2024 ـ جىلعى اۆتونوميالى رايوننىڭ شينجياڭدى مادەنيەتپەن نارلەندىرۋ قىزمەتىن ىلگەرىلەتۋ ءماجىلىسى اشىلدى

انار بۇلت \ شينجياڭ گازەتىنىڭ ءتىلشىسى جاڭ يانفاڭ 7 ـ ايدىڭ 24 ـ كۇنى ۇرىمجىدەن حابارلايدى. 7 ـ ايدىڭ 24 ـ كۇنى 2024 ـ جىلعى اۆتونوميالى رايوننىڭ شينجياڭدى مادەنيەتپەن نارلەندىرۋ قىزمەتىن ىلگەرىلەتۋ ءماجىلىسى اشىلدى. ءماجىلىس پارتيا 20 ـ كەزەكتى ورتالىق كوميتەتى ءۇشىنشى جالپى ءماجىلىسىنىڭ رۋحىن ىشكەرىلەي ۇيرەندى، دايەكتىلەندىردى، شي جينپيڭ مادەنيەت يدەياسىن جانە پارتيا ورتالىق كوميتەتىنىڭ شينجياڭدى مادەنيەتپەن نارلەندىرۋ قىزمەتى جونىندەگى ستراتەگيالىق ورنالاستىرۋلارىن ۇيرەندى، دايەكتىلەندىردى، اۆتونوميالى رايوندىق پارتكومنىڭ قىزمەت تالاپتارىن دايەكتىلەندىردى، تياناقتاندىردى، قىزمەتتەردى قورىتىندىلادى، ولقىلىقتاردى تاپتى، سوڭعى جارتى جىلداعى شينجياڭدى مادەنيەتپەن نارلەندىرۋ قىزمەتىن اقىلداسىپ ورنالاستىردى.

اۆتونوميالى رايوندىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى ۋاڭ جيانشين ماجىلىسكە قاتىناستى ءارى ءسوز سويلەدى، سۇن حۇڭمەي باسقاردى.

ءماجىلىس مىنالاردى اتاپ كورسەتتى: بيىل جىل باسىنان بەرى اۆتونوميالى رايوندىق پارتكومنىڭ پارمەندى باسشىلىعىندا، جەر ـ جەر، تاراۋلار شىنايى مويىنداۋدى كۇشەيتۋدى نىسانا ەتۋگە تاباندى بولىپ، نازاردى جىلدىق ءتۇيىندى مىندەتتەرگە شوعىرلاندىرىپ، جۇيەلى جوسپارلاۋدى كۇشەيتىپ، قامتاماسىزداندىرۋ مەحانيزمىن كەمەلدەندىرىپ، شينجياڭدى مادەنيەتپەن نارلەندىرۋ قىزمەتىن نىق قاداممەن العا ىلگەرىلەتتى.

ءماجىلىس مىنالاردى باسا دارىپتەدى: شي جينپيڭ مادەنيەت يدەياسىن جەتەكشى ەتۋگە تاباندى بولىپ، قىزمەت ءتۇيىنىن كورنەكتىلەندىرىپ، 2024 ـ جىلعى اۆتونوميالى رايوننىڭ شينجياڭدى مادەنيەتپەن نارلەندىرۋ قىزمەتىنىڭ ماڭىزدى ءتۇيىنىن جانە جۇمىس ءبولىسى جوباسىن ارقاۋ ەتە وتىرىپ مىندەتتەردى تىڭعىلىقتى ىلگەرىلەتۋ كەرەك. شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋدى، ۇگىتتەۋدى، دايەكتىلەندىرۋدى ماڭداي الدى ساياسي مىندەت ەتىپ، پارتيانىڭ جاسامپاز نازارياسىنىڭ تيانشان الابىندا تامىر تارتىپ تياناقتانۋىن ءۇرتىس ىلگەرىلەتۋ؛ جۇڭحۋا مادەنيەتىن بار كۇشپەن اسقاقتاتىپ، بۇكىل قوعامدا جۇڭحۋا مادەنيەتى نەگىزگى ءتۇسىن بەينەلەۋگە كۇش سالۋ؛ كوپ ءتۇرلى شارانى قاتار قولدانا وتىرىپ ءار ۇلت بۇقاراسىن دۇرىس تاريح كوزقاراسىن بەرىك ورناتۋعا جەتەكتەۋ؛ مەملەكەتتە ءبىر تۇتاس قولدانىلاتىن ءتىل ـ جازۋ تاربيەسىن ءۇرتىس كۇشەيتۋ؛ وسى زامانعى وركەنيەت جاڭا سالتىن كۇش سالا جەتىلدىرۋ، قالىپتاستىرۋ؛ ادەبيەت ـ كوركەمونەر سارا تۋىندىلارى ستراتەگياسىن بار كۇشپەن اتقارىپ، بۇقارانىڭ مادەني تۇرمىسىن بايىتۋ؛ مادەنيەت اۋىس ـ كۇيىسىن، ءبىر ـ بىرىنەن ۇلگى الۋىن كۇشەيتىپ، ساياحاتتى اشىق ۇستاۋ سەرپىنىن ارتتىرىپ، ۇلتتاردىڭ ارالاسۋىن، ىشتەسۋىن، توعىسۋىن ۇزدىكسىز تەرەڭدەتۋ كەرەك. جاۋاپكەرشىلىكتى قاتايتىپ، ناقتىلاندىرىپ، شينجياڭدى مادەنيەتپەن نارلەندىرۋ قىزمەتىنىڭ ۇزدىكسىز جاڭا ونىمدىلىكتەرگە قول جەتكىزۋىن ىلگەرىلەتۋ كەرەك.