جۇڭگو جاق شاڭحاي سەلبەستىك ۇيىمىنىڭ كەزەكتى ءتوراعا ەلى قىزمەتىن جاپپاي باستادى 

شينحۋا اگەنتتىگىنىڭ ءتىلشىسى ما جويان، ليۋ ياڭ 7 – ايدىڭ 22 – كۇنى بەيجيڭنەن حابارلايدى. بيىل 7 – ايدا شاڭحاي سەلبەستىك ۇيىمىنىڭ استاناداعى باسشىلار ماجىلىسىنەن سوڭ، جۇڭگو شاڭحاي سەلبەستىك ۇيىمىنىڭ 2024 – جىلدان 2025 – جىلعا دەيىنگى ارالىقتاعى كەزەكتى ءتوراعا ەلى قىزمەتىن رەسمي قابىلدادى ءارى داعدى بويىنشا 2025 – جىلعى باسشىلار ءماجىلىسىن ۇيىمداستىرادى. جۇڭگو جاق بۇعان وسكەلەڭ ءمان بەرىپ، كەزەكتى ءتوراعا ەل قىزمەتىن جاپپاي باستادى.

بۇل اقپاراتتى سىرتقى ىستەر مينيسترلىگىنىڭ مالىمدەمەشىسى ماۋ نيڭ 7 – ايدىڭ 22 – كۇنى كەزەكتى تىلشىلەردى قابىلداۋ ماجىلىسىندە ايتتى.

ماۋ نيڭ بىلاي دەدى: شاڭحاي سەلبەستىك ۇيىمى قۇرىلعاننان بەرى، باستان – اياق ”شاڭحاي رۋحىنا“ تاباندى بولىپ، ساياسي جاقتا ءوزارا سەنىمدىلىكتى ۇزدىكسىز نىعايتىپ، تاتۋ كورشىلىك قاتىناس پەن دوستىقتى ۇزدىكسىز كۇشەيتىپ، وڭىرلىك حاۋىپسىزدىكتى بىرگە قورعاپ، ناقتى سەلبەستىكتى شىنايى كۇشەيتىپ، ىقپالى، ۇيىستىرۋ قۋاتى جانە باۋرامدىلىعى ۇزدىكسىز جوعارىلادى. شاڭحاي سەلبەستىك ۇيىمى ەڭ باستاپقى 6 مۇشە ەلدەن 26 مەملەكەتتەن ۇيىمداسقان ”شاڭحاي ۇيىمىنىڭ ۇلى شاڭىراعىنا“ كەڭەيىپ، قازىرگى دۇنيە جۇزىندەگى قامتيتىن كولەمى ەڭ زور، جان سانى ەڭ كوپ ۋنيۆەرسال وڭىرلىك سەلبەستىك ۇيىمىنا اينالىپ، سەلبەستىك جاساپ، بىرگە يگىلىكتەنۋ سىندى بەيبىت دامۋ جولىمەن ءجۇرىپ، حالىقارالىق قارىم – قاتىناستىڭ جاڭا تيپتى ۇلگىسىن تىكتەپ، ادامزاتتىڭ تاعدىرلاس ورتاق تۇلعاسىن قۇرۋعا ماڭىزدى نازاريالىق نەگىز قالادى جانە امالياتتىق ىزدەنىس جاسادى.

ماۋ نيڭ مىنانى ءبىلدىردى: جۇڭگو جاق الداعى ءبىر جىل ىشىندە شاڭحاي سەلبەستىك ۇيىمىنداعى سەرىكتەرىمەن بىرگە ساياسي، حاۋىپسىزدىك، ەكونوميكا جانە گۋمانيتارلىق قاتارلى سالالاردا سەلبەستىكتى كۇشەيتىپ، شاڭحاي سەلبەستىك ۇيىمىنىڭ وسى وڭىردەگى حاۋىپسىزدىك قالتقىسى، سەلبەستىك كوپىرى، دوستىق دانەكەرى جانە سىندارلى كۇش بولۋ سىندى ماڭىزدى رولىن تولىق ساۋلەلەندىرەدى.

كەلۋ قاينارى: حالىق تورابى