قوعام حاۋىپسىزدىگى مينيسترلىگى زاڭعا قايشى وزگەرتىپ قۇراستىرعان ەلەكترلى ۆەلوسيپەتتى شەكتەن تىس تەز جۇرگىزۋگە قاتىستى 5 تيپتىك دەلونى جاريالادى 

قوعام حاۋىپسىزدىگى مينيسترلىگى 7 – ايدىڭ 24 – كۇنى جيلين ولكەسىنىڭ بايچىڭ قالاسىنداعى، لياۋنيڭ ولكەسىنىڭ شىنياڭ قالاسىنداعى، شاڭحاي قالاسىنىڭ پۋدۇڭ رايونىنداعى، جىجياڭ ولكەسىنىڭ جينحۋا قالاسىنداعى، گۋاڭدۇڭ ولكەسىنىڭ دۇڭگۋان قالاسىنداعى قوعام حاۋىپسىزدىگى ورگاندارىنىڭ زاڭسىز وزگەرتىپ قۇراستىرعان ەلەكترلى ۆەلوسيپەتتى شەكتەن تىس تەز جۇرگىزۋ سىندى زاڭعا قايشى ارەكەتكە سوققى بەرۋى، جونگە سالۋى بارىسىنداعى 5 تيپتىك دەلونى جاريالادى.

مۇندا، دۇڭگۋان قالالىق قوعام حاۋىپسىزدىگى ورگاندارى 2024 – جىلى 7 – ايدىڭ 10 – كۇنى زاڭسىز وزگەرتىپ قۇراستىرعان ەلەكترلى ۆەلوسيپەتتى شەكتەن تىس تەز جۇرگىزۋ دەلوسىن تەكسەرىپ انىقتاپ، زاڭعا قايشىلىق جاساعان 6 قىلمىس كۇماندىسىن قولعا تۇسىرگەن. تەكسەرۋگە قاراعاندا، يۇي XX قاتارلى 6 ادام 6 – ايدان بەرى تالاي رەت زاڭسىز وزگەرتىپ قۇراستىرعان ەلەكترلى ۆەلوسيپەتپەن بينحاي - ۋان كوپىرىنىڭ ماڭىندا ەلەكترلى ۆەلوسيپەتتى ارتقى دوڭگەلەگىمەن جۇرگىزۋ، تەز جۇرگىزىپ جارىسۋ قاتارلى حاۋىپتى ارەكەتتەردى ىستەگەن ءارى كەسكىنگە الىپ، ونى ينتەرنەتكە شىعارعان. قازىر قوعام حاۋىپسىزدىگى ورگاندارى يۇي XX قاتارلى 6 ادامدى اكىمشىلىك جاقتان قاماۋعا الدى.

بيىل 4 – ايدان بەرى، بۇكىل ەلىمىزدەگى قوعام حاۋىپسىزدىگى ورگاندارى ”كولىكتى شەكتەن تىس تەز جۇرگىزىپ، كوشەنىڭ شىرقىن بۇزۋ“ سىندى زاڭعا قايشى قىلمىسقا شوعىرلى سوققى بەرۋ جانە جونگە سالۋ قىزمەتى جونىندە ورنالاستىرۋ جاساپ، ەلەكترلى ۆەلوسيپەد حاۋىپسىزدىگى جاعىنداعى حاۋىپ – قاتەرلەردى تۇتاس تىزبەك بويىنشا جونگە سالۋ ارەكەتىمەن ۇشتاستىرا وتىرىپ، زاڭسىز وزگەرتىپ قۇراستىرعان ەلەكترلى ۆەلوسيپەدتى شەكتەن تىس تەز جۇرگىزۋ سىندى زاڭعا قايشى ارەكەتكە سوققى بەرۋ جانە ونى جونگە سالۋ تەبىنىن ارتتىرىپ، قوعامعا ىقپالى ناشار بولعان، زاڭعا قايشى ءبىر توپ دەلولاردى زاڭ بويىنشا تەكسەرىپ انىقتاپ، جۇرتشىلىقتىڭ اڭىسى كۇشتى بولعان ءبىر توپ زاڭسىز ەلەمەنتتەردى قاتاڭ جازالاپ، قوعامنىڭ الەۋمەتتىك حاۋىپسىزدىگى مەن تاس جولدىڭ قاتىناس ءتارتىبىن پارمەندى قورعادى.

كەلۋ قاينارى: حالىق تورابى