زاڭمەن باسقارۋ ارناسىندا رەفورمانى ونان ارى جاپپاي تەرەڭدەتەمىز

زاڭمەن باسقارۋ _ جۇڭگو ۇلگىسىندەگى وسىزامانداندىرۋدىڭ ماڭىزدى كەپىلى. پارتيا 20 ـ كەزەكتى ورتالىق كوميتەتىنىڭ ءۇشىنشى جالپى ماجىلىسىندە رەفورمانى ونان ارى جاپپاي تەرەڭدەتۋدە، ءسوز جوق، پارتيانىڭ جالپى بەتتىك باسشىلىعىنا تاباندى بولۋ، حالىقتى وزەك ەتۋگە تاباندى بولۋ، تۋراشىلدىقتان اينىماي جاڭالىق اشۋعا تاباندى بولۋ، ءتۇزىم قۇرىلىسىن نەگىزگى جەلى ەتۋگە تاباندى بولۋ، مەملەكەتتى جاپپاي زاڭمەن باسقارۋعا تاباندى بولۋ، جۇيە كوزقاراسىنا تاباندى بولۋ سياقتى پرينسيپتەردى دايەكتىلەندىرۋ ايقىندالدى، بۇل شينجياڭداعى قالىڭ كادرلار مەن بۇقارا اراسىندا قىزۋ اڭىس قوزعادى. كوپشىلىك ءبىر اۋىزدان مىنالاردى ءبىلدىردى: زاڭ ەرەجە شىعارۋ، زاڭ اتقارۋ، ءادىليا جۇرگىزۋ، زاڭعا بويسۇنۋ بۋىندارىنداعى رەفورمانى سايكەستى ىلگەرىلەتىپ، شينجياڭدى زاڭمەن باسقارۋدى ىشكەرىلەي ىلگەرىلەتىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋگە اناعۇرلىم كوپ زاڭمەن باسقارۋ كۇشىن قوسامىز.

جالپى ءماجىلىس مىنالاردى ورتاعا قويدى: جالپى بارىستىق حالىق دەموكراتياسىن دامىتۋ _ جۇڭگو ۇلگىسىندەگى وسىزامانداندىرۋدىڭ ماندىك تالابى. ”ءبىز زاڭ ەرەجە شىعارۋدىڭ رەفورما بارىسىنداعى جەتەكشىلىك، ارناعا ءتۇسىرۋ، ىلگەرىلەتۋ جانە قامتاماسىز ەتۋ رولىن ويداعىداي ساۋلەلەندىرىپ، جەرگىلىكتى زاڭ ەرەجە شىعارۋ ارقىلى رەفورمانى ونان ارى جاپپاي تەرەڭدەتۋگە تۇزىمدىك تىرەك ازىرلەيمىز“. اۆتونوميالى رايوندىق حالىق قۇرىلتايى تۇراقتى كوميتەتى زاڭ ـ ءتۇزىم قىزمەتى كوميتەتىنىڭ مەڭگەرۋشىسى لي جۋان مىنالاردى ءبىلدىردى: زاڭ ەرەجە شىعارۋ بارىسىندا جالپى بارىستىق حالىق دەموكراتياسىنا تاباندى بولىپ، حالىق قۇرىلتايى ۋاكىلدەرى، مامان ـ وقىمىستىلار، حالىق بۇقاراسى سياقتى قوعامداعى ءار جاقتىڭ زاڭ ەرەجە شىعارۋعا ات سالىسۋىنىڭ كەڭدىگى مەن تەرەڭدىگىن ۇزدىكسىز كەڭەيتىپ، زاڭ ەرەجە شىعارۋدىڭ پارتيانىڭ دارىپتەمەسىن شىن مانىندە ايگىلەپ، رەفورما مەن دامۋعا ۇيلەسۋىنە مۇمكىندىك جاساپ، حالىقتىڭ تىلەگىن قاناعاتتاندىرۋ كەرەك. جالپى ءماجىلىس كەڭەستىك دەموكراتيا مەحانيزمىن اقاۋسىزداندىرۋ جونىندە رەفورما مىندەتتەرىن ورتاعا قويدى. اۆتونوميالى رايوندىق ساياسي كەڭەس ەكونوميكا كوميتەتىنىڭ ورىنباسار مەڭگەرۋشىسى رۇڭ جۇن بىلاي دەدى: ءبىز ساياسي كەڭەستىڭ دارىندىلار شوعىرلانعان، اقىل ـ پاراسات شوعىرلانعان ارتىقشىلىعىن تولىق ساۋلەلەندىرىپ، شينجياڭنىڭ ”بەس ۇلكەن ستراتەگيالىق ورنىن“ كوزدەپ، نازاردى رەفورمانى ونان ارى جاپپاي تەرەڭدەتۋگە، ۇكىمەت ءىسىن اقىلداسۋعا، اقىل ـ كەڭەس بەرۋگە شوعىرلاندىرامىز.

