اۋىل – قىستاقتاعى كادر قيىنشىلىعى بارلاردىڭ ەڭ تومەنگى تۇرمىس دەڭگەيىن قامتاماسىزداندىرۋ قوسىمشا قاراجاتىنان 2314 رەت قاراجات يەلەپ العان 

ەڭ تومەنگى تۇرمىس دەڭگەيى قامتاماسىزداندىرىلاتىن ەرەكشە قيىنشىلىعى بار ادامدار مەن مۇگەدەكتەرگە بەرىلگەن قوسىمشا قاراجاتقا قيانات جاساعاندى قالاي تۇسىنەمىز؟ يۇننان ولكەلىك ءتارتىپ تەكسەرۋ كوميتەتى مەن باقىلاۋ – تەكسەرۋ كوميتەتى ”قۇمىرىسقانىڭ يلەۋ كوشىرۋى فورماسىنداعى“ ءبىر رەتكى شىرىكتەسۋ ءىسى جونىندە حابارلاندىرۋ شىعارىپ، بۇكىل قوعام بۇل ىسكە نازار اۋداردى. 2020 – جىلدان 2021 – جىلعا دەيىنگى ەكى جىل ىشىندە، يۇننان ولكەسى ۋىنشان وبلىسى فۋنيڭ اۋدانى ايۇڭ اۋىلدىق حالىق ۇكىمەتى كەڭسەسىنىڭ بۇرىنعى مەڭگەرۋشىسى حۋاڭ جينحۇي قىزمەت قولايلىلىعىنان پايدالانىپ، قوعامدىق قامقورلىق قاراجاتىنان قوسىمشا قاراجات بەرىلەتىندەردىڭ تىزىمدىگىن تەكسەرۋ مەن اقشانى بانكەنىڭ ۋاكىلدىك فورمادا تاراتىپ بەرۋىنە وتكىزۋ بارىسىندا مۇگەدەكتەرگە بەرىلەتىن قوسىمشا قاراجات، قارتتارعا بەرىلەتىن قوسىمشا قاراجات، قامقورلىق كورسەتۋ وبيەكتىلەرىنە بەرىلەتىن قوسىمشا قاراجات، سونداي – اق مەديتسينالىق قوسىمشا قاراجات، اۋىل – قالاشىقتاعى ەڭ تومەنگى تۇرمىسى قامتاماسىزداندىرىلاتىن قيىنشىلىعى بارلارعا بەرىلەتىن قۇتقارۋ – باعۋ قاراجاتى قاتارلىلاردان 611 ادامنىڭ قاراجاتىنان 2314 رەتتە جيىنى 167 مىڭ 500 يۋان قاراجاتتى بەلگىلەمەگە قايشى يەلەپ العان.

نەگىزگى ساتىداعى كادر رەتىندە، وسىنداي ءالسىز قاۋىمنىڭ ”جان ساقتايتىن قاراجاتىنان“ دا قولىن تارتپاعانى ما؟ ەكى جىل ىشىندە ورتا ەسەپپەن كۇنىنە ءۇش رەت، ءار رەتتە 70 نەشە يۋان قىمقىرىپ وتىرعان. وسىنداي ”قۇمىرىسقانىڭ يلەۋ كوشىرۋى فورماسىنداعى“ شىرىكتەسۋ ارقىلى ەڭ تومەنگى تۇرمىسى قامتاماسىزداندىرىلاتىن وتباسىلاردىڭ، مۇگەدەكتەردىڭ ”جان ساقتايتىن قاراجاتىن“ اقىرىن – اقىرىن ءوزىنىڭ ”جيعان – تەرگەنىنە“ اينالدىرىپ العان، ارانى اشىلعان اشكوزدىگى ادامدى سەلت ەتكىزەدى. بيىل 5 – ايدا حۋاڭ جينحۇي پارتيادان شىعارىلىپ، ۇكىمەت قىزمەتىنەن بوساتىلعان، قىلمىس كۇمانىن تۋدىرعان ماسەلەسى جونىندە زاڭ بويىنشا تەكتەۋ – تەكسەرۋ جۇرگىزىلىپ، ايىپتاۋ كوتەرىلگەن؛ تارتىپكە، زاڭعا قايشى قول جەتكىزگەن قاراجاتى وتكىزىپ الىنعان ءارى جۇرتشىلىققا قايتارىلعان. ”جولبارىستارعا“ سوققى بەرۋ كەرەك، ”شىبىنداردى“ دا قاعۋ كەرەك، ”قۇمىرىسقالاردى“ دا جويۋ كەرەك. ”جەگى قۇرتتار“ كوزگە وڭاي بايقالماعانىمەن، ءىس جۇزىندە زالالى زور، نەمقۇرايدى قاراۋعا بولمايدى. يۇننان ولكەلىك ءتارتىپ تەكسەرۋ كوميتەتى مەن باقىلاۋ – تەكسەرۋ كوميتەتى جۇرتشىلىقتىڭ ماڭايىندا تۋىلعان بۇرىس ستيلدەر مەن شىرىكتەسۋگە ساياتىن ماسەلەلەردى جونگە سالۋدى پاك يۇننان قۇرىلىسىنداعى ”حالىققا تيىمدىلىك جەتكىزۋ ارەكەتىنىڭ“ كولەمىنە ەنگىزىپ، ءبىرتۇتاس ىلگەرىلەتىپ، جۇرتشىلىقتىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتۋدە. ”قۇمىرىسقاداي جەمەڭگەرلەردى“ تەجەپ، ”قۇمىرىسقانىڭ يلەۋ كوشىرۋى فورماسىنداعى“ شىرىكتەسۋدەن ساقتانۋدىڭ باعدارى نەگىزگى ساتىدا، باستى ءتۇيىنى نەگىزگى ساتىدا.

كەلۋ قاينارى: حالىق تورابى