شينجياڭ ۇيعۇر اۆتونوميالى رايونى جاڭادان ساياحاتتىق دارەتحانا سالعان ورىنداردى سيلاۋعا جانە ولارعا قوسىمشا قاراجات بەرۋگە 17 ميلليون 100 مىڭ يۋان قاراجات ءبولدى 

انار بۇلت \ شينجياڭ گازەتىنىڭ ءتىلشىسى ياۋ گاڭ حابارلايدى. ءتىلشىنىڭ شينجياڭ ۇيعۇر اۆتونوميالى رايوندىق مادەنيەت جانە ساياحات مەڭگەرمەسىنەن ۇعىسۋىنشا، بيىل شينجياڭ ۇيعۇر اۆتونوميالى رايونى ءبىرتۇتاس جوسپارلاۋ ارقىلى 17 ميلليون 100 مىڭ يۋان ارناۋلى قاراجات ءبولىپ، بۇل قاراجاتتى جاڭادان ساياحاتتىق دارەتحانا سالعان جەرلەردى سيلاۋ جانە ولارعا قوسىمشا قاراجات بەرۋگە پايدالانادى.

بيىل — شينجياڭنىڭ ساياحات جاعىندا قىزمەت وتەۋ ساپاسىن جوعارىلاتۋ جىلى، شينجياڭ زات باعاسى، دارەتحانا، ساياحات ۇيىرمەسىنىڭ تاستاپ كەتۋى قاتارلى ءۇش ءىرى ماسەلە جونىندە ارناۋلى جونگە سالۋ ورىستەتەدى. بيىل جاڭادان 171 دارەتحانا سالۋدى، كونەرگەن 510 دارەتحانانى وزگەرتىپ سالۋدى، قۇراستىرمالى، جىلجىمالى 280 دارەتحانانى ورنالاستىرۋدى جوسپارلاعان. 6 – ايدىڭ سوڭىنا دەيىن، بۇكىل اۆتونوميالى رايون بويىنشا جاڭادان 93 ساياحاتتىق دارەتحانا سالىنىپ بولعان، قازىر 69 دارەتحانا سالىنۋدا، 9 دارەتحانانىڭ الدىڭعى مەرزىمدىك رەسميەتتەرى ىستەلۋدە؛ كونەرگەن 459 دارەتحانا جاڭارتىلعان؛ 162 جىلجىمالى دارەتحانا ارتتىرىلعان (61 دارەتحانا ىسكە قوسىلعان، 101 دارەتحانا قازىر قۇراستىرىلۋدا)، 47 دارەتحاناعا قاتىستى ساتىپ الۋ جانە مايعا الۋ رەسميەتتەرى ورىندالۋدا.

سۋرەتتە: بوعدا كولى كورىنىس رايونىنداعى ساياحاتتىق دارەتحانانىڭ ىشكى جاعى. سۋرەتتى بوعدا كولى كورىنىس رايونى بەرگەن

كەلۋ قاينارى: حالىق تورابى