رەفورما جانە زاڭمەن باسقارۋ _ قۇستىڭ ەكى قاناتى، اربانىڭ ەكى دوڭگەلەگى ىسپەتتى، ءبىرىن ـ ءبىرى كەمەلدەندىرىپ، ءبىر ـ بىرىنە سەرىك بولادى. رەفورمانى جاپپاي تەرەڭدەتۋ، ءسوزسىز، زاڭمەن باسقارۋ قامتاماسىزدىعىن تالاپ ەتەدى، زاڭمەن باسقارۋدىڭ جۇزەگە اسۋى دا رەفورمانى جاپپاي تەرەڭدەتۋدىڭ جەبەۋىنەن قول ۇزە المايدى.

اۆتونوميالى رايوندىق قوعام حاۋىپسىزدىگى مەڭگەرمەسى زاڭ ـ ءتۇزىم باس اترەتىنىڭ باس اترەت باستىعى ۋ يۇڭ مىنالاردى ءبىلدىردى: شينجياڭ قوعام حاۋىپسىزدىگى ورگاندارى جالپى ءماجىلىس رۋحىن جەتەكشى ەتىپ، زاڭمەن باسقارۋ وي جەلىسىنە، تۋراشىلدىقتان اينىماي جاڭالىق اشۋعا، عىلىم ـ تەحنيكالىق قۋات ۇستەۋگە تاباندى بولىپ، ”كاسىپ + مەحانيزم + ۇلكەن ساندى مالىمەت“ جاڭاشا ساقشى ىستەرى اينالىم ۇلگىسىمەن سايكەسەتىن زاڭمەن باسقارۋ قامتاماسىزدىق جۇيەسىن بەلسەنە ورناتىپ، شينجياڭنىڭ زاڭمەن باسقارىلاتىن قوعام حاۋىپسىزدىگى قۇرىلىسىنىڭ جاڭا جاعدايىن ۇزدىكسىز اشادى.

