بيرمانىڭ سولتۇستىگىنە قاشىپ كەتكەنىنە كوپ جىل بولعان قۋعىنداۋ بۇيرىعى تۇسكەن 3 قاشقىندى ەلگە قايتارىپ اكەلدى

شينحۋا اگەنتتىگىنىڭ 7 – ايدىڭ 25 – كۇنى بەيجيڭنەن بەرگەن حابارى. ءتىلشىنىڭ 7 – ايدىڭ 25 – كۇنى قوعام حاۋىپسىزدىگى مينيسترلىگىنەن ۇعىسۋىنشا، تاياۋدا قوعام حاۋىپسىزدىگى مينيسترلىگى بيرما ۇكىمەتىنىڭ زاڭ اتقارۋ تاراۋىمەن حالىقارالىق ساقشى ىستەرى بويىنشا زاڭ اتقارۋ سەلبەستىگىن ورىستەتىپ، جۇڭگونىڭ بيرمادا تۇراتىن باس ەلشىحاناسىنىڭ سەلبەسۋىندە جاڭ انلۇڭ (ەر، 42 جاستا، حۋبەي ولكەسىنىڭ يۇنمىڭ دەگەن جەرىنەن)، ما ۋىنشياڭ (ەر، 37 جاستا، يۇننان ولكەسىنىڭ پۋىر دەگەن جەرىنەن)، ياڭ جينمەي (ايەل، 45 جاستا، يۇننان ولكەسىنىڭ لينساڭ قالاسىنان) قاتارلى بيرمانىڭ سولتۇستىك وڭىرىنە ۇزاق جىل جاسىرىنىپ جۇرگەن، قۋعىنداۋ بۇيرىعى تۇسكەن، ەسىرتكىگە قاتىستى اۋىر دەلوعا شاتىلعان قاشقىنداردى ءساتتى ۇستادى، 7 ـ ايدىڭ 24 ـ كۇنى كەشتە، بيرما جاق وتكىزىپ بەرگەن ەسىرتكىگە ساياتىن 3 قاشقىن اۋىر قىلمىسكەردى قوعام حاۋىپسىزدىگى ورگانى ءساتتى ەلگە قايتارىپ اكەلدى.

بۇل رەتكى ارەكەت جۇڭگو مەن بيرمانىڭ ەسىرتكىگە تيىم سالۋ سالاسىندا حالىقارالىق زاڭ اتقارۋ سەلبەستىگىن ورىستەتۋدە قول جەتكىزگەن تاعى ءبىر كەلەلى تابىسى. تەكسەرۋ ارقىلى جاڭ انلۇڭ، ما ۋىنشياڭ، ياڭ جينمەيلەردىڭ حالىقارالىق ەسىرتكى ساتۋ تورابىنىڭ تىرەكتى مۇشەلەرى ءارى شەتەلگە قاشىپ كەتكەنىنە كوپ جىل بولعاندىعىن، ەلىمىز شەكاراسى ىشىندە ەسىرتكى اتكەزشىلىگىمەن، ساتۋمەن شۇعىلدانىپ، حۋنان، حۋبەي، يۇننان، گۋاڭشي قاتارلى جەرلەردەگى ساقشىلار بارلاپ اشقان كوپتەگەن اۋىر ەسىرتكى دەلولارىنىڭ مولشەرى 2000 كيلوگرامنان اسقان. 2023 – جىلى 12 – ايدىڭ 28 - كۇنى قوعام حاۋىپسىزدىگى مينيسترلىگى قاتىستى جەرگىلىكتى قوعام حاۋىپسىزدىگى ورگاندارىن ۇيىمداستىرىپ، قىلمىس فاكتىلەرى مەن دالەل - سىپاتتاردى تولىق تەكسەرىپ انىقتاۋ نەگىزىندە، جاڭ انلۇڭ قاتارلى ەسىرتكىگە ساياتىن 10 اۋىر قاشقىن قىلمىستىعا اشىق سيلىق بەرىپ قۋعىنداۋ بۇيرىعىن شىعارۋدى ۇيعاردى. بيىل 7 ـ ايدا جۇڭگو ـ بيرما ەسىرتكىگە تيىم سالۋ تاراۋلارى حالىقارالىق زاڭ اتقارۋ سەلبەستىگىن ورىستەتىپ، 7 – ايدىڭ 9 – كۇنى ياڭ جينمەيدى، 7 – ايدىڭ 13 – كۇنى جاڭ انلۇڭ مەن ما ۋىنشياڭدى قولعا الدى. قازىرگە دەيىن قوعام حاۋىپسىزدىگى ورگاندارى اشىق سيلىق بەرىپ قۋعىن سالعان بيرمانىڭ سولتۇستىگىندەگى ەسىرتكىگە قاتىستى 10 ءىرى قاشقىن قىلىمىستىنىڭ التاۋى قولعا الىندى.

كەلۋ قاينارى: حالىق تورابى