“ باستالدى، جۇڭگو مەن قازاقستاننىڭ ساۋدا، ساياحات ىستەرى قىزۋ ورلەۋگە كوتەرىلدى. اناعۇرلىم كوپ جۇڭگو ـ قازاقستان ساياحاتشىلارى ءوز كولىگىمەن ساياحاتتاۋ سياقتى تاسىلدەر ارقىلى جەمەنەي شەكارا وتكەلىنەن شەكارادان كىرىپ ـ شىعىپ، شەكارا وتكەلى بارعان سايىن دۋمانعا بولەندى.

ۆيزا تالاپ ەتپەۋ ساياساتى اتقارىلعاننان كەيىن، شەكارا وتكەلىندەگى جولاۋشىلاردىڭ ارتۋىنا جوعارى ٴونىمدى توتەپ بەرۋ ءۇشىن، جەمەنەي كەدەنى ءتىل جاعىنداعى باسىمدىققا يە كەدەن قىزمەتكەرلەرى، كومەكشى قىزمەتكەرلەر سياقتىلاردى تاڭداپ، كەدەننەن وتۋگە قىزمەت وتەۋدى قامتاماسىز ەتىپ، جولاۋشىلاردىڭ قاجەتىن دەر كەزىندە ۇعىسىپ، قىزمەت وتەۋدىڭ دالدىگىن ۇزدىكسىز جوعارىلاتىپ، جولاۋشىلاردى تەكسەرۋ بارىسىندا ءجۇرىپ - تۇرۋى قولايسىز بولۋ، دەمىكپەسى تۇتقيىل ۇستاۋ سياقتى ەرەكشە جاعدايى بار 26 جولاۋشىعا كومەكتەستى.

جەمەنەي كەدەنىنىڭ ورىنباسار باستىعى حۋاڭ چىڭ بىلاي دەدى: جۇڭگو ـ قازاقستان ەكى ەلدىڭ سەلبەستىگىنىڭ تەرەڭدەۋىنە بايلانىستى جەمەنەي شەكارا وتكەلىندە ادام اينالىمى، زات اينالىمى ورنىقتى ارتۋ جاعدايى جارىققا شىقتى. كەدەن نازاردى شەكارا وتكەلىندە بۇرىلىس جاساۋعا شوعىرلاندىرىپ، باقىلاۋ ـ باسقارۋدى ۇزدىكسىز ساپالىلاندىرىپ، قىزمەت وتەۋدە جاڭالىق اشىپ، مەملەكەت قاقپاسىنىڭ حاۋىپسىزدىگىنە كەپىلدىك ەتۋ العى شارتىندا، شەكارا وتكەلىنىڭ قولايلىلانۋىن اناعۇرلىم ىلگەرىلەتەدى.

كەلۋ قاينارى: حالىق تورابى