”ءسوز جوق، نەگىزگى زاڭنىڭ اتقارىلۋىن جاپپاي دايەكتىلەندىرىپ، نەگىزگى زاڭنىڭ بەدەلىن قورعاپ، زاڭ ەرەجە شىعارۋ، زاڭ اتقارۋ، ءادىليا جۇرگىزۋ، زاڭعا بويسۇنۋ بۋىندارىنداعى رەفورمالاردى سايكەستى ىلگەرىلەتۋ كەرەك“. كۇنەس اۋداندىق حالىق پروكۋراتۋراسىنىڭ پروكۋرورى تۇرسىنجان نۇر جالپى ءماجىلىستىڭ مازمۇنداماسىن قايتا ـ قايتا ۇيرەندى، ءتۇسىندى، ونىڭ قاراۋىنشا، مازمۇندامادا ”زاڭدى ءادىل اتقارۋ، ءادىليانى ءادىل جۇرگىزۋ ءتۇزىلىس ـ مەحانيزمىن اقاۋسىزداندىرۋ“ سياقتى زاڭمەن باسقارۋ سالاسىنداعى رەفورما مىندەتتەرى ايقىندالىپ، پروكۋراتۋرا قىزمەتىن ويداعىداي ىستەۋگە ارەكەت باعدارناماسى ازىرلەندى. ءبىز دەلونى زاڭ بويىنشا ىستەۋ، ءادىليانى ءادىل جۇرگىزۋ پرينسيبىنە تاباندى بولىپ، زاڭدىق باقىلاۋدى كۇشەيتىپ، ادىلدىك پەن تۋراشىلدىقتى قورعاپ، پروكۋراتۋرانىڭ جوعارى ساپالى مىندەت اتقارۋى ارقىلى حالىقتىڭ سۇراۋىنا جاۋاپ بەرىپ، حالىقتىڭ مۇڭ ـ مۇقتاجىن شەشۋىمىز كەرەك.

حالىقتىق شارۋاشىلىقتىڭ دامۋىن زاڭمەن باسقارۋ ورتاسىن ساپالىلاندىرىپ، حالىقتىق كاسىپورىندار مەن كاسىپورىنشىلاردىڭ زاڭدى ۇقىق ـ مۇددەسىن زاڭ بويىنشا قورعاۋ _ حالىق سوتى مەكەمەسىنىڭ قىزمەت جاۋاپكەرشىلىگىنىڭ ءبىرى. اۆتونوميالى رايوندىق جوعارى حالىق سوتى مەكەمەسى ازاماتتىق ىستەر 2 ـ سوت كوللەگياسىنىڭ ورىنباسار باستىعى لۋ جيانۋي مىنالاردى ءبىلدىردى: جالپى ءماجىلىس رۋحىنىڭ وزەكتى ءمانىن تەرەڭ ءتۇسىنىپ جانە يگەرىپ، ءتۇرلى مال ـ مۇلىك ۇقىعى مەن شارۋاشىلىق تۇلعالارىنىڭ زاڭدى ۇقىق ـ مۇددەسىن ءادىليالىق جاقتان قورعاۋدى كۇشەيتىپ، ءادىل باسەكەلى بازار ءتارتىبىن قورعاپ، ءادىل، جوعارى ءونىمدى ازاماتتىق ساۋدا ىستەرى سوتى ارقىلى ورنىقتى، ءادىل، جاريا، زاڭمەن باسقارىلاتىن شارۋاشىلىق ـ ساۋدا ورتاسىن قالىپتاستىرامىز.

شينجياڭ ءورت ءسوندىرۋ، ورتتەن ساقتانۋ، قۇتقارۋ ـ كومەكتەسۋ باس اترەتى ورگان پارتكومىنىڭ ارناۋلى مىندەتتەگى ورىنباسار شۋجيى جۋ شۋشيان بىلاي دەدى: شينجياڭنىڭ دامۋ كەلەلى جاعدايىمەن ىرىقتىلىقپەن توعىسىپ، الدا ءجۇرىپ قىزمەت وتەپ، زاڭمەن باسقارۋ وي جەلىسى مەن زاڭمەن باسقارۋ ءتاسىلىن بەلسەنە قولدانىپ، ءورت ءسوندىرۋ، ورتتەن ساقتانۋ زاڭ اتقارۋ رەفورماسىن، دامۋىن ىلگەرىلەتىپ، زاڭ اتقارۋ ساپاسىن جاپپاي جوعارىلاتىپ، ءورت ءسوندىرۋ، ورتتەن ساقتانۋ قىزمەتىنىڭ جاۋاپكەرشىلىك جۇيەسىن اقاۋسىزداندىرىپ، ساپالىلاندىرىپ، ءورت ءسوندىرۋ، ورتتەن ساقتانۋ حاۋىپسىزدىگى زاڭ ـ ەرەجەلەرىن، تۇزىمدەرىن ۇزدىكسىز كەمەلدەندىرىپ، ءورت ءسوندىرۋ، ورتتەن ساقتانۋ زاڭ اتقارۋ دەڭگەيىن ءونىمدى جوعارىلاتىپ، جوعارى دەڭگەيدەگى ءورت ءسوندىرۋ، ورتتەن ساقتانۋ حاۋىپسىزدىگى ارقىلى شينجياڭنىڭ جوعارى ساپالى دامۋىنا دەم بەرەمىز.

