وسى اپتادا بۇكىل شينجياڭنىڭ باسىم كوپ ساندى جەرلەرىندە 35 سەلتسي گرادۋستان جوعارى ىستىق بولادى

ءتىلشىنىڭ 7 – ايدىڭ 29 – كۇنى شينجياڭ اۋا رايى ستانسياسىنان ۇعىسۋىنشا، وسى اپتادا (7 – ايدىڭ 29 – كۇنىنەن 8 – ايدىڭ 4 – كۇنىننە دەيىن) بۇكىل شينجياڭنىڭ جازىق وڭىرلەرىندە ءۇرتىس جوعارى تەمپەراتۋرالى اۋا رايى جالعاسىپ، وڭتۇستىك، سولتۇستىك شينجياڭنىڭ قيىس باتىس وڭىرلەرىندە، تيانشان تاۋلى وڭىرلەرىندە وتكىنشى جاڭبىر كوبىرەك جاۋادى.

شينجياڭ اۋا رايى ستانسياسى مىنانى ەسكەرتتى: ءىشىنارا جەرلەردەگى كۇشتى كونۆەكسيالىق اۋا رايىنىڭ كەسىرىنەن بولاتىن نوسەر، سەل، تاۋلى وڭىردەگى قار تاسقىنى جانە جەر كوشكىنى، لاي تاسقىنى سياقتى گەولوگيالىق اپاتتاردىڭ ءتيىمسىز ىقپالىنان ءتۇيىندى تۇردە ساقتانۋ كەرەك؛ الدىن الا مالىمەتتە كورسەتىلۋىنشە، مەجەمەن 7 - ايدىڭ 29 - كۇنىنەن 8 - ايدىڭ 4 - كۇنىنە دەيىن، بۇكىل شينجياڭنىڭ كوپ ءبولىم جازىق رايوندارىندا 35 سەلتسي گرادۋستان جوعارى ىستىق اۋا رايى جارىققا شىعادى، مۇنىڭ ىشىندە 7 - ايدىڭ 29 - كۇنىنەن 7 - ايدىڭ 30 - كۇنىنە دەيىن (وڭتۇستىك شينجياڭ ويپاتىندا 7 – ايدىڭ 31 – كۇنىنە دەيىن جالعاسادى)، تيانشاننىڭ سولتۇستىك بەتكەيىندەگى، وڭتۇستىك شينجياڭداعى ويپاتتارداعى، شىعىس شينجياڭنىڭ باسىم كوپ جەرىندەگى ەڭ جوعارى اۋا تەمپەراتۋراسى 40 سەلتسي گرادۋستان اسادى، تۇرپان قالاسىندا، قۇمىل قالاسىنىڭ وڭتۇستىگىندەگى ءىشىنارا جەرلەردە 45 سەلتسي گرادۋستان جوعارى بولدى.

7 - ايدىڭ 30 - كۇنى تۇستەن كەيىننەن 31 - كۇنى تۇنگە دەيىن، سولتۇستىك شينجياڭنىڭ باتىس سولتۇستىك بولەگى، تيانشان تاۋلى ءوڭىرى جانە ونىڭ ەكى جاعالاۋى، وڭتۇستىك شينجياڭنىڭ باتىس بولىگىندەگى تاۋلى وڭىرلەر قاتارلى جەرلەردىڭ ءىشىنارا وڭىرلەرىندە سەبەزگى جاڭبىر جاۋادى (بيىك تاۋلى وڭىردە قار جاۋادى)، ىلە وزەنى اڭعارىندا ، بۇراتالا موڭعۇل اۆتونوميالى وبلىسىنىڭ باتىس بولىگىندە، تارباعاتاي ايماعىنىڭ تاۋلى وڭىرلەرىندە، شىحىزى قالاسىنىڭ وڭتۇستىگىندەگى تاۋلى وڭىرلەردە، ءۇرىمجى قالاسىنىڭ تاۋلى وڭىرىندە، سانجى حۇيزۋ اۆتونوميالى وبلىسىنىڭ تاۋلى وڭىرىندە، قاشقار ايماعىنىڭ تاۋلى وڭىرىندە، اقسۋ ايماعىنىڭ تاۋلى وڭىرىندە، بايىنعولين موڭعۇل اۆتونوميالى وبلىسىنىڭ تاۋلى وڭىرىندە ورتاشادان باستاپ قالىڭ جاڭبىرعا دەيىن جاۋادى، تاۋلى وڭىرلەردىڭ ءىشىنارا جەرلەرىندە نوسەر جاۋادى. جوعارىدا ايتىلعان وڭىرلەردىڭ باسىم كوپ بولەك جەرلەرىندە باتىس سولتۇستىكتەن 4 بال اينالاسىندا جەل سوعادى، جەل وتتەرىندە 9 دا 10 بالعا جەتەدى، وڭتۇستىك شينجياڭ ويپاتىنىڭ ورتا، شىعىس بولەگىندە قيىس شىعىستان 5 تە 6 بال جەل سوعادى، ءىشىنارا جەرلەردە مەزەتتىك قۇمدى بوران سوعادى.

8 ـ ايدىڭ 2 ـ كۇنىنەن 4 ـ كۇنىنە دەيىن، سولتۇستىك شينجياڭنىڭ باتىس بولىگى، تيانشان تاۋلى ءوڭىرى، وڭتۇستىك شينجياڭنىڭ باتىس بولىگىندەگى تاۋلى وڭىرلەر، اقسۋ ايماعى، كۇنلۇن تاۋىنىڭ سولتۇستىك بەتكەيى قاتارلى جەرلەردىڭ ءىشىنارا وڭىرلەرىندە ۇزدىك ـ سوزدىق سەبەزگى جاڭبىر جاۋادى (بيىك تاۋلى وڭىرلەردە قار جاۋادى)، تاۋلى وڭىرلەردىڭ ءىشىنارا جەرلەرىندە نوسەر جاۋادى.

شينجياڭ اۋىل شارۋاشىلىق اۋا رايى ستانسياسى مىنانى ەسكەرتتى: تاياۋدا بۇكىل شينجياڭنىڭ كوپ جەرىندە قاتتى ىستىق ۇزدىكسىز جالعاسۋدا، اتىزدى باسقارۋدى كۇشەيتىپ، ماقتا اتىزىندا سۋ ىستەتۋ مولشەرىن ۇيلەسىمدى ارتتىرىپ، از مولشەردەگى جوعارى جيىلىكتەگى تامشى سۋ ارقىلى جوعارى تەمپەراتۋرانىڭ زيانىنان ساقتانىپ، ءوسۋى تەز بولعان ماقتانى دەر كەزىندە تىزگىندەپ، ماقتا اتىزىنىڭ اۋا الماسۋىن، كۇن نۇرىنىڭ ءتۇسۋىن جەبەپ، ءتاجى قاباتىنىڭ تەمپەراتۋراسىن تومەندەتىپ، جوعارى تەمپەراتۋرانىڭ ىقپالىن ازايتۋ كەرەك.

كەلۋ قاينارى: حالىق تورابى