سىرتقى ىستەر مينيسترلىگىنىڭ مالىمدەمەشىسى جۇڭگو جاقتىڭ رىن – اي مارجان قۇزىنا قاتىستى اۋقىمدى مەڭگەرۋ تۋرالى فيليپپين جاقپەن ۋاقىتتىق ورنالاستىرۋعا كەلىسكەنى جونىندە ءتىلشىنىڭ سۇراۋىنا جاۋاپ قايتاردى 

شينحۋا اگەنتتىگىنىڭ 7 – ايدىڭ 22 – كۇنى بەيجيڭنەن بەرگەن حابارى. سىرتقى ىستەر مينيسترلىگىنىڭ مالىمدەمەشىسى 7 – ايدىڭ 22 – كۇنى جۇڭگو جاقتىڭ رىن – اي مارجان قۇزىنا قاتىستى اۋقىمدى مەڭگەرۋ تۋرالى فيليپپين جاقپەن ۋاقىتتىق ورنالاستىرۋعا كەلىسكەنى جونىندە ءتىلشىنىڭ سۇراۋىنا جاۋاپ قايتاردى.

ءتىلشى بىلاي دەپ سۇرادى: جۇڭگو مەن فيليپپين رىن – اي مارجان قۇزىنا قاتىستى كەلىسىم جاسادى ما؟

مالىمدەمەشى الدىمەن مىنانى باسا دارىپتەدى: رىن – اي مارجان قۇزى — جۇڭگونىڭ نانشا توپ ارالىنىڭ ءبىر ءبولىمى، رىن – اي مارجان قۇزىن قامتىعان نانشا توپ ارالى مەن ونىڭ ماڭىنداعى تەڭىز الابىنىڭ يەلىك ۇقىعى جۇڭگوعا ءتان. رىن – اي مارجان قۇزىنا قاتىستى اۋقىمدى قالاي ءبىرجاقتى ەتۋ تۋرالى جۇڭگو جاق ءۇش ءتۇرلى پرينسيپتىك مايدانىن اشىق جاريالاعان:

بىرىنشىدەن، فيليپپين جىبەرگەن ”اسكەري كەمەنىڭ“ رىن – اي مارجان قۇزىندا ۇزاق ۋاقىت بويى ”قايراڭداپ قالۋى“ جۇڭگونىڭ يەلىك ۇقىعىنا سۇعاناقتىق جاساعاندىق، «نانحايداعى ءارقايسى جاقتاردىڭ ارەكەت جارناماسىنا»، وتە – موتە، بەسىنشى تارماقتاعى يەن ارالدار مەن مارجان قۇزدارعا قونىستانباۋ تۋرالى بەلگىلەمەگە قايشى كەلەدى. جۇڭگو جاق ءالى دە فيليپپين جاقتان اتالعان كەمەنى سۇيرەپ اكەتۋدى، رىن – اي مارجان قۇزىنىڭ ادام قونىستانباعان، قۇرىلعى ورنالاستىرىلماعان بۇرىنعى قالپىن قالپىنا كەلتىرۋدى تالاپ ەتەدى.

ەكىنشىدەن، فيليپپين ”قايراڭداپ قالعان“ اسكەري كەمەنى سۇيرەپ اكەتۋدەن بۇرىن، ەگەر فيليپپين اتالعان كەمەدەگى قونىستانۋشىلارعا تۇرمىستىق قاجەتتى بۇيىمداردى جەتكىزىپ بەرمەكشى بولسا، جۇڭگو جاق ادامگەرشىلىك كومەك تۇرعىسىن شىعار ءتۇيىن ەتىپ، ىستەن بۇرىن جۇڭگو جاققا حابارلاندىرعان ءارى ناق مايداندا تەكسەرۋ جۇرگىزۋدەن وتكىزگەن جاعدايدا، فيليپپين جاقتىڭ قاتىستى زاتتاردى تاسىمالداۋىنا رۇقسات بەرەدى، جۇڭگو جاق بارلىق بارىستى باقىلاۋ – مەڭگەرۋگە الادى.

ۇشىنشىدەن، ەگەر فيليپپين جاق زور مولشەردەگى قۇرىلىس ماتەريالدارىن كەمەگە تاسىمالداپ جەتكىزىپ، تۇراقتى قۇرىلعى مەن ماڭگىلىك قاراۋىل سالماقشى بولسا، جۇڭگو جاق، مۇلدە، قابىلدامايدى، زاڭ – تۇزىمدەرگە ساي باتىل توقتاتىپ، جۇڭگونىڭ يەلىك ۇقىعى مەن «نانحاي تەڭىزىندەگى ءارقايسى جاقتاردىڭ ارەكەت جارناماسىنىڭ» بەدەلىن قورعايدى.

مالىمدەمەشى مىنانى ءبىلدىردى: جوعارىداعى ءۇش ءتۇرلى پرينسيپتىك مايدان نەگىزىندە، جۇڭگو جاق جۋىردان بەرى فيليپپين جاقپەن رىن – اي مارجان قۇزىنا قاتىستى اۋقىمدى مەڭگەرۋ تۋرالى ۇزدىكسىز كەڭەس وتكىزدى ءارى جۋىردا ادامگەرشىلىك تۇرعىسىنان تۇرمىستىق بۇيىمداردى جەتكىزۋ جونىندە ۋاقىتتىق ورنالاستىرۋدى ماقۇلدادى. ەكى جاق تەڭىزدەگى الاۋىزدىقتى بىرگە تەجەۋگە، نانحاي تەڭىزىندەگى جاعدايدى باسەڭدەتۋگە ماقۇل بولدى.

كەلۋ قاينارى: حالىق تورابى