جۇڭگو ۇلگىسىندەگى وسىزامانداندىرۋ بارىسىندا مەملەكەتتى جاپپاي زاڭمەن باسقارۋدىڭ ىشكەرىلەي دامۋىن ىلگەرىلەتۋدە، ءسوز جوق، حالىقتى وزەك ەتۋگە تاباندى بولۋ كەرەك.

”قازىرگى كەزەڭدە حالىق بۇقاراسىنىڭ تاماشا تۇرمىسقا تالپىنىسى وقۋ ـ اعارتۋ، ەمدەۋ سياقتى جاقتاردا ايگىلەنىپ قانا قالماستان، زاڭمەن باسقارۋ سالاسىندا دا ايگىلەندى“. اۆتونوميالى رايوندىق پارتكوم شينجياڭدى جاپپاي زاڭمەن باسقارۋ كوميتەتى كەڭسەسى حاتشىلار باسقارماسىنىڭ باستىعى چىن لەي مىنالاردى ءبىلدىردى: جالپى ءماجىلىس رۋحىن ۇيرەنۋدى ءوز قىزمەتىمىزدى ويداعىداي ىستەۋمەن تىعىز ۇشتاستىرىپ، ”زاڭمەن باسقارۋدى حالىق ءۇشىن جۇرگىزۋدى“ زاڭ ەرەجە شىعارۋ، زاڭ اتقارۋ، ءادىليا جۇرگىزۋ، زاڭعا بويسۇنۋ، زاڭ جالپىلاستىرۋ قىزمەتتەرىنىڭ تۇتاس بارىسىنا ءسىڭىرىپ، ”زاڭمەن باسقارۋدى حالىق ءۇشىن جۇرگىزۋ ارقىلى ناقتى ىستەر ىستەۋ“ قيمىلىن تىڭعىلىقتى، ىشكەرىلەي ورىستەتىپ، بۇقارانىڭ ات سالىسۋ دەڭگەيىن جوعارىلاتۋعا كۇش سالىپ، ءار ۇلت بۇقاراسىنا زاڭمەن باسقارۋ قۇرىلىسىنىڭ جىلۋى مەن تەبىنىن شىنايى سەزىندىرەمىز.

اۆتونوميالى رايوندىق ءادىليا مەڭگەرمەسى زاڭ جالپىلاستىرۋ جانە زاڭ بويىنشا باسقارۋ باسقارماسىنىڭ ورىنباسار باستىعى جاڭ يىڭجۇن مىنالاردى ءبىلدىردى: جالپى حالىققا زاڭ جالپىلاستىرۋ تەبىنىن اناعۇرلىم ارتتىرىپ، زاڭمەن باسقارۋ مادەنيەتى مەن زاڭ جالپىلاستىرۋ ۇگىتىنىڭ ورگانيكالى توعىسۋىن ىلگەرىلەتىپ، ەندىك باعىتتا شەتىنە، بويلىق باعىتتا تۇبىنە جەتەتىن، جالپى حالىقتى قامتىعان، جاندى دا جالىندى زاڭ جالپىلاستىرۋ قىزمەت جۇيەسىن ورناتىپ، تۇتاس قوعامنىڭ زاڭدى قۇرمەتتەۋىن، زاڭدى ۇيرەنۋىن، زاڭعا بويسۇنۋىن، زاڭدى قولدانۋىن ىلگەرىلەتەمىز.

