قوعام حاۋىپسىزدىگى ورگاندارى وقىتۋشىلارعا قاتىستى وسەك – اياڭدارعا قاتاڭ سوققى بەردى ءارى جونگە سالدى 

جۋىرداعى جىلداردان بەرى، قوعام حاۋىپسىزدىگى مينيسترلىگىنىڭ ينتەرنەت حاۋىپسىزدىگى مەكەمەسى وقۋ – اعارتۋ مينيسترلىگىنىڭ وقىتۋشىلار قىزمەتى مەڭگەرمەسىمەن بىرگە ينتەرنەتتەگى وقىتۋشىلارعا قاتىستى وسەك – اياڭ مەن جالعان ينفورماتسيالاردى شارلاپ تەكسەرۋ جانە ءبىر جاقتى ەتۋ تەبىنىن ارتتىرىپ، زاڭعا قايشى قىلمىس قالىپتاستىرعاندارعا قوعام حاۋىپسىزدىگى ورگاندارى زاڭ بويىنشا باتىل سوققى بەردى. جۋىردا وقىتۋشىلارعا قاتىستى وسەك – اياڭعا ساياتىن تيپتىك 3 دەلو جاريالاندى:

ءبىرىنشى دەلو: 2024 – جىلى 1 – ايدىڭ 3 – كۇنىنەن باستاپ، ياڭ XX وقىرمانداردى باۋراپ، جانكۇيەر جيناۋ ءۇشىن ”بەلگىلى باستاۋىش مەكتەپتىڭ جاس وقىتۋشىسى وقىتۋ قىزمەتى مەن كۇندەلىكتى تۇرمىستىڭ قىسىمىنا شىداماعاندىقتان قابات ۇيدەن سەكىرىپ قازا بولدى“ دەگەن سياقتى جالعان مازمۇنداعى قىسقا كەسكىندەردى قيىستىرىپ جاساپ، ينتەرنەتتەگى تەكشەلەردە جاريالاۋ ارقىلى دابىرالاپ، قوعامدا ناشار ىقپال تۋدىرعان. فۋجيان ولكەسىندەگى سول جەرگە جاۋاپتى قوعام حاۋىپسىزدىگى ورگانى ياڭ XX كە قىلمىستىق ءىس بويىنشا ماجبۇرلەۋ شاراسىن اتقارىپ، ونىڭ قىلمىستىق ىستەرگە ساياتىن جاۋاپكەرشىلىگىن زاڭ بويىنشا قۋزاستىرعان.

ەكىنشى دەلو: 2024 – جىلى 2 – ايدىڭ 28 – كۇنى، ءمالىم توراپتا بەلگىلى جوعارى مەكتەپتىڭ وقىتۋشىلارى مەن وقۋشىلارىنىڭ كورگەنسىزدىك ىستەگەن سۋرەتتەرى مەن وسەك – اياڭ بايقالىپ، باسقالاردىڭ كىسىلىگى مەن بەدەلىنە اۋىر دارەجەدە سۇعاناقتىق جاساپ، قوعامدا ناشار ىقپال تۋدىرعان، زياندالعانداردىڭ كەيبىرەۋى ءتىپتى جانىنان بەزە جازداعان. قوعام حاۋىپسىزدىگى ورگاندارىنىڭ تەكسەرىپ انىقتاۋىنشا، قىلمىس كۇماندىسى ليۋ XX الەۋمەتتىك جەلىدەگى تەكشەلەر قاتارلى تور بەتتەرى مەن ينتەرنەتتەن تىس ارنالار ارقىلى زياندالۋشىلاردىڭ سۋرەتتەرىن جيناپ، AI قۇرالى ارقىلى ولاردىڭ كورگەنسىزدىك ىستەگەنىن بەينەلەيتىن جالعان سۋرەتتەردى جاساعان ءارى قاساقانا ”بادىك ولەڭ“ شىعارۋ ارقىلى قورلاعان ءارى ولارعا كۇيە جاققان. شاندۇڭ ولكەسىندەگى وسى جەرگە جاۋاپتى قوعام حاۋىپسىزدىگى ورگانى ليۋ XX تى قىلمىستىق ىستەر بويىنشا قاماۋعا العان، ونىڭ قىلمىستىق ىستەرگە ساياتىن جاۋاپكەرشىلىگىن زاڭ بويىنشا قۋزاستىرعان.

ءۇشىنشى دەلو: 2024 – جىلى 4 – ايدىڭ 28 – كۇنى، تاڭ XX كورىلىم جيناۋ، جانكۇيەر توپتاۋ ءۇشىن ”سىچۋان ولكەسىندەگى بەلگىلى اۋدانداعى ءبىر مەكتەپتىڭ وقىتۋشىسى وقۋشىنى شاپالاقپەن ۇرعان، ساقشى جاق ءبىر جاقتى ەتۋ بارىسىندا وقۋشى ءوز ۇيىندە وزىنە قول جۇمساپ قازا بولعان“ دەگەن تاقىرىپتاعى ماقالانى جالعاننان قاساقانا قۇراستىرعان. سىچۋان ولكەسىندەگى وسى جەرگە جاۋاپتى قوعام حاۋىپسىزدىگى ورگانى ونى اكىمشىلىك جاقتان 7 كۇندىك قاماۋعا العان.

كەلۋ قاينارى: حالىق تورابى