ورتالىق ءتارتىپ تەكسەرۋ كوميتەتى مەن مەملەكەتتىك باقىلاۋ – تەكسەرۋ كوميتەتى حابارلاندىرۋ شىعاردى: بيىل الدىڭعى جارىم جىلدا ولكە – مينيسترلىك دارەجەلى 41 كادردىڭ ۇستىنەن دەلو تۇرعىزىلعان 

جۇڭگو اقپارات تورابىنىڭ 7 – ايدىڭ 25 – كۇنگى حابارى. ورتالىق ءتارتىپ تەكسەرۋ كوميتەتى مەن مەملەكەتتىك باقىلاۋ – تەكسەرۋ كوميتەتى تورابىنىڭ حابارلاۋىنشا، ورتالىق ءتارتىپ تەكسەرۋ كوميتەتى مەن مەملەكەتتىك باقىلاۋ – تەكسەرۋ كوميتەتى 2024 – جىلعى الدىڭعى جارىم جىلدا ەلىمىز بويىنشا ءتارتىپ تەكسەرۋ جانە باقىلاۋ – تەكسەرۋ ورگاندارىنىڭ باقىلاۋ - تەكسەرۋ، تەكتەۋ – انىقتاۋ جاعدايىن جاريالاعان.

سۋرەتتە: بۇكىل ەلىمىزدەگى ءتارتىپ تەكسەرۋ، باقىلاۋ – تەكسەرۋ ورگاندارى جازالاعان ادامداردى قىزمەت دارەجەسى بويىنشا ءبولۋ جاعدايى

2024 – جىلدىڭ الدىڭعى جارىمىندا، بۇكىل ەلىمىزدەگى ءتارتىپ تەكسەرۋ، باقىلاۋ – تەكسەرۋ ورگاندارى ءبىر ميلليون 754 مىڭ رەتكى ارىز – ارماندى جانە اشكەرەلەۋدى قابىلداعان، مۇندا اشكەرەلەۋ – ارىز بەرۋ تۇرىندەگى 477 مىڭ رەتكى ارىز – ارماندى جانە اشكەرەلەۋدى قابىلداعان. 971 نىڭ ماسەلەنىڭ دەرەگىن ءبىر جاقتى ەتكەن. 405 مىڭ دەلو تۇرعىزعان، مۇندا، ولكە – مينيسترلىك دارەجەلى 41 كادرعا، مەڭگەرمە – مەكەمە دارەجەلى 2127 كادرعا، اۋدان – باسقارما دارەجەلى 17 مىڭ كادرعا، اۋىل – ءبولىم دارەجەلى 56 مىڭ كادرعا دەلو تۇرعىزعان؛ قازىر مىندەت اتقارىپ وتىرعان نەمەسە بۇرىن مىندەت اتقارعان قىستاق پارتيا ياچەيكا شۋجيلارى مەن قىستاق كوميتەتىنىڭ مەڭگەرۋشىلەرىنەن 47 مىڭ ادامعا دەلو تۇرعىزعان. 332 مىڭ ادامدى جازالاعان، مۇندا، پارتيا ءتارتىبى بويىنشا 266 مىڭ ادامدى، ۇكىمەت ءىسى بويىنشا 93 مىڭ ادامدى جازالاعان؛ ولكە – مينيسترلىك دارەجەلى 25 كادردى، مەڭگەرمە – مەكەمە دارەجەلى 1806 كادردى، اۋدان – باسقارما دارەجەلى 13 مىڭ كادردى، اۋىل – ءبولىم دارەجەلى 43 مىڭ كادردى، 46 مىڭ جاي كادردى، اۋىل – قىستاق پەن كاسىپورىندار قاتارلىلارداعى باسقا قىزمەتكەرلەردەن 229 مىڭ ادامدى جازالاعان.

سۋرەتتە: بۇكىل ەلىمىز بويىنشا ءتارتىپ تەكسەرۋ، باقىلاۋ – تەكسەرۋ ورگاندارىنىڭ ”ءتورت ءتۇرلى فورماتسيادان“ پايدالانۋ سالىستىرماسى

2024 – جىلدىڭ الدىڭعى جارىمىندا، بۇكىل ەلىمىزدەگى ءتارتىپ تەكسەرۋ، باقىلاۋ – تەكسەرۋ ورگاندارى ”ءتورت ءتۇرلى فورماتسيادان“ پايدالانىپ سىنداعان، ءتالىم – تاربيە بەرگەن جانە ءبىر جاقتى ەتكەن ادام سانى 879 مىڭ ادام (رەت). مۇندا، ءبىرىنشى فورماتسيانى پايدالانىپ، سىنداعان، ءتالىم – تاربيە بەرگەن جانە ءبىر جاقتى ەتكەن ادام سانى 542 مىڭ ادام (رەت) بولىپ، جالپى ادام (رەت) سانىنىڭ %61.6 ىن ۇستاعان؛ ەكىنشى فورماتسيانى پايدالانىپ 271 مىڭ ادامدى (رەت) ءبىر جاقتى ەتكەن، بۇل %30.8 ىن ۇستاعان؛ ءۇشىنشى فورماتسيانى پايدالانىپ 31 مىڭ ادامدى (رەت) ءبىر جاقتى ەتكەن، بۇل %3.5 ىن ۇستاعان؛ ءتورتىنشى فورماتسيانى پايدالانىپ 36 مىڭ ادامدى (رەت) ءبىر جاقتى ەتكەن، بۇل %4.1 ىن ۇستاعان.

پارا الۋ مەن پارا بەرۋدى بىردەي تەكسەرۋگە تاباندى بولىپ، پارا بەرۋشىلەردەن 12 مىڭ ادامعا دەلو تۇرعىزىپ، 1941 ادامنىڭ ماسەلەسىن پروكۋراتۋرا ورگاندارىنا جوتكەپ بەرگەن.

كەلۋ قاينارى: حالىق تورابى