”ءبىز كاسىپورىندارعا بارىپ حاۋىپسىزدىك تەكسەرۋىن جۇرگىزىپ، كاسىپورىنداردىڭ حاۋىپسىزدىك بويىنشا ساقتانۋ ءتۇزىمىن كەمەلدەندىرۋىنە كومەكتەسىپ، كاسىپورىن توڭىرەگىنىڭ اماندىق ورتاسىن رەتتەپ ـ وڭاپ، كاسىپورىنداردىڭ قالىپتى ءوندىرىس، شارۋاشىلىق ءتارتىبىن قامتاماسىز ەتەمىز“. كورلا قالالىق قوعام حاۋىپسىزدىگى مەكەمەسى اماندىق ساقتاۋ ۇلكەن اترەتىنىڭ ورىنباسار باستىعى دىليار ارىپ بىلاي دەدى: جالپى ءماجىلىستىڭ رۋحىن مۇقيات ءتۇسىنىپ، كاسىپورىندارمەن تىلدەسۋدى، بايلانىستى ۇزدىكسىز كۇشەيتىپ، قىزمەت وتەۋ شارالارىن ساپالىلاندىرىپ، اناعۇرلىم بەرىك بەكىممەن، اناعۇرلىم پارمەندى شارامەن كاسىپورىنداردى دامۋ بارىسىندا ۋايىمنان ارىلتىپ، قيىنشىلىعىن شەشەمىز.

وسى بىرنەشە كۇندە ءۇرىمجى ساييا ينتەرنەت عىلىم ـ تەحنيكا شەكتى سەرىكتەستىگىنىڭ باس ديرەكتورى يۋە فىڭ جالپى ءماجىلىستىڭ حابارى مەن رۋحىنىڭ تۇسىندىرمەسىنە ايرىقشا نازار اۋداردى. ”رەفورمانى ونان ارى جاپپاي تەرەڭدەتىپ، سوتسياليستىك زاڭمەن باسقارۋ رۋحىن اسقاقتاتىپ، حالىقتىق كاسىپورىندارىمىزعا اناعۇرلىم جاقسى دامۋ ورتاسىن جانە اناعۇرلىم كوپ دامۋ ورايىن ازىرلەيتىندىگىنە سەنەمىن“، ـ دەدى ول.

”نەگىزگى ساتىداعى ساياسي ـ زاڭ كادرلارىمىز مەملەكەتتىڭ ساياسي حاۋىپسىزدىگىن قورعاۋ، قوعامدىق كەلەلى جاعدايدىڭ ورنىقتىلىعىنا شىنايى كەپىلدىك ەتۋ، قوعامنىڭ ادىلدىگىن، تۋراشىلدىعىن جەبەۋ، حالىقتىڭ تىنىش ءومىر، شات ـ شادىمان تىرشىلىك كەشىرۋىن قامتاماسىز ەتۋ قىزمەت جاۋاپكەرشىلىگىن، بورىشىن بار كۇشپەن اتقارىپ، جاڭا داۋىردەگى جاڭا جورىقتا ساياسي ـ زاڭ قىزمەتىنىڭ وسىزاماندانۋىن قۇلشىنا ىلگەرىلەتۋگە تىڭ دا اناعۇرلىم زور ۇلەس قوسامىز“، ـ دەدى ءۇرىمجى جوعارى، جاڭا تەحنيكا كاسىپ سالالارىن اشۋ رايونى (جاڭا قالا رايونى) پارتكومى ساياسي ـ زاڭ كوميتەتىنىڭ كادرى باي ميڭجيە.

(ءتىلشى جاڭ لەي، قاتىناسقان تىلشىلەر سۇي يۇنيان، جاڭ يانفاڭ، ۋاڭ نا، ياڭ شۋحان، گو ليڭ)